Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Malakiya 1:1-14

1  Ku avanyisa: Rito ra Yehovha+ malunghana na Israyele hi Malakiya:  “N’wina ndzi mi rhandzile,”+ Yehovha u vurile. N’wina mi te: “U hi rhandze hi ndlela yihi?”+ “Xana Esawu a a nga ri makwavo wa Yakobe?”+ ku vula Yehovha. “Ndzi rhandze Yakobe,+  kambe Esawu+ ndzi n’wi vengile; eku heteleleni ndzi endle tintshava ta yena ti va rhumbi+ ni ndzhaka ya yena yi va ya tinhlati ta mananga.”+  “Hikuva Edomu u tshamela ku vula a ku, ‘Hi fayeteriwile, kambe hi ta tlhelela, hi aka tindhawu leti onhakeke,’ Yehovha wa mavuthu u vurile, ‘Loko ku ri vona, va ta aka; kambe loko ku ri mina, ndzi ta hirimuxa.+ Kunene vanhu va ta va vitana “ndhawu ya vuhomboloki” ni “vanhu lava Yehovha a va voneke nandzu+ hilaha ku nga riki na makumu.”  Mahlo ya n’wina ma ta swi vona, kutani n’wina mi ta vula mi ku: “Onge Yehovha a nga twarisiwa endhawini ya Israyele.”’”+  “‘N’wana u xixima tata wakwe;+ ni nandza u xixima N’wini wakwe Lonkulu.+ Kutani loko mina ndzi ri tatana,+ ku kwihi ku xiximiwa ka mina?+ Loko mina ndzi ri N’wini Lonkulu, ku kwihi ku chaviwa+ ka mina?’ Yehovha wa mavuthu u mi byerile, N’wina vaprista lava va ri langutelaka ehansi vito ra mina.+ “‘N’wina mi te: “Xana vito ra wena hi ri langutele ehansi hi ndlela yihi?”’  “‘Hi ku nyikela xinkwa lexi nyamisiweke ealitarini ya mina.’+ “‘N’wina mi te: “Xana hi ku nyamise hi ndlela yihi?”’ “‘Hi ku vula mi ku: “Tafula+ ra Yehovha i nchumu lowu faneleke wu languteriwa ehansi.”+  Ni loko mi nyikela xiharhi lexi feke mahlo xi va xitlhavelo: “A hi nchumu wo biha.” Ni loko mi nyikela xiharhi lexi khutaka kumbe lexi vabyaka: “A hi nchumu wo biha.”’”+ “Ndzi kombela u xi tshineta eka ndhuna-nkulu ya wena. Xana yi ta ku tsakela, kumbe, xana yi ta ku amukela hi musa?” Yehovha wa mavuthu u vurile.  “Sweswi tsakisani+ Xikwembu, leswaku xi hi komba tintswalo.+ Leswi swi endliwe hi voko ra n’wina. Xana u kona eka n’wina loyi xi nga n’wi amukelaka hi musa?” Yehovha wa mavuthu u vurile. 10  “I mani exikarhi ka n’wina loyi a nga ta pfala tinyangwa?+ N’wina a mi nge yi voningisi alitari ya mina—mahala.+ A ndzi mi tsakeli,” Yehovha wa mavuthu u vurile, “naswona gandzelo ra nyiko leri humaka evokweni ra n’wina a ndzi ri tsakeli.”+ 11  “Hikuva ku sukela eku humeni ka dyambu ku ya eku peleni ka rona, vito ra mina ri ta va rikulu exikarhi ka matiko,+ endhawini yin’wana ni yin’wana ku ta mbulukisiwa xitlhavelo,+ vito ra mina ri ta endleriwa nyiko, nyiko leyi baseke;+ hikuva vito ra mina ri ta va rikulu exikarhi ka matiko,”+ Yehovha wa mavuthu u vurile. 12  “Kambe n’wina ma ndzi nyamisa+ hi ku vula mi ku, ‘Tafula ra Yehovha i nchumu lowu nyamisiweke, mbhandzu wa rona i nchumu lowu nga ta languteriwa ehansi, swakudya swa rona.’+ 13  N’wina mi vurile mi ku, ‘Waswivo! Ri heta matimba,’+ naswona mi ri monyile,” Yehovha wa mavuthu u vurile. “Mi tise nchumu lowu wu wutliweke ni lowu khutaka, ni lowu vabyaka;+ ina, mi wu tise wu va nyiko. Xana ndzi nga wu tsakela evokweni ra n’wina?”+ Yehovha u vurile. 14  “A ku rhukaniwe loyi a endlaka hi vukanganyisi kasi u ni xifuwo xa xinuna entlhambini wakwe, a endla xitshembiso lexi hlambanyiweke, a endlela Yehovha xitlhavelo hi lexi xi onhakeke.+ Hikuva mina ndzi Hosi leyikulu,”+ Yehovha wa mavuthu u vurile, “vito ra mina ri ta chaviseka exikarhi ka matiko.”+

Tinhlamuselo ta le hansi