Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Marka 12:1-44

12  Nakambe, a sungula ku vulavula na vona hi swifaniso: “Munhu un’wana a a rime nsimu ya vhinya,+ a yi biyela hi rihlampfu, a cela xikamelo xa vhinya eka yona, a yimisa xihondzo,+ kutani a yi vekisa eka varimi,+ a endzela etikweni ra le kule.+  Kutani hi nguva leyi faneleke a rhuma hlonga ri ya eka varimi, leswaku ri ya teka mihandzu yin’wana ya nsimu ya vhinya eka varimi.+  Kambe va ri teka, va ri ba, kutani va ri tlherisa ri nga ri na nchumu.+  A tlhela a rhuma hlonga rin’wana ri ya eka vona; na rona va ri ba enhlokweni va ri khomisa tingana.+  Kutani a rhuma rin’wana, rona va ri dlaya; ni man’wana yo tala, man’wana va ma ba naswona man’wana va ma dlaya.  A a ha ri ni rin’wana, ku nga n’wana+ wakwe la rhandzekaka. A hetelela hi ku n’wi rhuma eka vona, a ku, ‘Va ta va ni xichavo eka n’wananga.’+  Kambe varimi volavo va byelana va ku, ‘Loyi i mudyandzhaka.+ Tanani, a hi n’wi dlayeni, kutani ndzhaka yi ta va ya hina.’+  Hiloko va n’wi teka, va n’wi dlaya,+ va n’wi cukumetela ehandle ka nsimu ya vhinya.+  Xana n’wini wa nsimu ya vhinya u ta endla yini? U ta ta a ta lovisa varimi, naswona a nyika van’wana+ nsimu ya vhinya.+ 10  Xana a mi si tshama mi hlaya tsalwa leri, ‘Ribye+ leri vaaki va ri bakanyeke, ri hundzuke ribye lerikulu ra le yinhleni.+ 11  Ri huma eka Yehovha, naswona ra hlamarisa ematihlweni ya hina’?”+ 12  Kutani va sungula ku lava ndlela yo n’wi khoma, kambe a va chava ntshungu, hikuva a va swi lemuka leswaku a a vula vona hi xifaniso lexi. Hiloko va n’wi siya va famba.+ 13  Endzhaku va rhuma Vafarisi van’wana va ri ni ntlawa wa valandzeri va Heroda+ va ya eka yena, leswaku va n’wi phasa hi ku vulavula+ kakwe. 14  Loko va fika va n’wi byela va ku: “Mudyondzisi, ha swi tiva leswaku u ni ntiyiso naswona a wu khathali ha munhu, hikuva a wu languti ku languteka ka munhu, kambe u dyondzisa ndlela ya Xikwembu hi ku fambisana ni ntiyiso:+ Xana swa pfumeleriwa ku hakela xibalo xa nhloko eka Khezari kumbe e-e? 15  Xana hi fanele hi hakela kumbe a hi fanelanga hi hakela?”+ Hi ku lemuka vukanganyisi bya vona, a ku eka vona: “Ha yini mi ndzi ringa? Ndzi tiseleni denari ndzi yi languta.”+ 16  Va yi tisa. Kutani a ku eka vona: “Xana xifaniso ni marito lawa i swa mani?” Va ku eka yena: “I swa Khezari.”+ 17  Kutani Yesu a ku: “Tlheriselani swilo swa Khezari eka Khezari,+ kambe swilo swa Xikwembu eka Xikwembu.”+ Hiloko va n’wi hlamala.+ 18  Kutani Vasaduki va ta eka yena, lava vulaka leswaku ku pfuka ka lava feke a ku kona, va n’wi tlhandleka xivutiso va ku:+ 19  “Mudyondzisi, Muxe u hi tsalele leswaku loko makwavo wa un’wana a fa a siya nsati kambe a nga siyanga n’wana, makwavo+ u fanele a teka nsati loyi ivi a velekela makwavo+ vana ha yena. 20  A ku ri ni vanhu va nkombo lava a va ri vamakwavo; kutani wo sungula a teka nsati, kambe loko a fa, a nga siyanga vana.+ 21  Naswona wa vumbirhi a n’wi teka, kambe a fa a nga siyanga vana; ni wa vunharhu hi ndlela leyi fanaka. 22  Kutani lava nkombo a va siyanga vana. Eku heteleleni na yena wansati a fa.+ 23  Eku pfuxiweni ka lava feke, xana u ta va nsati wa mani eka vona? Hikuva hinkwavo va ri nkombo va n’wi tekile a va nsati+ wa vona.” 24  Yesu a ku eka vona: “Xana a mi hoxisanga, hikwalaho ka ku va mi nga ma tivi Matsalwa kumbe matimba ya Xikwembu?