Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Matewu 15:1-39

15  Kutani Vafarisi ni vatsari lava humaka eYerusalema+ va ta eka Yesu, va ku:  “Ha yini vadyondzisiwa va wena va tlula ndhavuko wa vanhu va minkarhi ya khale? Hi xikombiso, a va hlambi mavoko loko va lava ku dya swakudya.”+  A va angula a ku: “Ha yini na n’wina mi tlula xileriso xa Xikwembu hikwalaho ka ndhavuko wa n’wina?+  Hi xikombiso, Xikwembu xi te, ‘Xixima tata wa wena ni mana+ wa wena’; naswona, ‘La rhukanaka tata wakwe kumbe mana wakwe a a dlayiwe.’+  Kambe n’wina mi ri, ‘Hambi ku ri mani la byelaka tata wakwe kumbe mana wakwe a ku: “Xin’wana ni xin’wana lexi ndzi nga na xona lexi ndzi nga ku pfunaka ha xona i nyiko leyi nyikeriweke eka Xikwembu,”  a nga fanelanga a xixima tata wakwe nikatsongo.’+ Kutani mi endle rito ra Xikwembu ri nga tirhi hikwalaho ka ndhavuko wa n’wina.+  N’wina vakanganyisi,+ Esaya+ u profete hilaha ku faneleke malunghana na n’wina, loko a ku,  ‘Vanhu lava va ndzi xixima hi milomu ya vona, kambe timbilu ta vona ti le kule swinene na mina.+  Va tama va ndzi gandzela swa hava, hikuva va dyondzisa swileriso swa vanhu va swi endla tidyondzo leti nga enawini.’”+ 10  Hiloko a vitana ntshungu wu ta ekusuhi kutani a ku eka wona: “Yingisani mi tlhela mi kuma mongo wa swona:+ 11  Leswi nyamisaka munhu a hi swona leswi nghenaka enon’wini wakwe; kambe munhu u nyamisiwa hi leswi humaka enon’wini wakwe.”+ 12  Kutani vadyondzisiwa va ta, va ku eka yena: “Xana wa swi tiva leswaku Vafarisi va khunguvanyekile loko va twa leswi u swi vuleke?”+ 13  A angula a ku: “Ximilana xin’wana ni xin’wana lexi nga byariwangiki hi Tata wa mina wa le tilweni xi ta simuriwa.+ 14  Va tshikeni. I vakongomisi lava feke mahlo. Kutani, loko munhu la feke mahlo a kongomisa munhu la feke mahlo, havambirhi va ta wela emugodini.”+ 15  Petro a n’wi angula a ku: “Hi hlamusele+ kahle xifaniso lexi.” 16  Hiloko a ku: “Xana na n’wina a mi si twisisa?+ 17  Xana a mi swi lemuki leswaku xin’wana ni xin’wana lexi nghenaka enon’wini xi hundzela emarhumbyini kutani xi humela enkululweni? 18  Hambiswiritano, swilo leswi humaka enon’wini swi huma embilwini, kutani swilo sweswo hi swona leswi nyamisaka munhu.+ 19  Hi xikombiso, embilwini ku huma ku anakanya ko homboloka,+ ku dlaya hi vomu, vuoswi, vumbhisa, vukhamba, vumbhoni bya mavunwa ni swisandzu.+ 20  Leswi hi swona swilo leswi nyamisaka munhu; kambe ku dya swakudya hi mavoko lama nga hlambiwangiki a swi n’wi nyamisi munhu.”+ 21  Loko a suka kwalaho, Yesu u ye etindhawini ta Tiri na Sidoni.+ 22  Kutani waswivo, wansati wa Mufenikiya+ la humaka eswifundzheni sweswo a huwelela hi matimba, a ku: “Vana ni tintswalo eka mina,+ Hosi, N’wana wa Davhida. N’wana wa mina wa nhwanyana u ngheniwe ngopfu hi madimona.” 23  Kambe a nga vulanga nchumu ku n’wi hlamula. Kutani vadyondzisiwa vakwe va ya eka yena va n’wi kombela va ku: “N’wi tlherise; hikuva u ya emahlweni a huwelela a hi landzelela.” 24  A hlamula a ku: “A ndzi rhumiwanga eka un’wana ni un’wana kambe ndzi rhumiwe eka tinyimpfu leti lahlekeke ta yindlu ya Israyele.”+ 25  Loko wansati yoloye a fika u sungule ku n’wi nkhinsamela a ku: “Hosi, ndzi pfune!”+ 26  A hlamula a ku: “A swi lulamanga ku teka xinkwa xa vana u xi hoxela swimbyanyana.” 27  Yena a ku: “Ina, Hosi; kambe entiyisweni swimbyanyana swi dya mahlanhla lawa ma waka etafuleni ra vini+ va swona.” 28  Kutani Yesu a n’wi angula a ku: “Wena wansati, ripfumelo ra wena i rikulu; a swi endleke hilaha u navelaka hakona.” Xisweswo n’wana wakwe wa nhwanyana a hola ku sukela hi nkarhi wolowo.+ 29  Loko a tsemakanya tiko ku suka kwalaho, Yesu u fike ekusuhi ni lwandle ra Galeliya,+ kutani, endzhaku ko tlhandlukela entshaveni,+ a tshama kwalaho. 30  Kutani mintshungu leyikulu yi n’wi tshinelela, yi ri ni vanhu lava khutaka, lava lamaleke, lava feke mahlo, timbheveve ni van’wana vo tala, hiloko va va tshamisisa kahle emilengeni ya yena, kutani a va hanyisa;+ 31  hiloko ntshungu wu hlamala loko wu vona timbheveve ti vulavula ni lava khutaka va famba ni lava feke mahlo va vona, kutani va vangamisa Xikwembu xa Israyele.+ 32  Kambe Yesu a vitana vadyondzisiwa vakwe va ta eka yena ivi a ku:+ “Ntshungu lowu ndzi wu twela vusiwana,+ hikuva swi endla masiku manharhu wu tshame na mina naswona a wu na swakudya; kutani a ndzi lavi ku wu tlherisa wu ri ni ndlala. Swi nga ha endleka wu gon’wela egondzweni.” 33  Hambiswiritano, vadyondzisiwa va ku eka yena: “Hi kwihi laha hi nga ta kuma swinkwa leswi eneleke swo xurhisa ntshungu wo tanihi lowu laha nhoveni?”+ 34  Hiloko Yesu a ku eka vona: “Xana mi ni swinkwa swingani?” Va ku: “Swa nkombo ni tinhlampfi ti nga ri tingani.” 35  Kutani, endzhaku ko lerisa ntshungu leswaku wu vurhama, 36  a teka swinkwa swa nkombo ni tinhlampfi, naswona loko a nkhensile, a swi phemelela a sungula ku avela vadyondzisiwa, vadyondzisiwa na vona va avela mintshungu.+ 37  Kutani hinkwavo va dya va xurha, naswona va hlengeleta swiphemu leswi saleke ku tala swirhundzu+ swo phamela swa nkombo. 38  Kambe ku dye vavanuna va 4 000 ku nga hlayiwi vavasati ni vana lavatsongo. 39  Eku heteleleni, loko a tlherise mintshungu, a nghena ebyatsweni a ya eswifundzheni swa Magadani.+

Tinhlamuselo ta le hansi