Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Marka 9:1-50

9  Ku tlula kwalaho, a ya emahlweni a ku eka vona: “Ndzi tiyisile ndzi ri eka n’wina, Ku ni van’wana lava yimeke laha lava nga ta ka va nga nantswi rifu nikatsongo va nga si rhanga va vona mfumo wa Xikwembu wu ri eku fumeni.”+  Endzhaku ka masiku ya tsevu Yesu a teka Petro na Yakobo na Yohane, a tlhandlukela na vona entshaveni leyi tlakukeke va ri swavo. Hiloko a hundzuriwa emahlweni ka vona,+  ni tinguvu takwe ta le handle ti vangama, ti basa swinene ku tlula leswi muhlantswi wa swiambalo wihi ni wihi wa laha misaveni a nga ti basisaka hakona.+  Nakambe, Eliya a ri na Muxe va humelela eka vona, va ri karhi va bula na Yesu.+  Kutani Petro a angula Yesu a ku: “Rabi, i swinene leswaku hi va laha, hi pfumelele hi dzima mintsonga yinharhu, wun’wana wu va wa wena, wun’wana wu va wa Muxe, wun’wana wu va wa Eliya.”+  Entiyisweni, a a nga swi tivi leswaku u ta angula a ku yini, hikuva a va chavile swinene.  Kutani ku vumbeka papa, ri va funengeta, rito+ ri huma epapeni ri ku: “Loyi i N’wananga,+ la rhandzekaka; n’wi yingiseni.”+  Hambiswiritano, hi xitshuketa va rhalarhala kambe va nga ha voni munhu a ri na vona, loko ku nga ri Yesu ntsena.+  Loko va ri karhi va rhelela hi le ntshaveni, a va lerisa hi ku kongoma leswaku va nga runguleli+ munhu leswi va swi voneke, ku fikela loko N’wana wa munhu a pfukile eka lava feke.+ 10  Kutani va ri hlayisa embilwini rito rero, kambe va kanela va ri swavo malunghana ni leswi ku pfuka koloko eka lava feke ku vulaka swona. 11  Kutani va sungula ku n’wi vutisa, va ku: “Ha yini vatsari va vula leswaku ku fanele ku rhanga ku ta+ Eliya?”+ 12  A ku eka vona: “Eliya u ta rhanga a fika a vuyetela swilo hinkwaswo;+ kambe swi endlekisa ku yini ku tsariwe leswaku N’wana wa munhu u fanele ku weriwa hi ku xaniseka+ ko tala ni ku khomiwa tanihi loyi a nga pfuniki nchumu?+ 13  Kambe ndzi ri eka n’wina, entiyisweni, Eliya+ u tile, kutani va n’wi endle swilo hinkwaswo leswi a va swi lava, hilaha swi tsariweke hakona malunghana na yena.”+ 14  Kutani, loko va fika eka vadyondzisiwa lavan’wana, va vona ntshungu lowukulu wu va rhendzerile naswona vatsari va ri karhi va kanetana na vona.+ 15  Kambe hi ku hatlisa loko ntshungu hinkwawo wu n’wi vona, wu tshuka, naswona wu tsutsumela eka yena, wu n’wi xeweta. 16  Kutani a wu vutisa a ku: “Xana mi kanetana na vona ha yini?” 17  Un’wana wa lava nga entshungwini a n’wi hlamula a ku: “Mudyondzisi, ndzi tise n’wana wa mina eka wena hikuva yena u ni moya wa ku tsandzeka ku vulavula;+ 18  naswona kun’wana ni kun’wana laha wu n’wi khomaka kona, wu n’wi tlatlalata ehansi, kutani a tlhutlha khuvi, a getserisa meno, a heleriwa hi ntamu. Naswona ndzi byele vadyondzisiwa va wena leswaku va wu hlongola, kambe va tsandzekile.”+ 19  A va angula a ku: “N’wina xitukulwana+ xo pfumala ripfumelo, xana ndzi fanele ndzi ya emahlweni na n’wina ku fikela rini? Xana ndzi fanele ku mi lehisela mbilu ku fikela rini? N’wi tiseni eka mina.”+ 20  Kutani va n’wi yisa eka yena. Kambe xikan’we-kan’we moya wu rhurhumerisa n’wana loyi emahlweni ka yena, kuteloko a wele ehansi, a vumbuluka-vumbuluka, a tlhutlha khuvi.+ 21  A vutisa tata wakwe a ku: “Xana leswi swi ni nkarhi wo tanihi kwihi swi endleka eka yena?” A ku: “Ku sukela evutsongwanini; 22  naswona nkarhi ni nkarhi wu n’wi hoxa endzilweni ni le matini leswaku wu n’wi lovisa.+ Kambe loko u swi kota ku endla swo karhi, hi twele vusiwana u hi pfuna.” 23  Yesu a ku eka yena: “Rito rero, ‘Loko u swi kota’! Phela, swilo hinkwaswo swi nga endleka eka munhu loko munhu wa kona a ri ni ripfumelo.”