Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Levhitika 27:1-34

27  Yehovha a ya emahlweni a byela Muxe a ku:  “Byela vana va Israyele u ku eka vona, ‘Loko munhu o tshuka a endla xitshembiso lexi hlambanyiweke xo hlawuleka,+ xa ku nyikela mimoya-xiviri eka Yehovha hi ku ya hi xuma lexi pimanyetiweke,  ivi xuma lexi pimanyetiweke xi va waxinuna la nga ni malembe lama sukelaka eka malembe ya 20 hi vukhale ku ya eka malembe ya 60 hi vukhale, xuma lexi pimanyetiweke xi fanele xi va tixikele ta silivhere ta 50 hi ku ya hi xikele ya ndhawu yo kwetsima.  Kambe loko xi va waxisati, xuma lexi pimanyetiweke xi fanele xi va tixikele ta 30.  Kutani loko ku ri malembe ya ntlhanu ku ya eka malembe ya 20 hi vukhale, xuma lexi pimanyetiweke xa waxinuna xi fanele xi va tixikele ta 20 kasi eka waxisati ku va tixikele ta khume.  Kutani loko ku ri ku sukela eka n’hweti yin’we ku ya eka malembe ya ntlhanu hi vukhale, xuma lexi pimanyetiweke xa waxinuna xi fanele xi va tixikele ta silivhere ta ntlhanu+ kasi xuma lexi pimanyetiweke xa waxisati xi fanele xi va tixikele tinharhu ta silivhere.  “‘Kutani loko a ri ni malembe ya 60 ya vukhale ku ya ehenhla, loko ku ri waxinuna, xuma lexi pimanyetiweke xi fanele xi va tixikele ta 15 ivi eka waxisati xi va tixikele ta khume.  Kambe loko a ri xisiwana lexikulu lerova a nga swi koti ku humesa xuma+ lexi pimanyetiweke, u fanele a yimisa munhu yoloye emahlweni ka muprista, muprista u fanele a veka nxavo lowu a nga xavisiwaka ha wona eka yena.+ Muprista u ta veka nxavo lowu a nga xavisiwaka ha wona hi ku ya hi leswi loyi a endleke xitshembiso lexi hlambanyiweke a nga kotaka+ ku swi humesa.  “‘Kutani loko ku ri xiharhi lexi fanaka ni lexi munhu a nyikelaka gandzelo ha xona eka Yehovha, hinkwaswo leswi a nga nyikelaka ha swona eka Yehovha swi ta va nchumu wo kwetsima.+ 10  A nga tshuki a xi kutsula hi xin’wana, naswona a nga tshuki a xi cinca nikan’we lexinene hi xo biha kumbe xo biha hi lexinene. Kambe loko o cinca xiharhi hi xiharhi, xona ni lexi xi cincisanaka na xona swi fanele swi va swo kwetsima. 11  Kutani loko ku ri xiharhi xihi ni xihi lexi nga tengangiki+ ku fana ni lexi a nga ta ka a nga xi nyikeli xi va gandzelo eka Yehovha,+ u fanele a yimisa xiharhi emahlweni ka muprista.+ 12  Muprista u fanele a veka nxavo lowu xi nga xavisiwaka ha wona hambi xi ri xinene kumbe xi ri xo biha. Kutani xi ta va tano, hi ku ya hi xuma lexi pimanyetiweke+ hi muprista. 13  Kambe loko a lava ku xi kutsula, u fanele a nyika vuntlhanu+ bya xona a tlhandlekela eka xuma lexi pimanyetiweke. 14  “‘Kutani loko munhu o tshuka a hlawulekisa yindlu yakwe yi va nchumu wo kwetsima eka Yehovha, muprista u fanele a veka nxavo lowu yi nga xavisiwaka hi wona, hambi i yinene kumbe i yo biha.+ Yi ta vita ntsengo wo karhi hi ku ya hi nxavo lowu yi nga xavisiwaka hi wona lowu muprista a wu vulaka. 15  Kambe loko loyi a yi hlawulekisaka a lava ku kutsula yindlu ya yena, u fanele a nyika vuntlhanu bya mali ya xuma lexi pimanyetiweke, a tlhandlekela+ eka xona; kutani yi ta va ya yena. 16  “‘Loko ku ri yin’wana ya nsimu ya ndzhaka+ yakwe leyi munhu a lavaka ku yi hlawulekisela Yehovha, xuma lexi pimanyetiweke xa yona xi ta pimanyetiwa hi ku ya hi mbewu ya yona: loko ku ri mpimo wa homere+ wa maxalana, ku ta va tixikele ta silivhere ta 50. 