Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Matewu 11:1-30

11  Kutani loko Yesu a heta ku nyika swiletelo eka vadyondzisiwa vakwe va 12, a suka kwalaho ku ya dyondzisa ni ku chumayela emitini ya vona.+  Kambe Yohane, loko a twa hi ta mintirho ya Kreste a ri ekhotsweni,+ a rhuma vadyondzisiwa va yena  va ku eka yena: “Xana hi wena Loyi a Taka, kumbe hi fanele ku langutela un’wanyana?”+  Yesu a va angula a ku: “Khomani ndlela mi ya vikela Yohane leswi mi swi twaka ni ku swi vona:  Lava feke mahlo va vona,+ ni lava khutaka+ va famba, va nhlokonho+ va basisiwa naswona lava feke tindleve+ va twa, ni lava feke+ va pfuxiwa, ni swisiwana swi byeriwa mahungu lamanene;+  kutani wa tsaka loyi a nga kumiki nchumu lexi n’wi khunguvanyisaka eka mina.”+  Loko va ri endleleni, Yesu a sungula ku byela mintshungu hi ta Yohane: “Xana a mi humele ku ya vona yini emananga?+ Ku ya vona rihlanga leri tsekatsekisiwaka hi mheho?+  Kutani ke, a mi humele ku ya vona yini? Ku ya vona munhu la ambaleke tinguvu to olova? Ina, lava ambaleke tinguvu to olova va le tindlwini ta tihosi.+  Kutani, kahle-kahle a mi humele yini? Ku ya vona muprofeta? Ina, ndza mi byela, la n’wi tlulaka ngopfu muprofeta.+ 10  Loyi hi yena loyi ku tsariweke leswi malunghana na yena, ‘Waswivo! Ndzi rhuma murhumiwa wa mina emahlweni ka wena, la nga ta rhanga emahlweni a ku lunghisela ndlela!’+ 11  Ndzi tiyisile ndzi ri eka n’wina, Exikarhi ka lava velekiweke hi vavasati+ a ku si humelela lonkulu eka Yohane Mukhuvuri; kambe munhu lontsongo emfun’weni+ wa matilo u nkulu eka yena. 12  Kambe ku sukela emasikwini ya Yohane Mukhuvuri ku fikela sweswi mfumo wa matilo i pakani leyi vanhu va lwelaka ku yi fikelela, naswona lava va lwelaka ku yi fikelela va yi kuma.+ 13  Hikuva Vaprofeta hinkwavo ni Nawu, va profete kukondza ku ta Yohane;+ 14  naswona loko mi lava ku swi amukela, Yena hi byakwe i ‘Eliya loyi a nga ta ta.’+ 15  Loyi a nga ni tindleve a a yingise.+ 16  “Xana xitukulwana+ lexi ndzi ta xi fanisa na mani? Xi fana ni vana lavatsongo lava tshameke etindhawini ta ku xavisela lava huwelelaka vatlangi-kulobye,+ 17  va ku, ‘Hi mi chayele xitiringo, kambe a mi cinanga; hi kalakarile, kambe a mi tibanga mi rila hi gome.’+ 18  Hilaha ku fanaka, Yohane u tile a nga dyi hambi ku nwa,+ kambe vanhu va ku, ‘U ni dimona’; 19  N’wana wa munhu u tile a dya ni ku nwa,+ hambiswiritano vanhu va ku, ‘Maswivo! I munhu wa madyo ni la tinyiketeleke eku nweni ka vhinyo, nakulobye wa valuvisi ni vadyohi.’+ Hambiswiritano, vutlhari byi kombisiwa byi ri lebyi lulameke hi mintirho+ ya byona.” 20  Kutani a sungula ku sola miti leyi yo tala leyi mintirho yakwe ya matimba yi endliweke eka yona, hikuva a yi hundzukanga:+ 21  “Khombo eka wena, Korazini! Khombo eka wena, Betsayida,+ hikuva loko mintirho ya matimba leyi endliweke eka n’wina a yi endliwe eTiri ni le Sidoni, a va ta va va hundzuke khale swinene va ambale nguvu yo khwaxa naswona va ri eminkumeni.+ 22  Hikwalaho ndzi ri eka n’wina, Swi ta tiyiseleka swinene eka Tiri na Sidoni hi Siku ra Vuavanyisi+ ku tlula eka n’wina.+ 23  Na wena, Kapernawume,+ xana swi nga ha endleka u tlakuseriwa etilweni? U ta xikela+ eHayidesi;+ hikuva loko mintirho ya matimba leyi endlekeke eka wena a yi lo endleka eka tiko ra Sodoma, a ri ta va ra ha ri kona ku fikela namuntlha. 24  Hikwalaho ndzi ri eka n’wina, Swi ta tiyiseleka swinene eka tiko ra Sodoma hi Siku ra Vuavanyisi ku tlula eka n’wina.”+ 25  Enkarhini wolowo Yesu a angula a ku: “Tatana, ndza ku dzunisa erivaleni, Hosi ya tilo ni misava, hikuva swilo leswi u swi fihlele lavo tlhariha ni lava nga ni ku twisisa kutani u swi hlavutele swihlangi.+ 26  Ina, Wena Tatana, hikuva ku endlisa sweswo ku ve ndlela leyi amukeriweke hi wena. 27  Swilo hinkwaswo ndzi nyikiwe swona hi Tata+ wa mina, naswona a nga kona la tivaka N’wana hi ku helela handle ka Tatana,+ hambi ku ri la tivaka Tatana hi ku helela loko ku nga ri N’wana, na mani na mani loyi N’wana a rhandzaka ku n’wi hlavutela+ eka yena. 28  Tanani eka mina, n’wina hinkwenu lava tirhaka hi matimba ni lava tikeriwaka,+ ndzi ta mi phyuphyisa. 29  Tlhandlekani joko+ ra mina ehenhla ka n’wina mi tlhela mi dyondza eka mina,+ hikuva ndzi ni moya wo rhula+ ni mbilu yo titsongahata, kutani mi ta kumela mimoya-xiviri ya n’wina ku phyuphya.+ 30  Hikuva joko ra mina ra olova ni ndzhwalo wa mina wa vevuka.”+

Tinhlamuselo ta le hansi