Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Marka 4:1-41

4  Nakambe a sungula ku dyondzisa etlhelo ka lwandle.+ Kutani ntshungu lowukulu ngopfu wu hlengeletana ekusuhi na yena, lerova a ya khandziya byatso a tshama elwandle, kambe ntshungu hinkwawo lowu nga etlhelo ka lwandle a wu tshame eribuweni.+  Kutani a sungula ku wu dyondzisa swilo swo tala hi swifaniso,+ naswona edyondzweni+ yakwe a wu byela a ku:  “Yingisani. Maswivo! Muhaxi u humile ku ya haxa.+  Naswona loko a ri karhi a haxa, mbewu yin’wana yi wela etlhelo ka gondzo, kutani tinyenyana ti ta ti yi dya hinkwayo.+  Mbewu yin’wana yi wela endhawini ya maribye, ina, a yi kumanga misava yo tala, kutani yi huma hi ku hatlisa hikwalaho ka leswi misava+ a yi nga entanga.  Kambe loko dyambu ri huma, yi vavuleka, xisweswo yi vuna hikwalaho ka ku pfumala timitsu.+  Naswona mbewu yin’wana yi wela exikarhi ka mitwa, kutani mitwa yi kula yi yi kamanyeta, ivi yi nga veki mihandzu.+  Kambe tin’wana ti wela emisaveni+ leyinene, kutani ti mila ti tlhela ti kula, ti sungula ku veka mihandzu, ti tswala hilaha ku phindhiweke ka 30, na ka 60 na ka 100.”+  Kutani a engeta rito leri nge: “Loyi a nga ni tindleve ta ku yingisa a a yingise.”+ 10  Kutani loko a sale a ri swakwe, lava n’wi rhendzeleke swin’we ni lava 12 va sungula ku n’wi vutisa hi ta swifaniso+ leswi. 11  A sungula ku va byela a ku: “N’wina mi nyikiwe xihundla xo kwetsima+ xa mfumo wa Xikwembu, kambe eka lava nga ehandle, swilo hinkwaswo swi humelela hi swifaniso,+ 12  leswaku, hambiloko va languta, va languta kambe va nga voni nchumu, naswona, hambiloko va twa, va twa kambe va nga wu kumi mongo wa kona, ni leswaku va nga hundzuki kutani va rivaleriwa.”+ 13  Ku tlula kwalaho, a ku eka vona: “Xifaniso lexi a mi xi tivi, kutani mi ta swi twisisa njhani swifaniso leswin’wana? 14  “Muhaxi u haxa rito.+ 15  Kutani, leyi, hi lava nga etlhelo ka gondzo laha rito ri haxiweke kona; kambe hi ku hatlisa loko va ri twile, Sathana a ta+ kutani a teka rito leri haxiweke eka vona.+ 16  Hi ku fanana leyi hi lava haxiweke etindhawini ta maribye: hi ku hatlisa loko va twe rito, va ri amukela hi ntsako.+ 17  Kambe a va na rimitsu eka vona, kambe va tshama nkarhinyana; kutani hi ku hatlisa loko ku pfuka nhlomulo kumbe nxaniso hikwalaho ka rito, va khunguvanyeka.+ 18  Nakambe ku ni yin’wana leyi haxiweke exikarhi ka mitwa; leyi hi lava va tweke rito,+ 19  kambe mivilelo+ ya mafambiselo lawa ya swilo ni matimba ya vuxisi bya rifuwo+ ni ku navela+ swilo leswin’wana hinkwaswo swi va phasaphasa, swi kamanyeta rito, kutani ri nga veki mihandzu.+ 20  Eku heteleleni, leyi nga haxiwa emisaveni leyinene, vona hi lava va yingisaka rito ivi va ri amukela hi mavoko mambirhi kutani va veka mihandzu hilaha ku phindhiweke ka 30, ka 60, ka 100.”