Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Luka 20:1-47

20  Siku rin’wana loko a ha dyondzisa vanhu etempeleni, a vula mahungu lamanene, vaprista lavakulu ni vatsari swin’we ni vakulukumba va tshinela,+  kutani va vulavula hi rito leri tlakukeke, va ku eka yena: “Hi byele leswaku swilo leswi u swi endla hi matimba wahi, kumbe i mani loyi a ku nyikeke matimba+ lawa.”  A va angula a ku: “Na mina ndzi ta mi vutisa xivutiso, kutani mi ndzi byela:+  Xana nkhuvulo wa Yohane a wu huma etilweni kumbe a wu huma evanhwini?”+  Kutani va anakanya va ku: “Loko hi ku, ‘A wu huma etilweni,’ u ta ku, ‘Ha yini mi nga n’wi kholwanga?’+  Kambe loko hi ku, ‘A wu huma evanhwini,’ vanhu hinkwavo va ta hi khandla+ hi maribye, hikuva va khorwiseka leswaku Yohane+ a a ri muprofeta.”+  Kutani va angula hi ku vula leswaku a va ku tivi laha wu humaka kona.  Hiloko Yesu a ku eka vona: “Na mina a ndzi mi byeli matimba lawa ndzi endlaka swilo+ leswi ha wona.”  A sungula ku byela vanhu xifaniso lexi: “Munhu un’wana a a rime nsimu ya vhinya+ kutani a yi vekisa eka varimi, kutani a endzela etikweni ra le kule nkarhi wo leha.+ 10  Kambe hi nguva leyi faneleke a rhuma hlonga+ ri ya eka varimi,+ leswaku va ri nyika mihandzu ya nsimu ya vhinya.+ Hambiswiritano, endzhaku ka ku ri ba, varimi va ri tlherisa ri nga ri na nchumu.+ 11  Kambe a phindha a rhuma hlonga rin’wanyana eka vona. Na rona va ri ba, va ri khomisa tingana kutani va ri tlherisa ri nga ri na nchumu.+ 12  Kambe a tlhela a rhuma ra vunharhu;+ na rona va ri vavisa, va ri hlongola. 13  Hikwalaho ka sweswo n’wini wa nsimu ya vhinya a ku, ‘Xana ndzi ta endla yini? Ndzi ta rhuma n’wana wa mina la rhandzekaka.+ Kumbexana va ta va ni xichavo eka yena.’ 14  Loko varimi va n’wi vona va kanela, va ku, ‘Loyi i mudyandzhaka; a hi n’wi dlayeni, leswaku ndzhaka yi ta va ya hina.’+ 15  Hiloko va n’wi cukumetela ehandle+ ka nsimu ya vhinya, va n’wi dlaya.+ Hikokwalaho, xana n’wini wa nsimu ya vhinya u ta va endla yini?+ 16  U ta fika a lovisa varimi lava, naswona a nyika van’wana nsimu ya vhinya.”+ Loko va twa sweswo va ku: “Sweswo swi nga tshuki swi endleka!” 17  Kambe a va languta a ku: “Kutani, xana leswi swi tsariweke swi vula yini, ‘Ribye leri vaaki va ri bakanyeke,+ ri hundzuke ribye lerikulu ra le yinhleni’?+ 18  Un’wana ni un’wana loyi a welaka eribyeni rero u ta phyandlaseka.+ Kasi mani na mani loyi ri n’wi welaka,+ ri ta n’wi phyandlasa.”+ 19  Vatsari ni vaprista lavakulu a va lava ku n’wi khoma enkarhini wolowo, kambe a va chava vanhu; hikuva a va xiya leswaku a a vula vona hi xifaniso lexi.+ 20  Kuteloko va n’wi xiyisisile swinene, va rhuma vanhu lava thoriweke exihundleni leswaku va tiendla onge va lulamile, leswaku va n’wi phasa+ hi ku vulavula, leswaku va n’wi yisa eka hulumendhe ni le mavokweni ya ndhuna-nkulu.+ 21  Kutani va n’wi vutisa, va ku: “Mudyondzisi, ha swi tiva leswaku u vulavula u tlhela u dyondzisa leswi lulameke naswona a wu na ku hlawula, kambe u dyondzisa ndlela ya Xikwembu hi ku fambisana ni ntiyiso:+ 22  Xana swa pfumeleriwa ku hakela xibalo eka Khezari kumbe e-e?”