Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Levhitika 9:1-24

9  Kutani hi siku ra vunhungu+ Muxe a vitana Aroni ni vana vakwe ni vakulukumba va Israyele.  Hiloko a byela Aroni a ku: “Titekele xirhodyana xi va xa gandzelo ra xidyoho+ ni khuna ri va ra gandzelo ro hisiwa,+ leswi hanyeke kahle, u swi nyikela emahlweni ka Yehovha.+  Kambe u ta byela vana va Israyele u ku, ‘Tekani xiphongo+ xi va xa gandzelo ra xidyoho ni rhole ni khuna+ leritsongo, xin’wana ni xin’wana xi ri ni lembe rin’we hi vukhale, swi hanye kahle, swi va gandzelo ro hisiwa,  ni nkunzi ni khuna swi va swa switlhavelo swa xinakulobye+ leswaku swi endliwa xitlhavelo emahlweni ka Yehovha ni gandzelo ra mavele+ leri tsakamisiweke hi mafurha, hikuva kunene Yehovha u ta humelela eka n’wina+ namuntlha.’”  Hikwalaho va teka leswi Muxe a swi leriseke va swi yisa emahlweni ka ntsonga wa nhlangano. Kutani ntshungu hinkwawo wu tshinela, wu yi-ma emahlweni ka Yehovha.+  Muxe a ya emahlweni a ku: “Lowu i nchumu lowu Yehovha a leriseke leswaku mi wu endla, leswaku ku vangama ka Yehovha ku humelela eka n’wina.”+  Hiloko Muxe a byela Aroni a ku: “Yana ekusuhi ni alitari u ya endla gandzelo ra wena ra xidyoho+ ni gandzelo ra wena ro hisiwa, u kombela ku rivaleriwa,+ wena ni yindlu ya wena; kutani u endla gandzelo ra vanhu+ naswona u va kombelela ku rivaleriwa,+ hilaha Yehovha a leriseke hakona.”  Hi ku hatlisa Aroni a ya ekusuhi ni alitari kutani a tlhava nkunzi ya gandzelo ra xidyoho leri a ri ri ra yena.+  Hiloko vana va Aroni va n’wi nyiketa ngati+ kutani a peta ritiho engatini+ a yi tota etimhondzweni ta alitari,+ ngati leyin’wana hinkwayo a yi chela etshakwini ra alitari. 10  Kutani a mbulukisa mafurha+ ni tinso ni xilekhelekhe xa xivindzi ealitarini,+ leswi humaka egandzelweni ra xidyoho, hilaha Yehovha a leriseke Muxe hakona. 11  Kutani a hisa nyama ni dzovo hi ndzilo ehandle ka nxaxa.+ 12  Hiloko a tlhava gandzelo ro hisiwa naswona vana va Aroni va n’wi nyiketa ngati kutani a yi xuva ehenhla ka alitari+ a yi rhendzela. 13  Kutani va n’wi nyiketa gandzelo ro hisiwa hi swiphemu swa rona ni nhloko ya rona, hiloko a swi mbulukisa ealitarini.+ 14  Ku tlula kwalaho, a hlantswa marhumbu ni manqina a swi mbulukisa egandzelweni ro hisiwa, ehenhla ka alitari.+ 15  A ya emahlweni a nyikela gandzelo ra vanhu+ kutani a teka mbuti ya gandzelo ra xidyoho ra vanhu a yi tlhava a endla gandzelo ra xidyoho hi yona ku fana ni ro sungula. 16  Hiloko a nyikela gandzelo ro hisiwa, a ri endla hi ku landza endlelo+ ra nkarhi ni nkarhi. 17  Endzhaku ka sweswo a nyikela gandzelo ra mavele+ naswona a tata voko hi swin’wana swa rona kutani a ri mbulukisa ealitarini, handle ka gandzelo ro hisiwa ra nimixo.+ 18  Endzhaku ka sweswo a tlhava nkunzi ni khuna ra xitlhavelo xa vanhu xa xinakulobye.+ Hiloko vana va Aroni va n’wi nyiketa ngati kutani a xuva alitari+ ehenhla a yi rhendzela. 19  Loko ku ri mafurha+ ya nkunzi ni ncila+ lowu noneke wa khuna ni mafurha lama funengeteke ni tinso ni xilekhelekhe xa xivindzi, 20  va veke mafurha ehenhla ka swifuva,+ endzhaku ka sweswo va mbulukisa mafurha ealitarini. 21  Kambe Aroni a ndziwita swifuva ni nenge wa xinene swi va gandzelo leri ndziwitiwaka+ emahlweni ka Yehovha, hilaha Muxe a leriseke hakona. 22  Hiloko Aroni a tlakusela mavoko evanhwini a va katekisa+ kutani a rhelela+ a suka eku endleni ka gandzelo ra xidyoho ni gandzelo ro hisiwa ni switlhavelo swa xinakulobye. 23  Eku heteleleni Muxe na Aroni va ya entsongeni wa nhlangano kutani va huma va ta katekisa vanhu.+ Hiloko ku vangama+ ka Yehovha ku humelela eka vanhu hinkwavo, 24  kutani ndzilo wu ta wu huma emahlweni ka Yehovha+ wu sungula ku hisa gandzelo ro hisiwa ni mafurha ealitarini. Kuteloko vanhu hinkwavo va swi vona, va huwelela,+ va wa hi swikandza swa vona.

Tinhlamuselo ta le hansi