Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Luka 19:1-48

19  Hiloko a nghena eYeriko+ a tsemakanya hi kona.  Kutani kona a ku ri ni munhu loyi a vitaniwaka hi vito ra Zakiya; a a ri muluvisi lonkulu, naswona a a fuwile.  Ina, a a lava ku vona+ leswaku Yesu wa kona i mani, kambe a a nga swi koti hikwalaho ka ntshungu, hikuva a a komile.  Hiloko a tsutsuma a rhanga a ya emahlweni ivi a khandziya nkuwa-xiribeyila leswaku a n’wi vona, hikuva a a ta hundza endleleni yoleyo.  Kutani loko Yesu a fika endhawini yoleyo, a languta ehenhla a ku eka yena: “Zakiya, hatlisa u xika, hikuva namuntlha ndzi fanele ku tshama endlwini ya wena.”  Xisweswo a hatlisa a xika ivi hi ku tsaka a n’wi amukela tanihi muendzi.  Kambe loko va swi vona, hinkwavo va sungula ku gungula,+ va ku: “U nghene a tshama ni wanuna wa mudyohi.”  Kambe Zakiya a yima, a byela Hosi a ku: “Waswivo! Hafu ya leswi nga swa mina, Hosi, ndzi yi nyika swisiwana, naswona xin’wana ni xin’wana lexi ndzi nga xi tekela munhu hi vukanganyisi+ ndzi xi vuyisela hi mpimo lowu andzisiweke ka mune.”+  Kutani Yesu a ku eka yena: “Namuntlha ku ponisiwa ku tile endlwini leyi, hikuva na yena i n’wana wa Abrahama.+ 10  Hikuva N’wana wa munhu u tele ku ta lava ni ku ponisa leswi lahlekeke.”+ 11  Loko va ha yingise swilo leswi a engeta a vula xifaniso, hikuva a a ri ekusuhi na Yerusalema naswona a va anakanya leswaku mfumo wa Xikwembu a wu ta humelela hi ku hatlisa.+ 12  Hikokwalaho a ku: “Munhu un’wana wa le vukosini u endzele tiko ra le kule a ya kuma matimba ya vuhosi ivi a vuya.+ 13  A vitana mahlonga yakwe ya khume a ma nyika timayina ta khume, a ku eka wona, ‘Pindzulani ndzi kondza ndzi vuya.’+ 14  Kambe vaaka-tiko vakwe a va n’wi venga+ kutani va sala va rhuma huvo ya vayimeri, yi ku, ‘A hi swi lavi leswaku munhu loyi a va hosi ya hina.’+ 15  “Eku heteleleni loko a vuya endzhaku ko kuma matimba ya vuhosi, a lerisa leswaku mahlonga lawa a ma nyikeke mali ya silivhere ma vitaniwa ma ta eka yena, leswaku a kumisisa leswi ma swi pindzuleke hi ntirho wa bindzu.+ 16  Kutani ro sungula ri ya, ri ku, ‘Hosi, mayina ya wena yi pindzule timayina+ ta khume.’ 17  Kutani a ku eka rona, ‘U endle kahle, hlonga lerinene! Hikwalaho ka leswi u kumekeke u tshembekile emhakeni leyitsongo swinene, lawula miti+ ya khume.’ 18  Hiloko ku ta ra vumbirhi, ri ku, ‘Hosi, mayina ya wena yi tswale timayina+ ta ntlhanu.’ 19  Na rona a ri byela a ku, ‘Na wena, ungamela miti+ ya ntlhanu.’ 20  Kambe rin’wanyana ri ta, ri ku, ‘Hosi, mayina ya wena hi leyi, a ndzi yi vekile ndzi yi phutsele hi lapi. 21  Waswivo, a ndzi ku chava, hikuva u munhu wo nonon’hwa; u teka leswi u nga swi vekisangiki naswona u tshovela leswi u nga swi byalangiki.’+ 22  A ku eka yena, ‘Ndzi ku avanyisa hi leswi humaka enon’wini+ wa wena, hlonga ro homboloka. A wu swi tiva leswaku ndzi munhu wo nonon’hwa, ndzi teka leswi ndzi nga swi vekisangiki ni ku tshovela leswi ndzi nga swi byalangiki, a swi tano ke?+ 23  Hikwalaho, ha yini u nga yi vekanga mali ya mina ya silivhere evuvekisini? Loko ndzi fika a ndzi ta yi teka yi ri ni ntswalo.’+ 24  “Hiloko a byela lava a va yime ekusuhi a ku, ‘N’wi tekeleni mayina leyi, mi yi nyika loyi a nga ni timayina+ ta khume.’ 