Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Matewu 14:1-36

14  Enkarhini wolowo Heroda, mufumi wa muganga, a twa ndhuma ya Yesu+  kutani a ku eka malandza yakwe: “Loyi i Yohane Mukhuvuri. U pfuxiwile eka lava feke, hi yona mhaka leyi mintirho ya matimba yi tirhaka eka yena.”+  Hikuva Heroda u khome Yohane a n’wi boha a n’wi pfalela ekhotsweni hikwalaho ka Herodiya nsati wa Filipi makwavo.+  Hikuva Yohane a a hamba a n’wi byela a ku: “A swi pfumeleriwi leswaku u n’wi teka.”+  Hambiswiritano, nileswi a a lava ku n’wi dlaya, a a chava ntshungu, hikuva a wu n’wi teka a ri muprofeta.+  Kambe loko ku tlangeriwa siku ra ku velekiwa+ ka Heroda, n’wana wa Herodiya wa nhwanyana a ri cinela kutani a tsakisa Heroda swinene ngopfu  lerova a n’wi tshembisa hi xihlambanyo ku n’wi nyika xin’wana ni xin’wana lexi a nga ta xi kombela.+  Kutani yena, hi ku byeleteriwa hi mana wakwe, a ku: “Ndzi nyike nhloko ya Yohane Mukhuvuri+ yi ri enkambaneni.”  Hambileswi hosi a yi ri ni gome, hikwalaho ka ku xixima swihlambanyo swa yona ni hikwalaho ka lava vurhameke na yona yi lerisa leswaku va n’wi nyika yona;+ 10  kutani yi humesa rito ra leswaku ku ya tsemiwa nhloko ya Yohane ekhotsweni. 11  Xisweswo nhloko ya yena yi tisiwa yi ri enkambaneni ivi yi nyikiwa nhwanyana loyi, kutani yena a yi yisa eka mana+ wakwe. 12  Eku heteleleni vadyondzisiwa vakwe va ta, va teka ntsumbu va wu lahla+ kutani va ya vikela Yesu. 13  Loko Yesu a twa sweswo, a suka kwalaho hi byatso a ya enhoveni leswaku a va swakwe;+ kambe mintshungu, loko yi swi twa, yi suka emitini hi milenge yi n’wi landzela. 14  Loko a xika, a vona ntshungu lowukulu; kutani a wu twela vusiwana,+ a hanyisa vavabyi+ exikarhi ka wona. 15  Kambe nimadyambu, vadyondzisiwa vakwe va ta eka yena va ku: “Laha hi le nhoveni naswona nkarhi wu fambile swinene; tlherisa mintshungu, leswaku yi ta ya eswimitanini yi ya tixavela swakudya.”+ 16  Kambe, Yesu a ku eka vona: “A yi fanelanga yi famba: n’wina yi nyikeni swakudya.”+ 17  Va ku eka yena: “A hi na nchumu laha loko ku nga ri swinkwa swa ntlhanu ni tinhlampfi+ timbirhi.” 18  A ku: “Swi tiseni eka mina.” 19  Endzhaku a lerisa mintshungu ku vurhama ebyanyini kutani a teka swinkwa swa ntlhanu ni tinhlampfi timbirhi, a languta ehenhla etilweni, a nkhensa,+ endzhaku ko phema swinkwa, a swi avela vadyondzisiwa vakwe, vadyondzisiwa na vona va avela mintshungu.+ 20  Hi ndlela yoleyo hinkwavo va dya va xurha, kutani va hlengeleta swiphemu leswi saleke, ku tala swirhundzu swa 12.+ 21  Hambiswiritano lava dyeke a ku ri vavanuna va kwalomu ka 5 000, ku nga hlayiwi vavasati ni vana+ lavatsongo. 22  Kutani, handle ko hlwela, a sindzisa vadyondzisiwa vakwe ku khandziya byatso va n’wi rhangela ku ya etlhelo lerin’wana, loko a ri karhi a tlherisa mintshungu.+ 23  Eku heteleleni, loko a tlherise mintshungu, a tlhandlukela entshaveni a ri yexe a ya khongela.+ Hambileswi nkarhi a wu fambile, a a ri swakwe endhawini yoleyo. 24  Hi nkarhi lowu, byatso a byi ri ekule ni ribuwa hi timitara ta madzana yo tala, byi nonon’hweriwa hi magandlati,+ hikuva mheho a yi byi sivela. 25  Kambe hi nkarhi wa vumune wo rindza nivusiku a ta eka vona, a famba ehenhla ka lwandle.+ 26  Loko va n’wi vona a famba ehenhla ka lwandle, vadyondzisiwa a va karhatekile, va ku: “I xihlola!”+ Kutani va huwelela hi ku chava. 27  Kambe xikan’we-kan’we Yesu a va byela marito lawa: “Tiyani mbilu, hi mina;+ mi nga chavi.” 28  Petro a n’wi angula a ku: “Hosi, loko ku ri wena, ndzi lerise ku ta eka wena ndzi ri ehenhla ka mati.” 29  A ku: “Tana!” Hi nkarhi wolowo Petro, a xika ebyatsweni,+ a famba ehenhla ka mati a ya eka Yesu. 30  Kambe loko a languta xidzedze, a sungula ku chava, kuteloko a sungula ku mbombomela, a huwelela a ku: “Hosi, ndzi ponise!” 31  Hi ku hatlisa Yesu a tshambuluta voko a n’wi khoma kutani a ku eka yena: “Wena wa ripfumelo leritsongo, ha yini u kanakana?”+ 32  Naswona endzhaku ka loko va nghenile ebyatsweni, xidzedze xi hunguteka. 33  Kutani lava nga ebyatsweni va n’wi nkhinsamela, va ku: “Kunene u N’wana+ wa Xikwembu.” 34  Kutani va pela ivi va fika eribuweni eGenesareta.+ 35  Loko vavanuna va ndhawu yoleyo va n’wi vona, va rhuma vanhu emugangeni wolowo hinkwawo, kutani vanhu va n’wi tisela hinkwavo lava a va vabya.+ 36  Va kombela ku khumba dziva ra nguvu+ yakwe ya le handle loko swi koteka; naswona hinkwavo lava nga yi khumba va hanyisiwa hi ku helela.

Tinhlamuselo ta le hansi