Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Levhitika 4:1-35

4  Yehovha a ya emahlweni a byela Muxe a ku:  “Byela vana va Israyele u ku, ‘Loko moya-xiviri+ wo tshuka wu endla xihoxo+ wu dyoha eka swilo swihi ni swihi leswi Yehovha a lerisaka leswaku swi nga tshuki swi endliwa, kunene wu endla xin’wana xa swona:  “‘Loko muprista, la totiweke,+ a dyoha+ lerova a vangela vanhu nandzu, u fanele a nyikela nkunzi leyitsongo, leyi hanyeke kahle eka Yehovha, yi va gandzelo ra xidyoho+ hikwalaho ka xidyoho lexi a xi endleke.  Kutani u fanele a tisa nkunzi enyangweni ya ntsonga wa nhlangano+ emahlweni ka Yehovha, u ta tlhandleka voko ehenhla ka nhloko+ ya nkunzi, u ta tlhava nkunzi emahlweni ka Yehovha.  Kutani muprista, la nga mutotiwa,+ u fanele a teka ngati yin’wana ya nkunzi a yi tisa entsongeni wa nhlangano;  muprista u ta peta ritiho+ engatini kutani a xuva ngati yin’wana ka nkombo+ emahlweni ka Yehovha, emahlweni ka nguvu leyi sirhelelaka ya ndhawu yo kwetsima.  Kutani muprista u fanele a veka ngati yin’wana etimhondzweni+ ta alitari ya xinun’hweriso xa murhi wa risuna emahlweni ka Yehovha, leyi nga entsongeni wa nhlangano, ngati leyin’wana hinkwayo ya nkunzi u ta yi chela etshakwini+ ra alitari ya gandzelo ro hisiwa, leyi nga enyangweni ya ntsonga wa nhlangano.  “‘Loko ku ri emafurheni hinkwawo ya nkunzi ya gandzelo ra xidyoho, eka wona u ta susa mafurha lama funengetaka marhumbu, ni mafurha hinkwawo lama nga ehenhla ka marhumbu,+  tinso timbirhi ni mafurha lama nga eka tona, hilaha ku fanaka ni lawa ma nga eswisutini. Loko ku ri xilekhelekhe lexi nga ehenhla ka xivindzi, u ta xi susa swin’we ni tinso.+ 10  Swi ta fana ni leswi swi susiwaka eka nkunzi ya xitlhavelo xa xinakulobye.+ Kutani muprista u fanele a swi mbulukisa ealitarini ya gandzelo ro hisiwa.+ 11  “‘Kambe loko ku ri dzovo ra nkunzi ni nyama ya yona hinkwayo ni nhloko ya yona ni manqina ya yona ni marhumbu ya yona ni vulongo+ bya yona, 12  u fanele a humesa nkunzi hinkwayo ehandle ka nxaxa,+ endhawini leyi baseke laha nkuma lowu nga ni mafurha+ wu chuluriwaka kona, u ta yi hisa ehenhla ka tihunyi endzilweni.+ Yi ta hisiwa laha nkuma lowu nga ni mafurha wu chuluriwaka kona. 13  “‘Kutani loko ntshungu hinkwawo wa Israyele wu endla xihoxo+ naswona mhaka ya kona yi fihleriwe mahlo ya nhlengeletano hikuva va endle xin’wana xa swilo hinkwaswo leswi Yehovha a leriseke leswaku swi nga endliwi, kutani va va ni nandzu,+ 14  naswona xidyoho lexi va yi dyoheleke ha xona xi tiviwa,+ nhlengeletano yi ta nyikela nkunzi leyitsongo yi va ya gandzelo ra xidyoho, yi fanele yi yi tisa emahlweni ka ntsonga wa nhlangano. 15  Kutani vakulukumba va ntshungu va fanele va tlhandleka mavoko ehenhla ka nhloko+ ya nkunzi emahlweni ka Yehovha, nkunzi yi ta tlhaviwa emahlweni ka Yehovha. 16  “‘Kutani muprista, la totiweke,+ u fanele a tisa ngati yin’wana ya nkunzi entsongeni wa nhlangano.+ 17  Muprista u ta peta ritiho engatini yin’wana kutani a yi xuva ka nkombo emahlweni ka Yehovha, emahlweni ka nguvu leyi sirhelelaka.+ 18  Kutani u ta tota ngati yin’wana etimhondzweni ta alitari+ leyi nga emahlweni ka Yehovha, leyi nga entsongeni wa nhlangano; ngati leyin’wana hinkwayo u ta yi chela etshakwini ra alitari ya gandzelo ro hisiwa,+ leyi nga enyangweni ya ntsonga wa nhlangano. 19  U ta susa mafurha hinkwawo lama nga eka yona, kutani u fanele a ma mbulukisa ehenhla ka alitari.