25  Kambe vona va ku eka yena, ‘Hosi, u ni timayina ta khume!’— 26  ‘Ndzi ri eka n’wina, Un’wana ni un’wana loyi a nga na swona, u ta nyikiwa leswi engetelekeke; kambe loyi a nga riki na nchumu, ni leswi a nga na swona swi ta tekiwa.+ 27  Ku tlula kwalaho, valala lava va mina lava nga lavangiki leswaku ndzi va hosi ya vona va tiseni laha, mi va dlaya emahlweni ka mina.’”+ 28  Kutani, loko a vule swilo leswi, a ya emahlweni, a tlhandlukela eYerusalema.+ 29  Loko a fika ekusuhi na Betefage na Betaniya entshaveni leyi vuriwaka Ntshava ya Mitlhwari,+ a rhuma vadyondzisiwa vambirhi,+ 30  a ku: “Yanani eximutanini lexi mi langutaneke na xona, kutani loko mi nghena eka xona mi ta kuma ximbhongolwana xi tsimbiwile, lexi ku nga riki na munhu la nga tshama a xi gada. Xi ntshunxeni mi xi tisa.+ 31  Kambe loko munhu a mi vutisa a ku, ‘Mi xi ntshunxela yini?’ Mi ta vula mi ku, ‘Hosi ya xi lava.’”+ 32  Kutani lava va rhumiweke va suka, va kuma swi ri hilaha a vuleke hakona.+ 33  Kambe loko va ri karhi va ntshunxa ximbhongolwana vini va xona va ku eka vona: “Mi xi ntshunxela yini ximbhongolwana xexo?”+ 34  Vona va ku: “Hosi ya xi lava.”+ 35  Kutani va xi yisa eka Yesu, va kapeka tinguvu ta vona ta le handle ehenhla ka ximbhongolwana ivi va gadisa Yesu eka xona.+ 36  Loko a ri karhi a famba+ va andlala tinguvu ta vona ta le handle egondzweni.+ 37  Kuteloko a fika ekusuhi ni gondzo leri rhelelaka hi le Ntshaveni ya Mitlhwari vunyingi hinkwabyo bya vadyondzisiwa byi sungula ku tsaka ni ku vonga Xikwembu hi rito lerikulu malunghana ni mintirho hinkwayo ya matimba leyi byi yi voneke,+ 38  byi ku: “U katekile Loyi a taka a ri Hosi hi vito+ ra Yehovha! Ku rhula a ku ve etilweni, ni ku vangama etindhawini+ leti tlakukeke ngopfu!” 39  Hambiswiritano, van’wana va Vafarisi lava a va ri entshungwini va ku eka yena: “Mudyondzisi, tshinya vadyondzisiwa va wena.”+ 40  Kambe a angula a ku: “Ndza mi byela, Loko lava vo miyela, maribye+ ma nga huwelela.” 41  Loko a fika ekusuhi, a languta muti, a wu rilela,+ 42  a ku: “Loko wena, hi xiviri, a wu swi twisisile+ namuntlha swilo leswi fambisanaka ni ku rhula—kambe sweswi swi fihliwile ematihlweni+ ya wena. 43  Hikuva u ta fikeriwa hi masiku lawa valala va wena va nga ta aka rihlampfu+ ra timhandzi+ to tontswa ri ku rhendzela naswona va ta ku rhendzela,+ va ku kayakayisa+ hi tlhelo rin’wana ni rin’wana, 44  kutani va ta ku tlatlalata ehansi+ swin’we ni vana va wena lava u nga na vona, naswona a va nge siyi ribye ehenhla ka ribye+ rin’wana eka wena, hikuva a wu wu tivanga nkarhi wa ku kamberiwa+ ka wena.” 45  Kutani a nghena etempeleni a sungula ku hlongola lava a va xavisa,+ 46  a ku eka vona: “Ku tsariwile, ‘Kutani yindlu ya mina yi ta va yindlu ya xikhongelo,’+ kambe n’wina mi yi endle bako ra swigevenga.”+ 47  Ku tlula kwalaho, siku ni siku a a ya etempeleni a ya dyondzisa. Kambe vaprista lavakulu ni vatsari ni vakulukumba va tiko a va lava ku n’wi dlaya;+ 48  kambe a va yi kumanga ndlela leyi humelelaka, hikuva vanhu hinkwavo a va tshama va n’wi namarherile, va n’wi yingisa.+

Tinhlamuselo ta le hansi