Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Malakiya 3:1-18

3  “Waswivo! Ndzi rhuma murhumiwa wa mina,+ u fanele a basisa ndlela emahlweni ka mina.+ Hi xitshuketa ku ta ta Hosi+ ya ntiyiso etempeleni+ ya Yena, leyi n’wina mi yi lavaka, ni murhumiwa+ wa ntwanano,+ loyi mi n’wi tsakelaka.+ Maswivo! Kunene u ta ta,” Yehovha wa mavuthu u vurile.+  “Kambe i mani loyi a nga ta tiyiselela siku ra ku ta ka yena,+ naswona i mani loyi a nga ta yima loko a humelela?+ Hikuva u ta fana ni ndzilo wa loyi a tengisaka+ ni xisibi+ xa vahlantswi.+  U fanele a tshama a ri la tengisaka ni mubasisi wa silivhere+ naswona u fanele a va tengisa ku fana ni vana va Levhi;+ a va tengisa ku fana ni nsuku+ ni silivhere, kunene eka Yehovha va ta va vanhu lava va endlaka gandzelo ra nyiko+ hi ku lulama.  Gandzelo ra nyiko ra Yuda ni ra Yerusalema ri ta tsakisa Yehovha,+ ku fana ni le masikwini ya khale swinene ni le malembeni ya khale.+  “Ndzi ta tshinela eka n’wina ndzi ta avanyisa,+ ndzi ta va mbhoni+ ya xihatla ku kanetana ni valoyi,+ ku kanetana ni vaoswi,+ ku kanetana ni lava va hlambanyaka hi vunwa,+ ni ku kanetana ni lava va kanganyisaka ehakelweni ya mutirhi la hakeriwaka,+ ni noni+ ni n’wana la nga riki na tatana,+ ni lava va hlongolaka muluveri,+ kasi a va ndzi chavanga,”+ Yehovha wa mavuthu u vurile.  “Hikuva hi mina Yehovha; a ndzi hundzukanga.+ N’wina mi vana va Yakobe; a mi helanga.+  Mi hambukile eswilerisweni swa mina ku sukela emasikwini ya vatata wa n’wina, a mi swi hlayisanga.+ Tlhelelani eka mina, kutani mina ndzi ta tlhelela eka n’wina,”+ Yehovha wa mavuthu u vurile. Mi vurile mi ku: “Xana hi ta tlhelela hi ndlela yihi?”  “Xana munhu wa la misaveni a nga kanganyisa Xikwembu? Kambe n’wina ma ndzi kanganyisa.” Mi vurile mi ku: “Xana hi ku kanganyise hi ndlela yihi?” “Hi swiphemu swa vukhume ni hi minyikelo.  Mi ndzi rhukana hi ndzhukano,+ naswona ma ndzi kanganyisa—tiko hinkwaro ka rona. 10  Tisani swiphemu hinkwaswo swa vukhume+ exitlatini, leswaku ku va ni swakudya endlwini ya mina;+ ndzi kombela mi ndzi ringa, emhakeni leyi,”+ Yehovha wa mavuthu u vurile, “mi vona loko ndzi ta ka ndzi nga mi pfuleli tinyangwa ta ndhambhi ya matilo+ kutani ndzi mi chululela nkateko, kukondza ku nga ha pfumaleki nchumu.”+ 11  “Ndzi ta mi tshinyela lexi xi lovisaka,+ a xi nge wu onhi mbhandzu wa misava ya n’wina, naswona murhi wa vhinya lowu nga ensin’wini a wu nge pfumali mihandzu eka n’wina,”+ Yehovha wa mavuthu u vurile. 12  “Kutani matiko hinkwawo ma ta mi vula lava tsakeke,+ hikuva mi ta va tiko ra ntsako,”+ Yehovha wa mavuthu u vurile. 13  “Marito ya n’wina a ma tiyile ku lwa na mina,”+ Yehovha u vurile. Mi te: “Xana hi vulavurisane ha yini ku lwa na wena?”+ 14  “Mi te, ‘Ku tirhela Xikwembu+ a swi pfuni nchumu. Naswona swi hi vuyerise yini leswi hi hetisiseke vutihlamuleri bya hina eka yena, nileswi hi fambeke hi ri ni gome hikwalaho ka Yehovha wa mavuthu?+ 15  Enkarhini wa sweswi, vanhu lava tikukumuxaka hi va vula lava tsakeke.+ Ni lava va endlaka vuhomboloki va humelela.+ Naswona, va ringe Xikwembu kutani va tshamela ku pona.’”+ 16  Enkarhini wolowo lava va chavaka Yehovha+ va vulavurisanile, un’wana ni un’wana ni nakulobye, Yehovha a hambeta a rhiya ndleve, a yingisa.+ Kutani buku ya xitsundzuxo yi sungula ku tsariwa emahlweni ka yena+ yi tsaleriwa lava va chavaka Yehovha ni lava va anakanyaka hi vito ra yena.+ 17  “Kunene va ta va va mina,”+ Yehovha wa mavuthu u vurile, “esikwini leri ndzi humesaka ha rona ndzhaka yo hlawuleka.+ Ndzi ta va komba ntsetselelo, ku fana ni loko munhu a komba ntsetselelo eka n’wana wakwe loyi a n’wi tirhelaka.+ 18  Kutani n’wina mi ta tlhela mi vona ku hambana exikarhi ka lowo lulama ni lowo homboloka,+ exikarhi ka loyi a tirhelaka Xikwembu ni loyi a nga xi tirheliki.”+

Tinhlamuselo ta le hansi