Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Levhitika 8:1-36

8  Yehovha a ya emahlweni a byela Muxe a ku:  “Teka Aroni ni vana vakwe+ ni tinguvu+ ni mafurha ya ku tota+ ni nkunzi ya gandzelo ra xidyoho+ ni makhuna mambirhi ni xirhundzu xa swinkwa leswo-ke-comela,+  kutani u hlengeleta+ ntshungu hinkwawo enyangweni ya ntsonga wa nhlangano.”+  Hiloko Muxe a endla hilaha Yehovha a n’wi leriseke hakona, kutani ntshungu wu hlengeletana enyangweni+ ya ntsonga wa nhlangano.  Kutani Muxe a byela ntshungu a ku: “Lowu i nchumu lowu Yehovha a leriseke leswaku wu endliwa.”+  Hikwalaho Muxe a tshineta Aroni ni vana vakwe ekusuhi kutani a va hlambisa+ hi mati.+  Endzhaku ka sweswo a n’wi ambexa nguvu yo leha+ kutani a n’wi khama hi nceka+ naswona a n’wi ambexa nguvu yo pfumala mavoko,+ a n’wi ambexa efodi+ naswona a n’wi khama hi vamba+ ra efodi a nwi bohelela hi rona ri tiya.  Endzhaku ka sweswo a veka xinkwamana xa le xifuveni+ eka yena naswona a veka Urimi ni Thumimi+ exinkwamaneni xa le xifuveni.  Hiloko a n’wi ambexa xifunengeto xa nhloko+ enhlokweni naswona a veka xiphepherele lexi vangamaka xa nsuku emahlweni ka xifunengeto xa nhloko, mfungho wo kwetsima wa ku tinyiketela,+ hilaha Yehovha a leriseke Muxe hakona. 10  Kutani Muxe a teka mafurha ya ku tota a tota tabernakela+ ni hinkwaswo leswi a swi ri eka yona, a swi hlawulekisa. 11  Endzhaku ka sweswo a xuva man’wana ya wona ka nkombo ealitarini kutani a tota alitari+ ni swingolongondzwana swa yona hinkwaswo ni xihlambelo ni xiangamo xa xona leswaku a swi hlawulekisa. 12  Eku heteleleni a chela mafurha man’wana ya ku tota enhlokweni ya Aroni a n’wi tota leswaku a n’wi hlawulekisa.+ 13  Hiloko Muxe a tshineta+ vana va Aroni ekusuhi a va ambexa tinguvu to leha naswona a va khama hi minceka+ kutani a va tsondzela hi switsondzeri swa nhloko,+ hilaha Yehovha a leriseke Muxe hakona. 14  Kutani a khayima nkunzi+ ya gandzelo ra xidyoho, hiloko Aroni ni vana vakwe va tlhandleka mavoko enhlokweni+ ya nkunzi ya gandzelo ra xidyoho. 15  Muxe a yi tlhava+ naswona a teka ngati+ a yi tota hi ritiho etimhondzweni ta alitari a yi rhendzela kutani a tengisa alitari exidyohweni, kambe ngati leyin’wana hinkwayo a yi chela etshakwini ra alitari, leswaku a ta yi hlawulekisela ku kombela ku rivaleriwa+ eka yona. 16  Endzhaku ka sweswo a teka mafurha hinkwawo lawa a ma ri ehenhla ka marhumbu ni xilekhelekhe xa xivindzi ni tinso timbirhi ni mafurha ya tona, Muxe a swi mbulukisa ealitarini.+ 17  Kutani a yi hisa hi ndzilo nkunzi ni dzovo ra yona ni nyama ya yona ni vulongo bya yona ehandle ka nxaxa,+ hilaha Yehovha a leriseke Muxe hakona. 18  Hiloko a tshineta khuna ra gandzelo ro hisiwa ekusuhi, kutani Aroni ni vana vakwe va tlhandleka mavoko enhlokweni ya khuna.+ 19  Endzhaku ka sweswo Muxe a ri tlhava kutani a xuva ngati ehenhla ka alitari+ a yi rhendzela. 20  Kutani a tsemelela khuna hi swiphemu+ swa rona, Muxe a mbulukisa nhloko ni swiphemu ni mafurha ya tinso. 21  Kutani a hlantswa marhumbu ni manqina hi mati, hiloko Muxe a mbulukisa khuna hinkwaro ealitarini.+ A ku ri gandzelo ro hisiwa ra nun’hwelo lowu phyuphyisaka.+ A ku ri gandzelo leri endleriwaka Yehovha hi ndzilo, hilaha Yehovha a leriseke Muxe hakona. 