+ 20  U fanele a endla eka nkunzi leyi hilaha a endleke hakona eka nkunzi leyin’wana ya gandzelo ra xidyoho. U ta endlisa xisweswo eka yona; kutani muprista u fanele a va kombelela ku rivaleriwa,+ kutani va ta rivaleriwa. 21  U fanele a humesa nkunzi yi yisiwa ehandle ka nxaxa, a yi hisa hilaha a hiseke nkunzi+ yo sungula hakona. I gandzelo ra xidyoho ra nhlengeletano.+ 22  “‘Loko ndhuna+ yi dyoha, kutani hi xihoxo yi endla xin’wana xa swilo hinkwaswo leswi Yehovha Xikwembu xa yona a leriseke leswaku swi nga endliwi,+ ivi yi va ni nandzu, 23  kumbe yi tivisiwe xidyoho xa yona lexi yi xi dyoheleke xileriso,+ yi fanele yi tisa xiphongo+ lexitsongo lexi hanyeke kahle, xi va gandzelo ra yona. 24  Yi fanele yi tlhandleka voko ehenhla ka nhloko+ ya ximbutana kutani yi xi tlhava endhawini laha gandzelo ro hisiwa ri tlhaveriwaka kona nkarhi ni nkarhi emahlweni ka Yehovha.+ I gandzelo ra xidyoho.+ 25  Kutani muprista u fanele a teka ngati yin’wana ya gandzelo ra xidyoho hi ritiho, a yi tota etimhondzweni+ ta alitari ya gandzelo ro hisiwa, u ta chela ngati leyin’wana hinkwayo etshakwini ra alitari ya gandzelo ro hisiwa. 26  U ta mbulukisa mafurha ya xona hinkwawo ehenhla ka alitari ya xitlhavelo xa xinakulobye;+ kutani muprista u fanele a kombela leswaku xidyoho+ xakwe xi rivaleriwa, hikwalaho u ta rivaleriwa. 27  “‘Loko moya-xiviri wihi ni wihi wa vanhu va tiko wu endla xihoxo wu dyoha hi ku endla xin’wana xa swilo leswi Yehovha a leriseke leswaku swi nga tshuki swi endliwa, kutani wu va ni nandzu,+ 28  kumbe wu tivisiwa xidyoho xa wona lexi wu xi endleke, wu fanele wu tisa gandzelo ra ximbutana xa ntswele+ lexi hanyeke kahle hikwalaho ka xidyoho xa wona lexi wu xi endleke. 29  Wu fanele wu tlhandleka voko ehenhla ka nhloko+ ya gandzelo ra xidyoho kutani wu tlhava gandzelo ra xidyoho endhawini leyi fanaka ni laha ku tlhaveriweke gandzelo ro hisiwa+ eka yona. 30  Kutani muprista u fanele a teka ngati yin’wana ya rona hi ritiho a yi tota etimhondzweni+ ta alitari ya gandzelo ro hisiwa, u ta chela ngati leyin’wana hinkwayo ya rona etshakwini ra alitari.+ 31  Kutani u ta susa mafurha+ ya rona hinkwawo, hilaha a suseke mafurha ya xitlhavelo xa xinakulobye+ hakona; muprista u ta ri mbulukisa ehenhla ka alitari ri va nun’hwelo lowu phyuphyisaka eka Yehovha;+ kutani muprista u fanele a n’wi kombelela ku rivaleriwa, hikwalaho u ta rivaleriwa.+ 32  “‘Kambe loko wo tisa xinyimpfana+ xi va gandzelo ra wona ra xidyoho, wu fanele wu tisa xinyimpfana xa ntswele, lexi hanyeke kahle.+ 33  Wu fanele wu tlhandleka voko ehenhla ka nhloko ya gandzelo ra xidyoho kutani wu ri tlhava ri va gandzelo ra xidyoho endhawini leyi gandzelo ro hisiwa ri tlhaveriwaka+ eka yona nkarhi ni nkarhi. 34  Kutani muprista u fanele a teka ngati yin’wana ya gandzelo ra xidyoho hi ritiho a yi tota etimhondzweni ta alitari ya gandzelo ro hisiwa,+ u ta chela ngati leyin’wana hinkwayo etshakwini ra alitari. 35  Kutani u ta susa mafurha ya rona hinkwawo hilaha mafurha ya khuna leritsongo ra xitlhavelo xa xinakulobye ma susiwaka hakona nkarhi ni nkarhi, muprista u fanele a swi mbulukisa ehenhla ka alitari emagandzelweni ya Yehovha lama endliweke hi ndzilo;+ muprista u fanele a wu kombelela ku rivaleriwa+ hikwalaho ka xidyoho lexi wu xi endleke, kutani wu ta rivaleriwa.+

Tinhlamuselo ta le hansi