Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Luka 14:1-35

14  Siku rin’wana loko a nghena endlwini ya un’wana wa vafumi va Vafarisi hi savata a ya dya swakudya,+ a va n’wi xiyisisa.+  Kutani waswivo, emahlweni ka yena a ku ri ni munhu un’wana loyi a a ri ni vuvabyi bya xirhumberhumbe.  Hikwalaho ka sweswo Yesu a vulavula ni lava a va tiva Nawu ni Vafarisi, a ku: “Xana swa pfumeleriwa ku hanyisa hi savata kumbe e-e?”+  Kambe vona va miyela. Hiloko a khoma wanuna yoloye, a n’wi horisa ivi a n’wi tshika a famba.  Kutani a ku eka vona: “I mani eka n’wina, loyi loko n’wana wa yena kumbe nkunzi ya yena yi wela exihlobyeni+ a nga ta ka a nga yi kokeli ehandle hi ku hatlisa hi siku ra savata?”+  A va swi kotanga ku n’wi hlamula eka swilo leswi.+  Kutani vanhu lava rhambiweke a va byela xifaniso, hi ku vona ndlela leyi a va tihlawulela ha yona tindhawu leti hlawulekeke ngopfu, a ku eka vona:+  “Loko munhu a ku rhambile enkhubyeni wa vukati, u nga tshami endhawini leyi hlawulekeke ngopfu.+ Swi nga ha endleka hi nkarhi wolowo a rhambe un’wana wa le henhla ngopfu ku ku tlula,  kutani loyi a ku rhambeke swin’we ni loyi un’wana u ta ta eka wena a ku, ‘Nyika munhu loyi ndhawu.’ Hikwalaho u ta suka hi tingana u ya tshama endhawini ya le hansi ngopfu.+ 10  Kambe loko u rhambiwa, famba u ya vurhama endhawini+ ya le hansi ngopfu, leswaku loko munhu loyi a ku rhambeke a ta a ku byela a ku, ‘Nakulorhi, tlhandlukela ehenhla.’ Kutani wena u ta xiximiwa emahlweni ka vaendzi-kuloni hinkwavo.+ 11  Hikuva un’wana ni un’wana loyi a titlakusaka u ta tsongahatiwa kasi loyi a titsongahataka u ta tlakusiwa.”+ 12  Endzhaku ka sweswo a byela munhu loyi a n’wi rhambeke a ku: “Loko u endla swakudya-nkulu swa siku kumbe xilalelo, u nga vitani vanakuloni kumbe vamakwenu kumbe maxaka ya wena kumbe vaakelani lava fuweke. Swi nga ha endleka na wena va ku rhamba hikwalaho ka leswi u va rhambeke kutani ku ta va ndziho eka wena. 13  Kambe loko u endla nkhuvo, rhamba swisiwana, swigono, lava khutaka, lava feke mahlo;+ 14  kutani u ta tsaka, hikuva a va na nchumu lexi va nga ku tlheriselaka xona. Hikuva u ta tlheriseriwa swona eku pfuxiweni+ ka lava lulameke.” 15  Loko a twa swilo sweswo un’wana wa vaendzi-kulobye a ku eka yena: “Wa tsaka loyi a dyaka xinkwa emfun’weni wa Xikwembu.”+ 16  Yesu a ku eka yena: “Munhu un’wana a a endle xilalelo lexikulu, ivi a rhamba vanhu vo tala.+ 17  Kutani a rhuma hlonga ra yena hi nkarhi wa xilalelo ri ya byela lava rhambiweke ri ku, ‘Tanani,+ hikuva swilo se swi lunghisiwile.’ 18  Kambe hinkwavo va sungula ku tilandzula+ hi nomu wun’we. Lowo sungula a ku eka yena, ‘Ndzi xave nsimu kutani ndzi fanele ku huma ndzi ya yi vona; ndza ku kombela, Ndzi khomele.’+ 19  Un’wana a ku, ‘Ndzi xave ntlhanu wa swipani swa tihomu naswona ndzi lava ku ti ringeta; ndza ku kombela, Ndzi khomele.’+ 20  Kambe un’wanyana a ku, ‘Ndza ha ku teka+ nsati hikwalaho a ndzi nge ti.’ 21  Kutani hlonga ri ta ri ta vikela n’wini wa rona swilo leswi. Hiloko n’wini wa yindlu a kariha, a ku eka hlonga rakwe, ‘Huma hi ku hatlisa u ya etindleleni to anama ni le magondzweni ya muti, u tisa swisiwana ni swigono ni lava feke mahlo ni lava khutaka.’+ 22  Endzhakunyana hlonga ri ku, ‘N’wini wanga, leswi u swi leriseke swi endliwile, kambe ndhawu ya ha ri kona.’ 23  Kutani n’wini a byela hlonga a ku, ‘Huma u ya emagondzweni+ ni le tindhawini leti biyeriweke, u va sindzisa va ta, leswaku yindlu ya mina yi tala.+ 24  Hikuva ndza mi byela, A nga kona ni un’we eka vanhu lava rhambiweke la nga ta nantswa xilalelo+ xa mina.’” 25  Kutani mintshungu leyikulu a yi famba na yena, hiloko a hundzuluka a ku eka yona: 26  “Loko munhu a ta eka mina kambe a nga n’wi vengi tata wakwe ni mana wakwe ni nsati wakwe ni vana vakwe ni vamakwavo va xinuna ni va xisati, ina, hambi ku ri moya-xiviri+ wakwe, a nge vi mudyondzisiwa+ wa mina. 27  Un’wana ni un’wana loyi a nga yi rhwaliki mhandzi yakwe ya nxaniso a ndzi landzela a nge vi mudyondzisiwa+ wa mina. 28  Hi xikombiso, i mani eka n’wina loyi loko a lava ku aka xihondzo a nga rhangiki a tshama ehansi a hlayela ntsengo,+ a vona loko wu ringene ku xi heta? 29  Loko swi nga ri tano, a nga ha veka masungulo ya xona kambe a nga swi koti ku xi heta, kutani hinkwavo lava hlaleleke va ta sungula ku n’wi hlekula, 30  va ku, ‘Munhu loyi u sungule ku aka kambe a nga swi kotanga ku heta.’ 31  Kumbe hi yihi hosi leyi loko yi ya hlangana ni hosi yin’wana enyimpini, yi nga rhangiki yi tshama ehansi yi boha makungu ya leswaku xana yi nga swi kota hi masocha ya 10 000 ku langutana ni leyi taka yi ri ni 20 000?+ 32  Entiyisweni, loko yi nga ta swi kota ku endla tano, loko ya ha ri ekule swinene yi rhuma huvo ya vayimeri, yi kombela ku rhula.+ 33  Xisweswo, mi nga tiyiseka, exikarhi ka n’wina loyi a nga swi siyiki swilo leswi nga swa yena hinkwaswo,+ a nge vi mudyondzisiwa wa mina. 34  “Kahle-kahle, munyu i wunene. Kambe loko munyu wu heleriwa hi ntamu wa wona, wu ta lungiwa+ hi yini? 35  A wu yi faneli misava hambi ku ri ku endla manyoro. Vanhu va wu cukumeta ehandle. Loyi a nga ni tindleve ta ku yingisa, a a yingise.”+

Tinhlamuselo ta le hansi