22  Hiloko a tshineta khuna ra vumbirhi ekusuhi, khuna ra ku vekiwa,+ kutani Aroni ni vana vakwe va tlhandleka mavoko enhlokweni ya khuna. 23  Endzhaku ka sweswo Muxe a ri tlhava kutani a teka ngati yin’wana ya rona a yi tota emakumu ka ndleve ya xinene ya Aroni ni le khudzwini ra voko rakwe ra xinene ni le khudzwini ra nenge+ wakwe wa xinene. 24  Endzhaku ka sweswo Muxe a tshineta vana va Aroni ekusuhi kutani a tota ngati yin’wana emakumu ka tindleve ta vona ta xinene ni le makhudzwini ya mavoko ya vona ya xinene ni le makhudzwini ya milenge ya vona ya xinene; kambe Muxe a xuva ngati leyin’wana hinkwayo ehenhla ka alitari+ a yi rhendzela. 25  Hiloko a teka mafurha ni ncila lowu noneke ni mafurha hinkwawo lawa a ma ri ehenhla ka marhumbu+ ni xilekhelekhe xa xivindzi ni tinso timbirhi ni mafurha ya tona ni nenge+ wa xinene. 26  Kutani exirhundzwini xa swinkwa leswo-ke-comela lexi a xi ri emahlweni ka Yehovha, a teka xinkwa xin’we lexo-ke-comela lexi vumbekeke ku fana ni xingwavila+ ni xinkwa+ xin’we lexi vumbekeke ku fana ni xingwavila lexi nga ni mafurha ni xiphampha+ xin’we. Hiloko a swi veka emafurheni ni le nengeni wa xinene. 27  Endzhaku ka sweswo a swi veka hinkwaswo eswandleni swa Aroni ni le swandleni swa vana vakwe kutani a sungula ku swi ndziwita swi va gandzelo leri ndziwitiwaka emahlweni ka Yehovha.+ 28  Hiloko Muxe a swi teka eswandleni swa vona kutani a swi mbulukisa ealitarini ehenhla ka gandzelo ro hisiwa.+ A swi ri xitlhavelo xa ku vekiwa,+ swa nun’hwelo lowu phyuphyisaka.+ A ku ri gandzelo leri endleriweke Yehovha+ hi ndzilo. 29  Kutani Muxe a teka xifuva+ a xi ndziwita xi va gandzelo leri ndziwitiwaka emahlweni ka Yehovha.+ Xi ve xiphemu+ xa Muxe xi huma eka khuna ra ku vekiwa, hilaha Yehovha a leriseke Muxe hakona. 30  Endzhaku ka sweswo Muxe a teka mafurha+ man’wana ya ku tota ni ngati yin’wana leyi a yi ri ealitarini a xuva Aroni ni tinguvu takwe hi swona ni vana vakwe ni tinguvu ta vana vakwe lava a va ri na yena. Hikwalaho a hlawulekisa+ Aroni ni tinguvu takwe ni vana vakwe ni tinguvu ta vana+ vakwe lava a va ri na yena. 31  Kutani Muxe a byela Aroni ni vana vakwe a ku: “Swekani+ nyama leyi enyangweni ya ntsonga wa nhlangano, kwalaho hilaha mi nga ta yi dyela+ kona ni xinkwa lexi nga exirhundzwini xa ku vekiwa, hilaha ndzi nyikiweke xileriso hakona, xi ku, ‘Aroni ni vana vakwe va ta swi dya.’ 32  Nyama leyi nga ta sala ni xinkwa mi ta swi hisa hi ndzilo.+ 33  Mi nga tshuki mi huma enyangweni ya ntsonga wa nhlangano ku ringana masiku ya nkombo,+ kukondza ku fika siku ra ku hetisisa masiku ya ku vekiwa ka n’wina, hikuva swi ta teka masiku ya nkombo ku tata voko ra n’wina hi matimba.+ 34  Hilaha swi endliweke hakona esikwini leri, Yehovha u lerise leswaku swi endliwa tano hi xikongomelo xa leswaku mi kombela ku rivaleriwa.+ 35  Kutani mi ta tshama enyangweni ya ntsonga wa nhlangano nhlikanhi ni vusiku ku ringana masiku ya nkombo,+ mi fanele mi hlayisa ku rindza loku bohaka loku simekiweke hi Yehovha+ leswaku mi nga fi; hikuva ndzi lerisiwe tano.” 36  Kutani Aroni ni vana vakwe va endla swilo hinkwaswo leswi Yehovha a swi leriseke ha Muxe.

Tinhlamuselo ta le hansi