Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Levhitika 3:1-17

3  “‘Loko gandzelo rakwe ku ri xitlhavelo xa xinakulobye,+ loko a ri nyikela ri huma entlhambini wa tihomu, ku nga khathariseki leswaku i nkunzi kumbe i ntswele, u ta ri nyikela ri ri leri hanyeke+ kahle emahlweni ka Yehovha.  U fanele a tlhandleka voko ehenhla ka nhloko+ ya gandzelo rakwe, ri ta tlhaviwa enyangweni ya ntsonga wa nhlangano; kutani vana va Aroni, lava va nga vaprista va fanele va xuva ngati ehenhla ka alitari va yi rhendzela.  U fanele a nyikela xitlhavelo xin’wana xa xinakulobye xi va gandzelo ra Yehovha leri endliweke hi ndzilo, ku nga mafurha+ lama funengetaka marhumbu ni mafurha hinkwawo lama nga ehenhla ka marhumbu,+  ni tinso+ timbirhi ni mafurha lama nga eka tona, hilaha ku fanaka ni lama nga ematsheveni. Loko ku ri xilekhelekhe lexi nga ehenhla ka xivindzi, u ta xi susa swin’we ni tinso.  Kutani vana+ va Aroni va ta swi mbulukisa+ ealitarini swi va gandzelo leri endliweke hi ndzilo ri va nun’hwelo+ lowu phyuphyisaka eka Yehovha ehenhla ka gandzelo ro hisiwa, leri nga ehenhla ka tihunyi+ leti nga endzilweni.  “‘Kutani loko gandzelo rakwe ri huma entlhambini wa tinyimpfu leswaku ri ta va xitlhavelo xa xinakulobye eka Yehovha, leri nga khuna kumbe ntswele, u ta ri nyikela ri hanye kahle.+  Loko a nyikela khuna leritsongo ri va gandzelo rakwe, u fanele a ri nyikela emahlweni ka Yehovha.+  U fanele a tlhandleka voko ehenhla ka nhloko+ ya gandzelo rakwe, ri ta tlhaviwa+ emahlweni ka ntsonga wa nhlangano; kutani vana va Aroni va ta xuva ngati ya rona ehenhla ka alitari va yi rhendzela.  Exitlhavelweni xa xinakulobye u fanele a nyikela mafurha ya xona ma va gandzelo ra Yehovha+ leri endliweke hi ndzilo. U ta susa ncila+ hinkwawo lowu noneke ekusuhi ni longo ni mafurha lama funengetaka marhumbu ni mafurha hinkwawo lama nga ehenhla ka marhumbu,+ 10  ni tinso timbirhi ni mafurha lama nga eka tona, hilaha ku fanaka ni lawa ma nga ematsheveni. Loko ku ri xilekhelekhe+ lexi nga ehenhla ka xivindzi, u ta xi susa swin’we ni tinso. 11  Kutani muprista u fanele a swi mbulukisa+ ehenhla ka alitari swi va swakudya,+ swi va gandzelo ra Yehovha leri endliweke hi ndzilo. 12  “‘Kutani loko gandzelo rakwe ku ri mbuti,+ u fanele a yi nyikela emahlweni ka Yehovha. 13  U fanele a tlhandleka voko ehenhla ka nhloko+ ya yona, yi ta tlhaviwa+ emahlweni ka ntsonga wa nhlangano; kutani vana va Aroni va fanele va xuva ngati ya yona ehenhla ka alitari va yi rhendzela. 14  Eka yona u fanele a nyikela mafurha lama funengetaka marhumbu ni mafurha hinkwawo lama nga ehenhla ka marhumbu+ swi va gandzelo rakwe, swi va gandzelo ra Yehovha leri endliweke hi ndzilo 15  ni tinso timbirhi ni mafurha lama nga eka tona, hilaha ku fanaka ni lawa ma nga ematsheveni. Loko ku ri xilekhelekhe lexi nga ehenhla ka xivindzi u ta xi susa swin’we ni tinso. 16  Muprista u fanele a swi mbulukisa ealitarini swi va swakudya, swi va gandzelo leri endliweke hi ndzilo ri va nun’hwelo lowu phyuphyisaka. Mafurha hinkwawo i ya Yehovha.+ 17  “‘I nawu wa hilaha ku nga riki na makumu eswitukulwaneni swa n’wina, etindhawini hinkwato ta n’wina leti mi tshamaka eka tona: mi nga tshuki mi dya mafurha kumbe ngati+ nikatsongo.’”

Tinhlamuselo ta le hansi