+ 25  Hikuva loko va pfuka eka lava feke, vavanuna a va ha teki ni vavasati a va ha hlomisiwi, kambe va fana ni tintsumi ematilweni.+ 26  Kambe malunghana ni lava feke, leswaku va pfuxiwa, xana a mi hlayanga ebukwini ya Muxe, emhakeni ya xihlahla xa mitwa, mayelana ni leswi Xikwembu xi swi vuleke eka yena xi ku, ‘Ndzi Xikwembu xa Abrahama ni Xikwembu xa Isaka ni Xikwembu xa Yakobe’?+ 27  A hi Xikwembu xa lava feke, kambe i xa lava hanyaka. Mi hoxise+ ngopfu.” 28  Kutani un’wana wa vatsari la fikeke a va kuma va kanetana, hi ku tiva leswaku u va hlamule hi ndlela leyinene, a n’wi vutisa a ku: “Hi xihi xileriso xo sungula eka hinkwaswo?”+ 29  Yesu a hlamula a ku: “Xo sungula xi ri, ‘Twana, Wena Israyele, Yehovha Xikwembu xa hina i Yehovha un’we,+ 30  naswona u fanele u rhandza Yehovha Xikwembu xa wena hi mbilu ya wena hinkwayo ni hi moya-xiviri wa wena hinkwawo ni hi mianakanyo ya wena hinkwayo ni hi ntamu+ wa wena hinkwawo.’ 31  Xa vumbirhi hi lexi, ‘U fanele u rhandza warikwenu kukota loko u tirhandza.’+ A xi kona xin’wana xileriso lexikulu eka leswi.” 32  Mutsari a ku eka yena: “Mudyondzisi, u vulavule kahle hi ku fambisana ni ntiyiso, ‘I Un’we, naswona a nga kona un’wana handle ka Yena’;+ 33  ku n’wi rhandza hi mbilu hinkwayo ni hi ku twisisa hinkwako ni hi ntamu hinkwawo ni ku rhandza warikwenu kukota loko u tirhandza swi hlawuleke ngopfu ku tlula magandzelo hinkwawo lama heleleke yo hisiwa ni switlhavelo.”+ 34  Hikwalaho, loko Yesu a xiya leswaku u hlamule hi ku twisisa, a ku eka yena: “A wu le kule ni mfumo wa Xikwembu.” Kambe a ku na munhu la veke ni xivindzi xo tlhela a n’wi vutisa.+ 35  Hambiswiritano, loko Ye-su a ri karhi a va dyondzisa etempeleni, a va angula a ku: “Xana vatsari va vurisa ku yini leswaku Kreste i n’wana+ wa Davhida? 36  Hi moya lowo kwetsima+ Davhida hi byakwe u te, ‘Yehovha a ku eka Hosi ya mina: “Tshama evokweni ra mina ra xinene ku fikela loko ndzi veka valala va wena ehansi ka milenge+ ya wena.”’ 37  Davhida hi byakwe u n’wi vitana ‘Hosi,’ kambe swi tisa ku yini leswaku a va n’wana+ wakwe?” Naswona ntshungu lowukulu a wu n’wi yingisa hi ntsako.+ 38  Loko a ri karhi a dyondzisa u ye emahlweni a ku: “Tivoneleni vatsari+ lava rhandzaka ku famba-famba va ambale tinguvu to leha ni ku lava ku xewetiwa etindhawini ta ku xavisela 39  ni switshamo swa le mahlweni emasinagogeni ni tindhawu leti hlawulekeke ngopfu eswilalelweni.+ 40  Hi vona lava mitaka tindlu+ ta tinoni ni ku endla swikhongelo swo leha hi vukanganyisi; vona va ta kuma vuavanyisi+ byo tika swinene.” 41  Hiloko a tshama ehansi a langutana ni mabokisi ya xuma+ kutani a xiya ndlela leyi ntshungu a wu hoxa mali ha yona emabokisini ya xuma; naswona vanhu vo tala lava fuweke a va hoxa timali ta nsimbi to tala.+ 42  Kutani ku ta noni leyi nga xisiwana yi hoxa swimalana swimbirhi swa nsimbi swa ntikelo wa le hansi swinene.+ 43  Hiloko a vitana vadyondzisiwa vakwe va ta eka yena kutani a ku eka vona: “Ndzi mi byela ndzi tiyisile leswaku noni leyi yi nga xisiwana yi hoxe swo tlula swa hinkwavo lava hoxaka mali emabokisini ya xuma;+ 44  hikuva hinkwavo va hoxe leswi va swi pambuleke eka leswi swi va taleleke, kambe yona, hambileswi yi pfumalaka, yi hoxe hinkwaswo leswi a yi ri na swona, swo tihanyisa+ swa yona hinkwaswo.”

Tinhlamuselo ta le hansi