Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Marka 15:1-47

15  Hi ku hatlisa hi vurhonga vaprista lavakulu ni vakulukumba ni vatsari, ni Sanedri hinkwayo, va kanerisana,+ kutani va boha Yesu va famba na yena va n’wi nyiketa eka Pilato.+  Kutani Pilato a n’wi tlhandleka xivutiso: “Xana u hosi ya Vayuda?”+ A n’wi hlamula a ku: “Wena hi wexe u vula swona.”+  Kambe vaprista lavakulu va ya emahlweni va n’wi hehla hi swilo swo tala.+  Pilato a sungula ku n’wi vutisa nakambe, a ku: “Xana u pfumala xo angula xona?+ Vona leswaku va ku hehla hi swihehlo swo tarisa ku yini.”+  Kambe Yesu a nga ha hlamulanga, lerova Pilato a sungula ku hlamala.+  Enkhubyeni wun’wana ni wun’wana a a va ntshunxela mukhotsiwa wun’we, loyi va n’wi kombelaka.+  Enkarhini wolowo a ku ri ni munhu la vuriwaka Barabasi loyi a a bohiwile ni vapfukeri va mfumo, lava loko va ri karhi va pfukela mfumo va dlayeke hi vomu.+  Kutani ntshungu wu tlhandluka, wu sungula ku kombela hi ku ya hilaha a a wu endlela hakona.  Pilato a wu angula, a ku: “Xana mi lava leswaku ndzi mi ntshunxela hosi ya Vayuda?”+ 10  Hikuva a a swi lemukile leswaku vaprista lavakulu va n’wi nyikete+ hikwalaho ka mona.+ 11  Kambe vaprista lavakulu va kucetela ntshungu leswaku, ku ri na sweswo,+ a wu ntshunxela Barabasi. 12  Kambe Pilato a tlhela a wu angula a ku: “Kutani, xana ndzi fanele ndzi endla yini hi loyi mi n’wi vulaka hosi+ ya Vayuda?”+ 13  Wu tlhela wu huwelela wu ku: “N’wi belele!”+ 14  Kambe Pilato a ya emahlweni a ku eka wona: “Ha yini, xana u endle xilo xihi xo biha?” Kambe, wu huwelela hilaha ku engetelekeke wu ku: “N’wi belele!”+ 15  Kutani Pilato, hi ku navela ku enerisa ntshungu,+ a wu ntshunxela Barabasi, naswona, kuteloko Yesu a biwile hi ximoko, a n’wi nyiketa leswaku a beleriwa.+ 16  Kutani masocha ma n’wi yisa exivaveni, hileswaku, exigodlweni xa ndhuna-nkulu; kutani ma vitana ntlawa hinkwawo wa masocha ma ta endhawini yin’we,+ 17  ma n’wi ambexa nguvu ya xivunguvungu naswona ma luka harhi ya mitwa ma n’wi tlhandleka yona.+ 18  Kutani ma n’wi xeweta ma ku: “Xewani,+ wena Hosi ya Vayuda!” 19  Nakambe, ma n’wi ba enhlokweni hi rihlanga, ma n’wi tshwutelela kutani ma nkhinsama hi matsolo, ma n’wi gandzela.+ 20  Eku heteleleni, loko ma endle xihlekiso hi yena, ma n’wi hluvula nguvu ya xivunguvungu, ma n’wi ambexa tinguvu takwe ta le handle. Kutani ma n’wi humesa ku ya n’wi belela.+ 21  Ma tlhela ma sindzisa muhundzi wa ndlela, Simoni un’wana wa le Kirena, la humaka endhawini ya le makaya, tata wa Alekzanda na Rhufasi, leswaku a rhwala mhandzi+ yakwe ya nxaniso. 22  Kutani ma n’wi yisa endhawini leyi vuriwaka Golgota, leri loko ri hundzuluxeriwa ri vulaka Ndhawu ya Ripala.+ 23  Kwalaho ma ringeta ku n’wi nyika vhinyo leyi pfanganisiweke ni xidzidzirisi xa mira,+ kambe a ala ku yi nwa.+ 24  Kutani ma n’wi belela, ma ava tinguvu+ takwe ta le handle hi ku hoxa vuhlolotwana, leswaku ma ta kuma leswi un’wana ni un’wana a nga ta teka swona.