Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Levhitika 7:1-38

7  “‘Kutani nawu wa gandzelo ra nandzu+ hi lowu: I nchumu wo kwetsima+ ngopfu.  Endhawini+ leyi va tlhavelaka gandzelo ro hisiwa eka yona nkarhi ni nkarhi va ta tlhava gandzelo ra nandzu, kutani munhu u ta xuva+ ngati+ ya rona ehenhla ka alitari a yi rhendzela.  Loko ku ri mafurha+ ya rona hinkwawo, u ta nyikela ncila wa rona lowu noneke ni mafurha lama funengetaka marhumbu,  ni tinso timbirhi ni mafurha lama nga eka tona, hilaha ku fanaka ni lama nga ematsheveni. Loko ku ri xilekhelekhe lexi nga ehenhla ka xivindzi, u ta xi susa swin’we ni tinso.+  Kutani muprista u fanele a swi mbulukisa ehenhla ka alitari swi va gandzelo ra Yehovha+ leri endliweke hi ndzilo. I gandzelo ra nandzu.  Waxinuna un’wana ni un’wana exikarhi ka vaprista u ta ri dya.+ Va ta ri dyela endhawini yo kwetsima. I nchumu wo kwetsima+ ngopfu.  Gandzelo ra xidyoho ra fana ni gandzelo ra nandzu. Ma ni nawu wun’we.+ Muprista la nga ta kombela ha rona ku rivaleriwa, ri ta va ra yena.  “‘Loko ku ri muprista la nyikelaka gandzelo ro hisiwa ra munhu un’wana ni un’wana, dzovo+ ra gandzelo ro hisiwa leri a ri nyikeleke eka muprista, ri ta va ra yena.  “‘Gandzelo rin’wana ni rin’wana ra mavele leri nga bakiwaka exitikweni+ ni rin’wana ni rin’wana leri endliweke egalazeni+ leri nga ni mafurha ni le henhla ka nsimbi yo oxa+ i ra muprista loyi a ri nyikeleke. Ri ta va ra yena.+ 10  Kambe gandzelo rin’wana ni rin’wana ra mavele leri tsakamisiweke hi mafurha+ kumbe leri omeke,+ ri ta va ra vana va Aroni hinkwavo, ra un’wana ri fana ni ra un’wanyana. 11  “‘Kutani nawu wa xitlhavelo xa xinakulobye+ lexi un’wana ni un’wana a nga ta xi nyikela eka Yehovha hi lowu: 12  Loko o xi nyikela leswaku a kombisa ku nkhensa,+ u fanele a nyikela xitlhavelo xa ku nkhensa swin’we ni swinkwa leswo-ke-comela leswi vumbekeke ku fana ni swingwavila, swi tsakamisiwe hi mafurha, ni swiphampha leswo-ke-comela leswi totiweke mafurha+ ni mapa lama silekeke kahle lama pfanganisiweke kahle ku fana ni swinkwa leswi vumbekeke ku fana ni swingwavila, leswi tsakamisiweke hi mafurha. 13  U ta nyikela swimbundzwa leswi vumbekeke ku fana ni swingwavila, swa xinkwa lexi cheriweke comela+ swin’we ni gandzelo rakwe ni xitlhavelo xa ku nkhensa xa switlhavelo swakwe swa xinakulobye. 14  Eka xona u fanele a nyikela gandzelo ha rin’we ri va xiphemu xo hlawuleka eka Yehovha;+ loko ku ri muprista la xuvaka ngati ya switlhavelo swa xinakulobye, ri ta va ra yena.+ 15  Kutani nyama ya xitlhavelo xa ku nkhensa xa xitlhavelo xakwe xa xinakulobye yi ta dyiwa esikwini leri a yi nyikeleke ha rona. A nga tshuki a yi hlayisa ku fikela nimixo.+ 16  “‘Kutani loko xitlhavelo xa gandzelo rakwe ku ri xitshembiso lexi hlambanyiweke+ kumbe ku ri gandzelo ra ku tirhandzela,+ xi ta dyiwa esikwini leri a nyikeleke xitlhavelo xakwe ha rona, naswona leswi seleke swi nga ha dyiwa esikwini leri tlhandlamaka. 17  Kambe leswi seleke swa nyama ya xitlhavelo hi siku ra vunharhu swi ta hisiwa hi ndzilo.+ 18  Kambe, loko nyama yin’wana ya xitlhavelo xakwe xa xinakulobye yo dyiwa hi siku ra vunharhu, loyi a yi nyikelaka a nge amukeriwi nikatsongo.+ A xi nge hlayeriwi eka yena.+ Xi ta va nchumu lowu nga basangiki, naswona moya-xiviri lowu dyaka swin’wana swa xona wu ta hlamula hikwalaho ka xihoxo xa wona.