Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Luka 3:1-38

3  Elembeni ra vu-15 ra ku fuma ka Tiberiyo Khezari, loko Pontiyo Pilato a ri ndhuna-nkulu ya Yudiya, naswona Heroda+ a ri mufumi wa muganga wa Galeliya, kambe Filipi makwavo a ri mufumi wa muganga wa tiko ra Ituriya na Trakonita, Lisaniya a ri mufumi wa muganga wa Abilene,  emasikwini ya muprista lonkulu Anasi ni ya Kayafasi,+ xitiviso xa Xikwembu xi fike eka Yohane+ n’wana wa Zakariya emananga.+  Kutani a fika etikweni hinkwaro ra le kusuhi na Yordani, a chumayela hi nkhuvulo lowu yimelaka ku hundzuka ko rivaleriwa swidyoho,+  hilaha swi tsariweke hakona ebukwini ya marito ya Esaya lowa muprofeta: “Yingisani! Ku ni loyi a huwelelaka emananga, ‘Lunghiselelani ndlela ya Yehovha, endlani magondzo yakwe ma lulama.+  Xinkobyana xin’wana ni xin’wana xi fanele ku seleteriwa, naswona ntshava yin’wana ni yin’wana ni xitsunga swi hirimuxiwa swi andlaleka, kutani tindlela ta magombogombo ti fanele ku va to lulama, tindhawu to biha ti va tindlela leti rhideriweke;+  kutani nyama hinkwayo yi ta vona ndlela yo ponisa ya Xikwembu.’”+  Hikokwalaho a byela mintshungu leyi a yi ta leswaku yi ta khuvuriwa hi yena: “N’wina vana va timhiri,+ i mani loyi a nga mi lemukisa leswaku mi balekela vukarhi lebyi taka?+  Hikokwalaho humesani mihandzu leyi fanekelaka ku hundzuka.+ Mi nga tibyeli endzeni ka n’wina mi ku, ‘Tata wa hina i Abrahama.’ Hikuva ndza mi byela leswaku Xikwembu xi ni matimba ya ku vumbela Abrahama vana hi maribye lawa.  Hakunene, xihloka se xi le timitswini ta mirhi; hikokwalaho, murhi wun’wana ni wun’wana lowu nga humesiki mbhandzu lowunene wu fanele ku tsemiwa wu wa, wu hoxiwa endzilweni.”+ 10  Kutani mintshungu yi n’wi vutisa yi ku: “Hi ta endla yini ke?”+ 11  A yi angula a ku: “Munhu loyi a nga ni tinguvu timbirhi ta le ndzeni a a avelane ni munhu loyi a nga riki na nchumu, naswona loyi a nga ni swilo swa ku dya a a endle tano.”+ 12  Kambe hambi valuvisi va tile va ta khuvuriwa, kutani va ku eka yena: “Mudyondzisi, xana hi fanele ku endla yini?”+ 13  A ku eka vona: “Mi nga koxi nchumu lexi tlulaka mpimo wa xibalo.”+ 14  Naswona, lava va nga entirhweni wa nyimpi va n’wi vutisa: “Xana hina hi fanele ku endla yini?” Kutani a ku eka vona: “Mi nga dyisi munhu mbitsi kumbe ku hehla+ hambi ku ri mani hi mavunwa, kambe enerisekani hi malunghiselelo+ ya n’wina.” 15  Kutani leswi vanhu a va ri eku languteleni, hinkwavo va ri karhi va kanela etimbilwini ta vona malunghana na Yohane: “Xana a nga va a ri Kreste?”+ 16  Yohane a va hlamula hinkwavo a ku: “Loko ku ri mina, ndzi mi khuvula hi mati; kambe loyi a nga ni matimba ku tlula mina wa ta, loyi tingoti ta maphaxani ya yena ndzi nga faneriki ku ti ntshunxa.