+ 21  A ya emahlweni a va byela a ku: “Loko rivoni ri tisiwa a ri vekiwi ehansi ka xirhundzu xo pima kumbe ehansi ka mubedo, a hi swona ke? Loko ri tisiwa ri vekiwa ehenhla ka xo tlhandleka rivoni, a hi swona ke?+ 22  Hikuva a ku na nchumu lexi fihliweke loko ku nga ri hi xikongomelo xa leswaku xi paluxiwa; ku hava lexi tumbetiweke hi vukheta loko ku nga ri hi xikongomelo xa leswaku xi vekiwa erivaleni.+ 23  Mani na mani la nga ni tindleve to yingisa, a a yingise.”+ 24  A tlhela a ku eka vona: “Nyikelani nyingiso eka leswi mi swi twaka.+ Xipimo lexi mi pimaka ha xona, na n’wina va ta mi pimela ha xona,+ ina, mi ta engeteriwa swo tala.+ 25  Hikuva loyi a nga na swona u ta nyikiwa swo tala; kambe loyi a nga riki na nchumu, u ta tekeriwa ni leswi a nga na swona.”+ 26  Kutani a ya emahlweni a ku: “Hi ndlela leyi mfumo wa Xikwembu wu fana ni loko munhu a haxa mbewu emisaveni,+ 27  a etlela nivusiku, a pfuka loko ri xile, kutani mbewu yi huma yi kula yi tlhela yi leha, kambe a nga yi tivi ndlela leyi swi endlekeke ha yona.+ 28  Misava yi tivekela mihandzu hi yoxe hakatsongo-tsongo, yi sungula hi xikhava, ku landza xichocho xa rihlanga, ku hetelela tindzoho to tala exichochweni. 29  Kambe hi ku hatlisa loko mihandzu yi swi pfumelela, u tlhotlhometa rihwevo, hikuva nkarhi wo tshovela wu fikile.” 30  Kutani a ya emahlweni a ku: “Xana mfumo wa Xikwembu hi ta wu fanisa na yini, kumbe hi ta wu hlamusela hi xifaniso xihi?+ 31  Ku fana ni ndzoho ya sinapi, leyi loko yi byariwa emisaveni, a yi ri leyitsanana ku tlula timbewu hinkwato leti nga laha misaveni+ 32  kambe loko yi byariwile, yi huma yi kula ku tlula swimila hinkwaswo ivi yi humesa marhavi+ lamakulu, lerova tinyenyana ta tilo+ ti kuma vutshamo endzhutini+ wa yona.” 33  Kutani a a tshamela ku va byela rito hi swifaniso+ swo tala swa muxaka wolowo, ntsena loko va ha kota ku yingisa. 34  Entiyisweni, a a nga vulavuli na vona handle ko tirhisa xifaniso, kambe a a hlamusela vadyondzisiwa vakwe swilo hinkwaswo va ri swavo.+ 35  Naswona hi siku rero, nimadyambu, a ku eka vona: “A hi peleleni eribuweni lerin’wana.”+ 36  Kutani, loko va hangalase ntshungu, va famba na yena hi byatso, tanihi leswi yena ana se a a ri endzeni ka byona, naswona a ri ni mabyatso man’wana.+ 37  Kutani ku pfuka xidzedze lexikulu ngopfu, magandlati ma ba byatso ma nghena, lerova byatso a byi ri kusuhi ni ku khubumeteka.+ 38  Kambe a a ri encileni wa byatso, a etlele ehenhla ka xiseketelo. Kutani va n’wi pfuxa va ku eka yena: “Mudyondzisi, xana a wu khathali leswi hi lovaka?”+ 39  Hiloko a pfuka a tshinya mheho, kutani a byela lwandle a ku: “Miyela! U ku whii!”+ Kutani mheho yi hunguteka, hiloko ku va ni ku rhula lokukulu.+ 40  Kutani a ku eka vona: “Ha yini mi ri ni rhumbu? Xana a mi si va ni ripfumelo?” 41  Kambe va chava hi nchavo lowu nga tolovelekangiki, kutani va byelana va ku: “Kahle-kahle loyi i mani, hikuva hambi ku ri mheho ni lwandle swa n’wi yingisa?”+

Tinhlamuselo ta le hansi