+ 19  Nyama leyi nga ta khumba nchumu wihi ni wihi lowu nga tengangiki+ yi nga tshuki yi dyiwa. Yi ta hisiwa hi ndzilo. Malungana ni nyama, vanhu hinkwavo lava baseke va nga ha yi dya nyama yoleyo. 20  “‘Kutani moya-xiviri lowu dyaka nyama ya xitlhavelo xa xinakulobye lexi nga xa Yehovha loko wa ha nyamile, moya-xiviri wolowo wu fanele wu dlayiwa eka varikwavo.+ 21  Kutani loko moya-xiviri wo tshuka wu khumba nchumu wihi ni wihi lowu nga tengangiki, ku nga ku nyama ka munhu+ kumbe xiharhi+ lexi nga tengangiki kumbe nchumu wihi ni wihi lowu nga tengangiki lowu nyenyetsaka,+ kunene wu dya nyama yin’wana ya xitlhavelo xa xinakulobye lexi nga xa Yehovha, moya-xiviri wolowo wu fanele wu dlayiwa eka varikwavo.’” 22  Yehovha a ya emahlweni a vulavula na Muxe a ku: 23  “Byela vana va Israyele u ku, ‘Mi nga tshuki mi dya mafurha+ man’wana ni man’wana ya nkunzi kumbe ya khuna leritsongo kumbe ya mbuti. 24  Kutani mafurha ya ntsumbu ni mafurha ya xiharhi lexi handzuriweke+ ma nga ha tirhiseriwa xin’wana ni xin’wana lexi nga ehleketiwaka, kambe mi nga tshuki mi ma dya nikatsongo. 25  Hikuva mani na mani la dyaka leswi humaka eka xiharhi lexi a xi nyikelaka xi va gandzelo ra Yehovha leri endliwaka hi ndzilo, moya-xiviri lowu dyaka wu fanele wu dlayiwa+ eka varikwavo. 26  “‘Mi nga tshuki mi dya ngati+ yihi ni yihi etindhawini tin’wana ni tin’wana leti mi tshamaka eka tona, hambi i ya nyenyana kumbe i ya xiharhi. 27  Moya-xiviri wihi ni wihi lowu dyaka ngati yin’wana ni yin’wana, moya-xiviri wolowo wu ta dlayiwa+ eka varikwavo.’” 28  Yehovha a ya emahlweni a vulavula na Muxe a ku: 29  “Byela vana va Israyele u ku, ‘Loyi a nyikelaka xitlhavelo xakwe xa xinakulobye eka Yehovha u ta tisa gandzelo rakwe eka Yehovha ri huma exitlhavelweni xakwe xa xinakulobye.+ 30  Mavoko yakwe ma ta tisa mafurha+ lama nga exifuveni ma ri magandzelo ya Yehovha lama endliweke hi ndzilo. U ta ma tisa ni xifuva leswaku a ta xi ndziwita xi va gandzelo leri ndziwitiwaka+ emahlweni ka Yehovha. 31  Kutani muprista u fanele a mbulukisa+ mafurha ealitarini, kambe xifuva xi ta va xa Aroni ni vana+ vakwe. 32  “‘Kutani mi ta nyika muprista nenge wa xinene wu va xiphemu+ xo hlawuleka eswitlhavelweni swa n’wina swa xinakulobye. 33  Loyi a nyikelaka ngati ya switlhavelo swa xinakulobye ni mafurha eka vana va Aroni, nenge wa xinene wu ta va xiphemu+ xa yena. 34  Hikuva ndzi teka xifuva xa gandzelo leri ndziwitiwaka+ naswona ndzi teka nenge wa xiphemu xo hlawuleka eka vana va Israyele eswitlhavelweni swa vona swa xinakulobye, kutani ndzi ta swi nyika Aroni lowa muprista ni vana vakwe, swi va xileriso xa hilaha ku nga riki na makumu eka vana va Israyele. 35  “‘Lexi a xi ri xiavelo xa vuprista xa Aroni ni xiavelo xa vuprista xa vana vakwe lexi humaka emagandzelweni ya Yehovha lama endliweke hi ndzilo, esikwini leri a va nyikeleke+ ha rona leswaku va va vaprista va Yehovha, 36  hilaha Yehovha a leriseke ku va nyika wona esikwini leri a va toteke+ ha rona exikarhi ka vana va Israyele. I nawu wa hilaha ku nga riki na makumu eswitukulwaneni+ swa vona.’” 37  Lowu i nawu lowu khumbaka gandzelo ro hisiwa,+ gandzelo ra mavele+ ni gandzelo ra xidyoho+ ni gandzelo ra nandzu+ ni xitlhavelo xa ku vekiwa+ ni xitlhavelo xa xinakulobye,+ 38  hilaha Yehovha a leriseke Muxe eNtshaveni ya Sinayi+ hakona, esikwini leri a leriseke vana va Israyele leswaku va nyikela magandzelo ya vona eka Yehovha emananga ya Sinayi.+

Tinhlamuselo ta le hansi