Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Levhitika 6:1-30

6  Yehovha a ya emahlweni a byela Muxe a ku:  “Loko moya-xiviri wo tshuka wu dyoha hi ku ka wu nga tshembeki eka Yehovha+ kutani wu xisa+ nakulobye hi xin’wana lexi wu vekiweke ku xi langutela kumbe lexi vekiweke evokweni+ ra wona kumbe hi ku kanganyisa kumbe wu dyelela nakulobye,+  kumbe wu kuma lexi lahlekeke,+ kunene wu hemba malunghana na xona naswona wu hlambanya hi vunwa+ ehenhla ka hinkwaswo leswi munhu a nga swi endlaka leswaku a dyoha ha swona;  kutaku loko wu dyoha, kunene wu va ni nandzu,+ wu fanele wu tlherisela xilo lexi yiviweke lexi wu xi tekeke hi ku kanganyisa kumbe xilo lexi phangiweke lexi wu xi tekeke hi vukanganyisi kumbe xilo lexi wu xi langutelaka lexi wu tamerisiweke xona kumbe xilo lexi lahlekeke lexi wu xi kumeke,  kumbe nchumu wihi ni wihi lowu wu nga hlambanyaka hi vunwa eka wona, kutani wu fanele wu wu riha+ hi hakelo leyi heleleke naswona wu ta engetela vuntlhanu bya wona eka wona. Wu ta wu nyika loyi wu nga wa yena esikwini leri ha rona nandzu wa wona wu nga ta humesiwa erivaleni.  Kutani wu ta tisa eka Yehovha khuna+ leri hanyeke kahle leri humaka entlhambini hi ku ya hi xuma lexi ringanyetiweke, ku ri gandzelo ra wona ra nandzu, ku va gandzelo ra nandzu+ eka muprista.  Kutani muprista u fanele a wu kombelela ku rivaleriwa+ emahlweni ka Yehovha, hikwalaho wu ta rivaleriwa malunghana ni swilo hinkwaswo leswi wu nga swi endlaka kutani swi hetelela swi va nandzu.”  Yehovha a ya emahlweni a byela Muxe a ku:  “Lerisa Aroni ni vana vakwe u ku, ‘Lowu i nawu wa gandzelo ro hisiwa:+ Gandzelo ro hisiwa ri ta va exitikweni ealitarini vusiku hinkwabyo ku fikela nimixo, kutani ndzilo wa alitari wu ta tshiveriwa eka xona. 10  Muprista u fanele a tiambexa xiambalo xa ntsembyana,+ naswona u ta ambala swirhangiso+ swa ntsembyana enyameni yakwe. Kutani u fanele a humesa nkuma+ lowu nga ni mafurha wa gandzelo ro hisiwa, lowu ndzilo wu hambetaka wu wu hisa ealitarini, u fanele a swi veka etlhelo ka alitari. 11  Kutani u fanele a hluvula tinguvu+ takwe a ambala tinguvu tin’wana, u ta humesa nkuma lowu nga ni mafurha a wu yisa endhawini leyi baseke ehandle ka nxaxa.+ 12  Ndzilo lowu nga ealitarini wu ta tshama wu pfurha eka yona. Wu nga tshuki wu timeka. Kutani muprista u fanele a tshivela tihunyi+ ehenhla ka wona mixo wun’wana ni wun’wana naswona a lulamisa gandzelo ro hisiwa hi ndlela ya kona ehenhla ka wona, u fanele a mbulukisa mafurha ya xitlhavelo xa xinakulobye ehenhla ka wona.+ 13  Ndzilo+ wu ta tshama wu pfurha nkarhi hinkwawo ealitarini. Wu nga tshuki wu timeka. 14  “‘Kutani lowu i nawu wa gandzelo ra mavele:+ N’wina vana va Aroni wu nyikeleni emahlweni ka Yehovha emahlweni ka alitari. 