+ 23  Kambe a lemuka vukanganyisi bya vona kutani a ku eka vona:+ 24  “Ndzi kombeni denari. Xana xifaniso ni marito lawa i swa mani?” Va ku: “I swa Khezari.”+ 25  A ku eka vona: “Kutani ke, tlheriselani swilo swa Khezari eka Khezari,+ kambe swilo swa Xikwembu eka Xikwembu.”+ 26  Ina, a va swi kotanga ku n’wi phasa hi marito lawa emahlweni ka vanhu, kambe hi ku hlamarisiwa hi nhlamulo yakwe, a va vulanga nchumu.+ 27  Hambiswiritano, Vasaduki van’wana, lava vulaka leswaku ku pfuka ka lava feke a ku kona, va ta+ va n’wi vutisa, 28  va ku: “Mudyondzisi, Muxe+ u hi tsalele a ku, ‘Loko makwavo wa munhu a fa a ri ni nsati, kambe a nga ri na n’wana, makwavo+ u fanele a teka nsati loyi, a velekela makwavo+ vana ha yena.’ 29  Hikwalaho a ku ri ni vanhu va nkombo lava a va ri vamakwavo; kutani lowo sungula a teka nsati ivi a fa a nga ri na n’wana.+ 30  Ni wa vumbirhi swi va tano, 31  kutani wa vunharhu a n’wi teka. Swi ve tano eka lava nkombo hinkwavo: a va siyanga vana, kambe hinkwavo va file.+ 32  Eku heteleleni, wansati na yena a fa.+ 33  Hikwalaho, eku pfuxiweni ka lava feke, xana u ta va nsati wa mani exikarhi ka vona? Hikuva hinkwavo va ri nkombo va n’wi tekile a va nsati+ wa vona.” 34  Yesu a ku eka vona: “Vana va mafambiselo lawa ya swilo va teka+ naswona va hlomisiwa, 35  kambe lava hlayiweke leswaku va faneriwa+ hi ku kuma mafambiselo wolawo ya swilo+ ni ku pfuxiwa eka lava feke+ a va teki naswona a va hlomisiwi. 36  Entiyisweni, a va nge he fi,+ hikuva va fana ni tintsumi, naswona i vana va Xikwembu hikwalaho ka leswi va nga vana va ku pfuxiwa eku feni.+ 37  Kambe hambi Muxe u swi paluxile leswaku lava feke va pfuxiwa, emhakeni ya xihlahla xa mitwa,+ loko a vula leswaku Yehovha i ‘Xikwembu xa Abrahama ni Xikwembu xa Isaka ni Xikwembu xa Yakobe.’+ 38  A hi Xikwembu xa lava feke, kambe i xa lava hanyaka, hikuva eka xona hinkwavo va hanya.”+ 39  Van’wana va vatsari va angula va ku: “Mudyondzisi, u vulavule kahle.” 40  Hikuva a va ha vanga na xona xivindzi xo n’wi vutisa xivutiso ni xin’we. 41  Hiloko a ku eka vona: “Xana va vurisa ku yini leswaku Kreste i n’wana wa Davhida?+ 42  Hikuva Davhida hi byakwe u vula leswi ebukwini ya Tipisalema, ‘Yehovha a ku eka Hosi ya mina, Tshama evokweni ra mina ra xinene 43  ku fikela loko ndzi veka valala va wena va va vunavelo bya milenge+ ya wena.’ 44  Hikokwalaho, Davhida u n’wi vitana ‘Hosi’; kutani i n’wana wa yena hi ndlela yihi?” 45  Hiloko a byela vadyondzisiwa+ vakwe swi ri karhi swi twiwa hi vanhu hinkwavo a ku: 46  “Tivoneleni vatsari lava rhandzaka ku famba-famba va ambale tinguvu to leha, ni ku rhandza ku xewetiwa etindhawini ta ku xavisela ni switshamo swa le mahlweni emasinagogeni ni tindhawu leti hlawulekeke ngopfu eswilalelweni,+ 47  ni lava mitaka tiyindlu ta tinoni+ ni ku endla swikhongelo swo leha hi vukanganyisi. Vona va ta kuma vuavanyisi+ byo tika swinene.”

Tinhlamuselo ta le hansi