Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Malakiya 2:1-17

2  “Kutani xileriso lexi xi ta eka n’wina, N’wina vaprista.+  Loko mi nga yingisi,+ naswona mi nga swi veki embilwini+ leswaku mi vangamisa vito ra mina,”+ Yehovha wa mavuthu u vurile, “kunene ndzi ta rhumela ndzhukano eka n’wina,+ kutani ndzi ta rhukana mikateko ya n’wina.+ Ina, nkateko ndzi wu rhukanile, hikuva a mi swi veki embilwini.”  “Maswivo! Hikwalaho ka n’wina ndzi tshinya mbewu leyi byariweke,+ ndzi ta haxa vulongo eswikandzeni swa n’wina, vulongo bya minkhuvo ya n’wina; ku ta va ni munhu loyi a nga ta mi yisa eka byona.  Mi ta boheka ku tiva leswaku ndzi rhumele xileriso+ lexi eka n’wina, leswaku ntwanano+ wa mina na Levhi wu ya emahlweni,”+ Yehovha wa mavuthu u vurile.  “Loko ku ri ntwanano wa mina, a wu ri na yena, wa vutomi ni ku rhula,+ ndzi hambete ndzi n’wi nyika swona, ni ku chava. U hambete a ndzi chava;+ ina, yena u khomiwe hi ku chava hikwalaho ka vito ra mina.+  Nawu wa ntiyiso a wu ri enon’wini wakwe, emilon’wini+ yakwe a swi kumekanga leswi nga lulamangiki. U fambe na mina hi ku rhula ni hi vululami,+ va tele lava a va tlheriseke exihoxweni.+  Hikuva milomu ya muprista hi yona leyi yi faneleke yi hlayisa vutivi, vanhu va fanele va lava nawu enon’wini wa yena;+ hikuva i murhumiwa wa Yehovha wa mavuthu.+  “Kambe n’wina—mi hambukile endleleni.+ Mi khunguvanyise vo tala enawini.+ Mi onhe ntwanano wa Levhi,”+ Yehovha wa mavuthu u vurile.  “Na mina, kunene ndzi ta endla leswaku mi languteriwa ehansi ni ku tsongahatiwa eka vanhu hinkwavo,+ tanihi leswi a mi nga ti hlayisi tindlela ta mina, kambe a mi ri ni xihlawuhlawu loko mi avanyisa.”+ 10  “Xana hina hinkwerhu a hi na tatana un’we?+ Xana a hi tumbuluxiwanga hi Xikwembu xin’we?+ Ha yini hi xengana,+ hi nyamisa ntwanano wa vatatana?+ 11  Yuda u xengile, naswona ku endliwe nchumu wo nyenyetsa eIsrayele ni le Yerusalema;+ hikuva Yuda u nyamise vukwetsimi bya Yehovha,+ lebyi Yena a byi rhandzeke, naswona u teke n’wana wa xikwembu ximbe a va mutekiwa.+ 12  Yehovha u ta dlaya un’wana ni un’wana loyi a swi endlaka,+ loyi a xalamukaka, ni loyi a hlamulaka, ku suka emintsongeni ya Yakobe, loyi a nyikelaka gandzelo ra nyiko+ eka Yehovha wa mavuthu.” 13  “Lowu i nchumu wa vumbirhi lowu n’wina mi wu endlaka, lowu endlaka leswaku altari ya Yehovha yi funengetiwa hi mihloti, hi ku rila ni nhlomulo, lerova a ka ha hundzukeriwi egandzelweni ra nyiko kumbe ku tsakeriwa ka xin’wana ni xin’wana lexi humaka evokweni ra n’wina.+ 14  Mi vurile mi ku, ‘Hikwalaho ka yini?’+ Hikwalaho ka leswi Yehovha a nyikeleke vumbhoni exikarhi ka wena ni nsati wa vuntshwa bya wena,+ loyi u n’wi xengeke, hambileswi a nga nghamu ya wena ni nsati wa ntwanano wa wena.+ 15  A ku ri ni loyi a nga swi endlangiki, tanihi leswi a a ri ni leswi swi seleke swa moya. Xana yoloye a a lava yini? Mbewu ya Xikwembu.+ N’wina mi fanele mi tilangutela malunghana ni moya wa n’wina,+ naswona ku nga tshuki ku va ni loyi a xengaka nsati wa vuntshwa bya wena.+ 16  Hikuva xi venge ku dlaya vukati,”+ Yehovha Xikwembu xa Israyele u vurile; “ni loyi a funengeteke nguvu yakwe hi madzolonga,”+ Yehovha wa mavuthu u vurile. “Mi fanele mi langutela moya wa n’wina, mi nga tshuki mi xenga.+ 17  “N’wina mi hete Yehovha matimba hi marito ya n’wina,+ naswona mi te, ‘Xana hi n’wi hete matimba hi ndlela yihi?’ Hi ku vula ka n’wina mi ku, ‘Un’wana ni un’wana la endlaka leswo biha hi lonene ematihlweni ya Yehovha, naswona u tsakisiwe hi vanhu vo tano’;+ kumbe, ‘Xi kwihi Xikwembu xa vululami?’”+

Tinhlamuselo ta le hansi