15  Un’wana wa vona u ta nusa mapa man’wana lama silekeke kahle ya gandzelo ra mavele hi voko leri teleke ni mafurha man’wana ya rona ni murhi hinkwawo wa risuna lowu nga ehenhla ka gandzelo ra mavele, u ta swi mbulukisa ealitarini swi va nun’hwelo lowu phyuphyisaka wa xitsundzuxo+ xa rona eka Yehovha. 16  Kutani leswi seleke swa rona swi ta dyiwa+ hi Aroni ni vana vakwe. Swi ta dyiwa swi ri swinkwa leswo-ke-comela+ endhawini yo kwetsima. Va ta swi dya exivaveni xa ntsonga wa nhlangano. 17  Swi nga tshuki swi bakiwa ni nchumu wihi ni wihi lowu cheriweke comela.+ Ndzi va nyike swona swi va xiavelo xa vona xi huma emagandzelweni ya mina lama endliweke hi ndzilo.+ I nchumu wo kwetsima+ ngopfu ku fana ni gandzelo ra xidyoho ni gandzelo ra nandzu. 18  Vaxinuna+ hinkwavo exikarhi ka vana va Aroni va ta swi dya. I xiavelo xa hilaha ku nga riki na makumu+ eswitukulwaneni swa n’wina, lexi humaka emagandzelweni lama endleriweke Yehovha hi ndzilo. Hinkwaswo leswi nga ri khumbaka swi ta va swo kwetsima.’” 19  Yehovha a ya emahlweni a byela Muxe a ku: 20  “Leri i gandzelo+ ra Aroni ni vana vakwe, leri va nga ta ri nyikela eka Yehovha esikwini leri a nga ta totiwa+ ha rona: vukhume bya mpimo wa efa+ ya mapa lama silekeke kahle ku va gandzelo+ ra mavele nkarhi hinkwawo, hafu ya wona nimixo ni hafu ya wona nimadyambu. 21  Ri ta endliwa hi mafurha ehenhla ka nsimbi yo oxa.+ U ta ri tisa ri pfanganisiwe kahle. U ta nyikela mpfuvo lowu oxiweke wa gandzelo ra mavele hi swipandzwa, wu va nun’hwelo lowu phyuphyisaka eka Yehovha. 22  Kutani muprista loyi a totiweke ematshan’weni ya yena, la humaka eka vana vakwe,+ u ta ri endla. I xileriso xa hilaha ku nga riki na makumu: Ri ta mbulukiseriwa Yehovha ri ri gandzelo leri heleleke.+ 23  Gandzelo rin’wana ni rin’wana ra mavele ra muprista+ ri fanele ri va gandzelo leri heleleke. Ri nga tshuki ri dyiwa.” 24  Yehovha a ya emahlweni a byela Muxe a ku: 25  “Byela Aroni ni vana vakwe u ku, ‘Lowu i nawu wa gandzelo ra xidyoho:+ Gandzelo ra xidyoho ri ta tlhaviwa emahlweni ka Yehovha endhawini+ leyi gandzelo ro hisiwa ri tlhaveriwaka eka yona nkarhi ni nkarhi. I nchumu wo kwetsima+ ngopfu. 26  Muprista loyi a ri humesaka ri va gandzelo ra xidyoho u ta ri dya.+ U ta ri dyela endhawini+ yo kwetsima exivaveni+ xa ntsonga wa nhlangano. 27  “Hinkwaswo leswi khumbaka nyama ya rona swi ta va swo kwetsima,+ naswona loko munhu wihi ni wihi o tota ngati yin’wana ya yona eka nguvu+ yakwe, u ta hlantswa lexi totiweke hi ngati endhawini+ yo kwetsima. 28  Kutani xibya xa vumba+ lexi yi swekiwaka eka xona xi ta fayiwa. Kambe loko yi swekiwe hi xibya xa koporo xi ta khuhliwa kutani xi basisiwa hi mati. 29  “‘Waxinuna un’wana ni un’wana exikarhi ka vaprista u ta yi dya.+ I nchumu wo kwetsima+ ngopfu. 30  Hambiswiritano, ku nga tshuki ku dyiwa gandzelo ra xidyoho leri ngati+ yin’wana ya rona yi nga ta tisiwa entsongeni wa nhlangano leswaku yi ta kombela ku rivaleriwa endhawini yo kwetsima. Yi ta hisiwa hi ndzilo.

Tinhlamuselo ta le hansi