+ U ta mi khuvula hi moya lowo kwetsima ni ndzilo.+ 17  U khome rihlelo rakwe ro peperha leswaku a basisa xivuya xakwe hinkwaxo ni ku hlengeleta+ koroni exitlatini xakwe, kambe mungu+ u ta wu hisa hi ndzilo+ lowu nga ta ka wu nga timeki.” 18  Hikokwalaho u tlhele a nyika swikhongotelo swin’wana swo tala, a hambeta a vula mahungu lamanene evanhwini. 19  Kambe Heroda mufumi wa muganga, hikwalaho ka ku tshinyiwa hi yena malunghana na Herodiya nsati wa makwavo ni hi malunghana ni swiendlo hinkwaswo swo homboloka leswi Heroda a swi endleke,+ 20  u engetele ni leswi eka swiendlo sweswo hinkwaswo: u pfalele Yohane ekhotsweni.+ 21  Kutani loko vanhu hinkwavo va khuvuriwile, Yesu+ na yena u khuvuriwile, naswona loko a ri karhi a khongela, tilo+ ri pfuleka 22  kutani moya lowo kwetsima hi xivumbeko xa tuva wu xikela ehenhla ka yena, kutani rito ri huma etilweni: “U N’wana wa mina, la rhandzekaka; ndzi ku amukerile.”+ 23  Ku tlula kwalaho, Yesu hi byakwe, loko a sungula ntirho wa yena,+ a a ri ni malembe ya kwalomu ka 30+ hi vukhale, naswona hilaha a a tiviwa hakona, a a ri n’wana+ wa Yosefa,+ n’wana wa Heli, 24  n’wana wa Matati, n’wana wa Levhi, n’wana wa Melki, n’wana wa Yanayi, n’wana wa Yosefa, 25  n’wana wa Matatiyasi, n’wana wa Amosi, n’wana wa Nahume, n’wana wa Esli, n’wana wa Nagayi, 26  n’wana wa Mate, n’wana wa Matatiyasi, n’wana wa Semeyini, n’wana wa Yoseke, n’wana wa Yoda, 27  n’wana wa Yowanani, n’wana wa Resa, n’wana wa Zerubabele,+ n’wana wa Salatiyele,+ n’wana wa Neri, 28  n’wana wa Melki, n’wana wa Adi, n’wana wa Kosama, n’wana wa Elmadema, n’wana wa Ere, 29  n’wana wa Yesu, n’wana wa Eliyezere, n’wana wa Yorimi, n’wana wa Matati, n’wana wa Levhi, 30  n’wana wa Samiyoni, n’wana wa Yudasi, n’wana wa Yosefa, n’wana wa Yonama, n’wana wa Eliyakimi, 31  n’wana wa Meleya, n’wana wa Mena, n’wana wa Matata, n’wana wa Natani,+ n’wana wa Davhida,+ 32  n’wana wa Yese,+ n’wana wa Obede,+ n’wana wa Bowazi,+ n’wana wa Salimoni,+ n’wana wa Nasoni,+ 33  n’wana wa Aminadaba,+ n’wana wa Arni,+ n’wana wa Hezroni,+ n’wana wa Faresi,+ n’wana wa Yuda,+ 34  n’wana wa Yakobe,+ n’wana wa Isaka,+ n’wana wa Abrahama,+ n’wana wa Tera,+ n’wana wa Nakori,+ 35  n’wana wa Seruki,+ n’wana wa Ragawu,+ n’wana wa Faleke,+ n’wana wa Ebere,+ n’wana wa Xela,+ 36  n’wana wa Kayinama, n’wana wa Arifakisada,+ n’wana wa Sheme,+ n’wana wa Nowa,+ n’wana wa Lameke,+ 37  n’wana wa Metusela,+ n’wana wa Enoko,+ n’wana wa Yarete,+ n’wana wa Mahalaliyeli,+ n’wana wa Kayinama,+ 38  n’wana wa Enosi,+ n’wana wa Seta,+ n’wana wa Adamu,+ n’wana wa Xikwembu.

Tinhlamuselo ta le hansi