+ 24  Hi ku hatlisa tata wa n’wana lontsongo a huwelela a ku: “Ndzi ni ripfumelo! Ndzi pfune laha ndzi lavaka ripfumelo+ kona!” 25  Yesu, loko a vona leswaku ntshungu a wu tsutsumela eka vona, a tshinya+ moya lo-wu nga basangiki, a ku eka wona: “Wena moya wa ku tsandzeka ku vulavula ni ku twa, ndza ku lerisa ndzi ri, huma eka yena naswona u nga ha pfuki u nghenile eka yena nikatsongo.” 26  Kuteloko wu huwelerile ni ku n’wi rhurhumerisa ko tala, wu huma+ eka yena; kutani a kotisa munhu la feke, lerova vo tala va vona a va ku: “U file!” 27  Kambe Yesu a n’wi khoma hi voko a n’wi pfuxa, kutani a pfuka.+ 28  Kuteloko a nghenile endlwini vadyondzisiwa vakwe va n’wi vutisa etlhelweni va ku: “Ha yini hina hi tsandzekile ku wu hlongola?”+ 29  A ku eka vona: “Muxaka lowu a wu nge humi hi nchumu loko ku nga ri hi xikhongelo.”+ 30  Ku suka kwalaho va khoma ndlela va ya eGaleliya, kambe a a nga lavi leswaku van’wana va swi tiva. 31  Hikuva a a dyondzisa vadyondzisiwa vakwe naswona a a va byela a ku: “N’wana wa munhu u ta nyiketiwa emavokweni ya vanhu, naswona va ta n’wi dlaya,+ kambe, hambiloko a dlayiwile, u ta pfuka hi siku ra vunharhu.”+ 32  Hambiswiritano, a va nga ma twisisi marito lawa, naswona a va chava ku n’wi vutisa.+ 33  Kutani va fika eKapernawume. Loko a ri endzeni ka yindlu, a va tlhandleka xivutiso a ku: “I yini lexi a mi phikizana ha xona egondzweni?”+ 34  Va miyela, hikuva egondzweni a va phikizana hi leswaku i mani lonkulu.+ 35  Hiloko a tshama ehansi kutani a vitana lava 12 a ku eka vona: “Loko munhu a lava ku va wo sungula, u fanele a va wo hetelela eka hinkwavo naswona a va mutirheli wa hinkwavo.”+ 36  Kutani a teka n’wana lontsongo, a n’wi yimisa exikarhi ka vona, a n’wi angarha, a ku eka vona:+ 37  “Mani na mani la amukelaka un’wana wa vana lavatsongo hi ku landza vito ra mina, wa ndzi amukela; naswona mani na mani la ndzi amukelaka, a nga amukeli mina ntsena, kambe u amukela ni loyi a ndzi rhumeke.”+ 38  Yohane a ku eka yena: “Mudyondzisi, hi vone munhu un’wana a hlongola madimona hi ku tirhisa vito ra wena naswona hi ringete ku n’wi sivela,+ hikuva a a nga fambisani na hina.”+ 39  Kambe Yesu a ku: “Mi nga ringeti ku n’wi sivela, hikuva a nga kona la nga endlaka mintirho ya matimba exisekelweni xa vito ra mina la nga kotaka ku hatlisa a ndzi rhukana;+ 40  hikuva loyi a nga hi kanetiki, u yima na hina.+ 41  Hikuva hambi ku ri mani la mi nyikaka xinwelo+ xa mati leswaku mi nwa hileswi mi nga va ka Kreste,+ ndzi tiyisile ndzi ri eka n’wina, a nga ka a nga lahlekeriwi hi hakelo yakwe nikatsongo. 42  Kambe mani na mani la khunguvanyisaka un’wana wa lava lavatsongo lava kholwaka, swi nga va swinene ngopfu loko o boheleriwa ribye ro sila enhan’wini leri fanaka ni leri ri rhendzelekisiwaka hi mbhongolo, a hoxiwa elwandle.+ 43  “Naswona loko voko ra wena ro tshuka ri ku khunguvanyisa, ri tseme; i swinene ngopfu leswaku u nghena evuton’wini u lamarile ku ri ni ku nghena u ri ni mavoko mambirhi eGehena, endzilweni lowu nga ta ka wu nga timiwi.+ 44  —— 45  Naswona loko nenge wa wena wu ku khunguvanyisa, wu tseme; i swinene ngopfu leswaku wena u nghena evuton’wini u ri la khutaka+ ku ri ni ku hoxiwa u ri ni milenge yimbirhi eGehena.+ 46  —— 47  Naswona loko tihlo ra wena ri ku khunguvanyisa, ri cukumete;+ i swinene ngopfu leswaku u nghena emfun’weni wa Xikwembu u ri ni tihlo rin’we ku ri ni ku hoxiwa u ri ni mahlo mambirhi eGehena,+ 48  laha xivungu xa kona xi nga fiki ni ndzilo wa kona wu nga timiwiki.+ 49  “Un’wana ni un’wana u fanele ku lungiwa+ hi ndzilo. 50  Munyu i wunene; kambe loko munyu wo tshuka wu heleriwa hi matimba ya wona, mi ta wu lunga ha yini ke?+ Vanani ni munyu+ eka n’wina, mi hlayisa ku rhula+ exikarhi ka n’wina.”

Tinhlamuselo ta le hansi