17  Loko a fanele a hlawulekisa nsimu yakwe ku sukela eka lembe ra Yubili+ ku ya emahlweni, yi ta hakeriwa hi ku ya hi xuma lexi pimanyetiweke. 18  Kutani loko a hlawulekisa nsimu yakwe endzhaku ka Yubili, muprista u fanele a n’wi hlayela mali ya kona hi ku ya hi mpimo wa malembe lama seleke ku ya fika eka lembe leri landzelaka ra Yubili, kutani ku ta hungutiwa eka xuma+ lexi pimanyetiweke. 19  Kambe loko loyi a yi hlawulekisaka a lava ku kutsula nsimu yakwe, u fanele a nyika vuntlhanu bya xuma lexi pimanyetiweke a tlhandlekela eka xona, kutani yi ta tshama yi ri ya yena.+ 20  Loko a nga yi kutsuli nsimu kambe nsimu yi xaviseriwa munhu un’wana, a yi nge kutsuriwi. 21  Kutani loko nsimu yi huma hi Yubili, yi fanele yi va nchumu wo kwetsima eka Yehovha, ku fana ni nsimu leyi nyiketeriweke.+ Yi ta va ya muprista.+ 22  “‘Kutani loko a hlawulekisela Yehovha nsimu leyi xaviweke hi yena leyi nga riki xiphemu xa nsimu leyi nga yakwe,+ 23  muprista u fanele a n’wi hlayela ntsengo wa nxavo lowu yi nga xavisiwaka hi wona ku ya fikela eka lembe ra Yubili, kutani u fanele a nyika xuma lexi pimanyetiweke esikwini rero.+ I nchumu wo kwetsima eka Yehovha.+ 24  Hi lembe ra Yubili nsimu yi ta tlhelela eka loyi a yi xaveke eka yena, eka n’wini wa nsimu.+ 25  “‘Kutani xuma xin’wana ni xin’wana xi ta pimanyetiwa hi tixikele ta ndhawu yo kwetsima. Tixikele ti ta ringana tigera+ ta 20. 26  “‘Ku nga tshuki ku va ni munhu loyi a hlawulekisaka mativula exikarhi ka swiharhi, lama tswariwaka ma ri mativula ya Yehovha.+ Hambi i nkunzi kumbe i nyimpfu, i swa Yehovha.+ 27  Kutani loko ku ri exikarhi ka swiharhi+ leswi nga tengangiki, a fanela ku xi kutsula hi ku ya hi xuma lexi pimanyetiweke, u fanele a nyika vuntlhanu bya xona a tlhandlekela eka xona.+ Kambe loko xo ka xi nga kutsuriwi, xi fanele xi xavisiwa hi ku ya hi xuma lexi pimanyetiweke. 28  “‘Ntsena a ku na nchumu hambi wu ri wa muxaka wihi lowu nyiketiweke, lowu wu nga xavisiwaka, lowu munhu a nga wu nyikelaka eka Yehovha leswaku wu lovisiwa+ eka swilo hinkwaswo leswi swi nga swa yena, ku nga ha va eka vanhu kumbe eka swiharhi kumbe nsimu leyi nga ndzhaka yakwe, naswona a ku na nchumu hambi wu ri wa muxaka wihi, lowu nyiketiweke lowu wu nga kutsuriwaka.+ I nchumu wo kwetsima ngopfu eka Yehovha. 29  A ku na munhu la nyiketiweke loyi a nga vaka a nyikeriwe endzovisweni exikarhi ka vanhu loyi a nga kutsuriwaka.+ U fanele a dlayiwa hakunene.+ 30  “‘Xiphemu xin’wana ni xin’wana xa vukhume+ xa tiko, eka mbewu ya tiko ni mbhandzu wa murhi, i swa Yehovha. I nchumu wo kwetsima eka Yehovha. 31  Kutani loko munhu a lava ku kutsula xiphemu xihi ni xihi xa vukhume byakwe, u fanele a nyika vuntlhanu bya xona a tlhandlekela eka xona.+ 32  Loko ku ri xiphemu xin’wana ni xin’wana xa vukhume entlhambini wa tihomu ni le ntlhambini wa tinyimpfu, hinkwaswo leswi hundzaka ehansi ka nxongotelo wa murisi,+ nhloko ya vukhume yi ta va nchumu wo kwetsima eka Yehovha. 33  A nga tshuki a kambela ku vona loko xi ri xinene kumbe xi ri xo biha, a nga tshuki a cincisana hi xona. Kambe loko o cincisana hi xona, xona ni lexi xi cincisaneke na xona, swi ta va nchumu wo kwetsima.+ A xi nge kutsuriwi.’” 34  Leswi i swileriso+ leswi Yehovha a swi nyikeke Muxe, swi ri swileriso eka vana va Israyele eNtshaveni ya Sinayi.+

Tinhlamuselo ta le hansi