+ 25  Sweswi a ku ri awara ya vunharhu,+ kutani ma n’wi belela. 26  Naswona ehenhla ka yena a ku tsariwe marito ya xihehlo+ lexi a a hehliwa ha xona, “Hosi ya Vayuda.”+ 27  Ku tlula kwalaho, va belela swigevenga swimbirhi swin’we na yena, xin’wana exineneni xakwe ni xin’wana eximatsini xakwe.+ 28  —— 29  Naswona lava hundzaka hi kona a va n’wi tseketsela,+ va hlakahla tinhloko va ku: “Aha! Wena la nga ta wisa tempele u tlhela u yi aka hi masiku manharhu,+ 30  tiponise hi ku xika emhandzini+ ya nxaniso.” 31  Hi mukhuva lowu fanaka, na vona vaprista lavakulu a va endla xihlekiso va ri ni vatsari va ku: “Van’wana u va ponisile; yena hi byakwe wa tsandzeka ku tiponisa!+ 32  Kreste Hosi ya Israyele a a xike sweswi emhandzini ya nxaniso, leswaku hi ta vona hi tlhela hi kholwa.”+ Hambi ku ri lava beleriweke na yena a va n’wi rhukana.+ 33  Loko ku fika awara ya vutsevu, munyama wu funengeta tiko hinkwaro ku fikela hi awara ya vukaye.+ 34  Kutani hi awara ya vukaye Yesu a huwelela hi rito lerikulu a ku: “Eli, Eli, lama sabaktani?” leswi loko swi hundzuluxeriwa swi vulaka: “Xikwembu xanga, Xikwembu xanga, u ndzi tshikele yini?”+ 35  Kutani van’wana lava a va yime ekusuhi, loko va swi twa, va ku: “Maswivo! U vitana Eliya.”+ 36  Kambe un’wana a tsutsuma, a tsakamisa xiponci hi vhinyo yo dzunga, a xi tlhoma erihlangeni, a sungula ku n’wi nwisa,+ a ku: “N’wi tshikeni! Hi ta vona loko Eliya a ta ta a ta n’wi hawula.”+ 37  Kambe Yesu a huwelela hi matimba, kutani a timeka.+ 38  Hiloko nguvu+ ya vukwetsimelo yi handzuka hi le xikarhi ku suka ehenhla ku ya ehansi.+ 39  Kutani, loko ndhuna ya vuthu leyi a yi yimile ekusuhi na yena yi langutile, yi vona leswaku u timeke eswiyin’weni swo tani, yi ku: “Hakunene munhu loyi a a ri N’wana wa Xikwembu.”+ 40  A ku ri ni vavasati lava a va langutile va ri ekule,+ exikarhi ka vona a ku ri na Mariya Magadala swin’we na Mariya mana wa Yakobo Lontsongo na Yosi, na Salome,+ 41  lava a va fambisana na yena+ va n’wi tirhela loko a ha ri eGaleliya, ni vavasati van’wana vo tala lava va tlhandlukeleke na yena eYerusalema.+ 42  Leswi ana se a ri rhengile swinene, naswona a ku ri siku ro Lunghiselela, hileswaku, leri rhangelaka savata, 43  hiloko ku ta Yosefa wa Arimatiya, xirho xa Huvo lexi dumeke, loyi na yena a a rindzele mfumo wa Xikwembu.+ A va ni xivindzi xo nghena emahlweni ka Pilato a kombela ntsumbu+ wa Yesu. 44  Kambe Pilato a a nga swi tivi leswaku u file kumbe e-e, kutani a vitana ndhuna ya vuthu, a yi vutisa leswaku u file kumbe a nga si fa. 45  Kuteloko a tiyisekile eka ndhuna ya vuthu, a nyika Yosefa+ ntsumbu. 46  Hiloko a xava ntsembyana wa risima kutani a n’wi hawula, a n’wi tsondzela hi ntsembyana wa risima ivi a n’wi lata+ eka sirha-bako+ leri kovotliweke eribyeni lerikulu; kutani a khunguluxela ribye enyangweni ya sirha-bako ra xitsundzuxo.+ 47  Kambe Mariya Magadala na Mariya mana wa Yosi va ya languta laha a a latiwe kona.+

Tinhlamuselo ta le hansi