Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Luka 17:1-37

17  Kutani a byela vadyondzisiwa vakwe a ku: “Swikhunguvanyiso a swi papalateki.+ Nilokoswiritano, khombo eka loyi swi taka ha yena!+  A swi ta antswa swinene eka yena loko ribye ro sila a ro ncikinyisiwa enhan’wini yakwe ivi a hoxiwa elwandle+ ematshan’weni ya leswaku a khunguvanyisa un’wana wa lavatsongo.+  Tivoneleni. Loko makwenu a endla xidyoho n’wi tshinye,+ kutani loko a hundzuka u n’wi rivalela.+  Hambiloko a ku dyohela ka nkombo hi siku a vuya eka wena ka nkombo, a ku, ‘Ndza hundzuka,’ u fanele ku n’wi rivalela.”+  Kutani vaapostola va byela Hosi va ku: “Hi nyike ripfumelo leri engetelekeke.”+  Kutani Hosi yi ku: “Loko a mi ri ni ripfumelo ro ringana ni ndzoho ya sinapi, a mi ta byela murhi wa muribeyila wa ntima mi ku, ‘Simuka u ya byaleka elwandle,’ kutani a wu ta mi yingisa.+  “I mani eka n’wina loyi a nga ni hlonga leri rimaka kumbe leri khathalelaka ntlhambi, loko ri vuya ensin’wini a nga ta ri byela a ku, ‘Hatlisa u ta haleno, u vurhama etafuleni’?  Kambe, xana a nge vuli eka rona a ku, ‘Ndzi lunghiselele swakudya leswi ndzi nga ta lalela ha swona, u ambala fasikoti u ndzi tirhela kukondza ndzi heta ku dya ni ku nwa, kutani endzhaku ka sweswo na wena u nga dya ni ku nwa’?  A nge ri nkhensi hlonga hikwalaho ka leswi ri endleke swilo leswi ri averiweke swona, a hi swona ke? 10  Kutani na n’wina, loko mi endle swilo hinkwaswo leswi mi averiweke swona, vulani mi ku, ‘Hi mahlonga+ lama nga pfuniki nchumu. Leswi hi nga swi endla hi leswi a hi fanele ku swi endla.’” 11  Kuteloko a ya eYerusalema a hundza exikarhi ka Samariya na Galeliya.+ 12  Loko a nghena eka ximutana xin’wana a hlangana ni vavanuna va khume lava nga ni nhlokonho,+ kambe va yima ekulenyana. 13  Hiloko va tlakusa marito ya vona va ku: “Yesu, Muleteri, vana ni tintswalo+ eka hina!” 14  Kuteloko a va vona a ku eka vona: “Fambani mi ya tikombisa eka vaprista.”+ Kutani eku fambeni ka vona va basisiwa.+ 15  Un’wana wa vona loko a vona leswaku u horisiwile, a vuya, a vangamisa+ Xikwembu hi rito lerikulu. 16  Kutani a wa hi xikandza xakwe emilengeni+ ya Yesu, a n’wi nkhensa; naswona, a a ri Musamariya.+ 17  Yesu a angula a ku: “Va basisiwe va ri khume, a swi tano ke? Kutani, xana lavan’wana va kaye va kwihi? 18  Xana a va kona lava vuyeke va ta vangamisa Xikwembu handle ka wanuna loyi wa rixaka rin’wana?” 19  Kutani a ku eka yena: “Pfuka u famba; ripfumelo ra wena ri ku hanyisile.”+ 20  Kambe loko Vafarisi va n’wi vutisa leswaku mfumo wa Xikwembu wu ta ta rini,+ a va hlamula a ku: “Mfumo wa Xikwembu a wu ti hi ku vonakala ko hlawuleka, 21  naswona vanhu a va nge vuli leswaku, ‘Vonani hi lowu,’ kumbe ‘Hi lowuya!’+ Hikuva maswivo, mfumo wa Xikwembu wu le xikarhi ka n’wina.”+ 22  Kutani a ku eka vadyondzisiwa vakwe: “Ma ta ta masiku lawa mi nga ta navela ku vona rin’wana ra masiku ya N’wana wa munhu kambe a mi nge ri voni.+ 23  Kutani vanhu va ta ku eka n’wina, ‘Vonani hi luya,’ kumbe, ‘Vonani hi loyi!’+ Mi nga yi kumbe ku va landzelela.+ 24  Hikuva tanihi leswi rihati,+ hi ku hatima ka rona, ri voningaka ku suka eka tlhelo rin’wana ehansi ka tilo ku ya eka tlhelo rin’wanyana ehansi ka tilo, swi ta va tano hi N’wana wa munhu.+ 25  Hambiswiritano, xo sungula u fanele ku langutana ni ku xaniseka ko tala ni ku bakanyiwa hi xitukulwana+ lexi. 26  Ku tlula kwalaho, hilaha swi humeleleke hakona emasikwini ya Nowa,+ swi ta va tano ni le masikwini ya N’wana wa munhu:+ 27  a va dya, a va nwa, vavanuna a va teka, vavasati a va hlomisiwa, ku fikela esikwini leri Nowa a ngheneke ha rona engalaveni, kutani ndhambi yi fika yi va lovisa hinkwavo.+ 28  Hi ku fanana, hilaha swi humeleleke hakona emasikwini ya Lota:+ a va dya, a va nwa, a va xava, a va xavisa, a va byala, a va aka. 29  Kambe esikwini leri Lota a humeke ha rona eSodoma ku ne ndzilo ni xivavula swi huma etilweni, swi va lovisa hinkwavo.+ 30  Swi ta va tano esikwini leri N’wana wa munhu a nga ta hlavuteriwa+ ha rona. 31  “Esikwini rero munhu la nge henhla ka yindlu, loyi nhundzu yakwe yi nga endlwini a nga xiki a ya yi teka, naswona munhu loyi a nga emasin’wini, na yena a nga vuyeli eka swilo swa le ndzhaku. 32  Tsundzukani nsati wa Lota.+ 33  Un’wana ni un’wana la lavaka ku tihlayisela moya-xiviri wakwe wu ta n’wi lahlekela, kambe un’wana ni un’wana loyi wu n’wi lahlekelaka u ta wu londzovota wu hanya.+ 34  Ndza mi byela, Evusikwini byebyo vavanuna vambirhi va ta va va etlele endhawini yin’we; un’wana u ta tekiwa, kambe un’wanyana u ta siyiwa.+ 35  Ku ta va ni vavasati vambirhi lava silaka eka xisilo xin’we; un’wana u ta tekiwa, kambe un’wanyana u ta siyiwa.”+ 36  —— 37  Kutani va n’wi angula va ku: “Kwihi, Hosi?” A ku eka vona: “Laha ntsumbu wu nga kona,+ hi kona laha ni magama ma nga ta hlengeletana kona.”+

Tinhlamuselo ta le hansi