Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Levhitika 23:1-44

23  Yehovha a ya emahlweni a byela Muxe a ku:  “Byela vana va Israyele u ku eka vona, ‘Minkhuvo+ ya Yehovha leyi vekiweke, leyi mi faneleke ku yi huwelela+ i mintsombano yo kwetsima. Minkhuvo ya mina leyi vekiweke hi leyi:  “‘Ntirho wu nga ha endliwa masiku ya tsevu, kambe hi siku ra vunkombo i savata ya ku wisa+ hilaha ku heleleke, i ntsombano wo kwetsima. Mi nga tshuki mi endla ntirho hambi wu ri wihi. I savata ya Yehovha etindhawini hinkwato leti mi tshamaka+ eka tona.  “‘Leyi i minkhuvo+ ya Yehovha leyi vekiweke, mintsombano+ yo kwetsima, leyi mi faneleke mi yi huwelela hi minkarhi ya yona leyi vekiweke:+  Hi n’hweti yo sungula hi siku ra vu-14 ra n’hweti,+ exikarhi ka madyambu lamambirhi i paseka+ ya Yehovha.  “‘Kutani hi siku ra vu-15 ra n’hweti leyi i nkhuvo wa swinkwa leswo-ke-comela eka Yehovha.+ Mi ta dya swinkwa leswo-ke-comela+ masiku ya nkombo.  Hi siku ro sungula mi ta va ni ntsombano wo kwetsima.+ Mi nga tshuki mi endla muxaka wihi ni wihi wa ntirho wo tika.  Kambe masiku ya nkombo mi ta nyikela gandzelo ra Yehovha leri endliweke hi ndzilo. Hi siku ra vunkombo ku ta va ni ntsombano wo kwetsima. Mi nga tshuki mi endla muxaka wihi ni wihi wa ntirho wo tika.’”  Yehovha a ya emahlweni a byela Muxe a ku: 10  “Byela vana va Israyele u ku eka vona, ‘Loko mi hetelela mi fika etikweni leri ndzi mi nyikaka rona, naswona mi tshovele ntshovelo wa rona, mi fanele mi tisa nyandza ya swirhangana+ swa ntshovelo wa n’wina eka muprista. 11  Yena u fanele a ndziwita nyandza emahlweni+ ka Yehovha leswaku mi amukeleka. Hi siku leri landzelaka savata, muprista u fanele a yi ndziwita. 12  Kutani hi siku leri mi ndziwiteke nyandza ha rona, mi fanele mi nyikela khuna leritsongo leri hanyeke kahle, leri nga elembeni ra rona ro sungula, ri va gandzelo ro hisiwa eka Yehovha; 13  ni mimpimo yimbirhi ya vukhume bya mpimo wa efa ya mapa lamanene lama tsakamisiweke hi mafurha, yi ri gandzelo ra yona ra mavele, yi ri gandzelo leri endleriweke Yehovha hi ndzilo, nun’hwelo lowu phyuphyisaka; naswona vumune bya mpimo wa hini wa vhinyo wu ri gandzelo ra yona ra swakunwa. 14  Mi nga tshuki mi dya xinkwa kumbe mavele lama katingiweke kumbe mavele lamantshwa ku fikela siku+ leri, kukondza mi tisa gandzelo ra Xikwembu xa n’wina. I nawu wa hilaha ku nga riki na makumu eka switukulwana swa n’wina etindhawini ta n’wina leti mi tshamaka eka tona. 15  “‘Kutani mi fanele mi tihlayela tisavata+ ta nkombo ku sukela esikwini ra le ndzhaku ka savata, ku sukela esikwini leri mi tiseke nyandza ya gandzelo leri ndziwitiwaka. Ti fanele ti hetiseka. 16  Mi ta hlayela masiku+ ya 50 ku ya fikela eka siku ra le ndzhaku ka savata ya vunkombo, kutani mi fanele mi nyikela gandzelo ra mavele+ lerintshwa eka Yehovha. 17  Mi ta tisa swinkwa+ swimbirhi swi huma etindhawini leti mi tshamaka eka tona swi va gandzelo leri ndziwitiwaka. Swi fanele swi ri mimpimo yimbirhi ya vukhume bya mpimo wa efa ya mapa lama silekeke kahle. Swi fanele swi bakiwa swi cheriwe comela,+ swi ri mihandzu leyi wupfaka ku sungula eka Yehovha.+ 18  Mi fanele mi nyikela swinkwa sweswo swin’we ni swinyimpfana+ swa matsune swa nkombo, leswi hanyeke kahle, ha xin’we xi ri ni lembe rin’we hi vukhale ni nkunzi leyitsongo ni makhuna mambirhi. Swi ta va gandzelo ro hisiwa eka Yehovha swin’we ni gandzelo ra swona ra mavele ni gandzelo ra swona ra swakunwa swi va gandzelo leri endliwaka hi ndzilo, ra nun’hwelo lowu phyuphyisaka eka Yehovha. 19  Kutani mi fanele mi nyikela ximbutana+ xin’we xi va gandzelo ra xidyoho ni swinyimpfana swimbirhi swa xinuna, ha xin’we xi ri ni lembe rin’we hi vukhale, swi va xitlhavelo xa xinakulobye.+ 20  Kutani muprista u fanele a swi ndziwita+ swin’we ni swinkwa swa mihandzu leyi wupfaka ku sungula, swi va gandzelo leri ndziwitiwaka emahlweni ka Yehovha swin’we ni swinyimpfana swimbirhi swa xinuna. Swi ta va nchumu wo kwetsima wa muprista+ eka Yehovha. 21  Esikwini rero mi fanele mi huwelela;+ mi ta va ni ntsombano wo kwetsima. Mi nga tshuki mi endla muxaka wihi ni wihi wa ntirho wo tika. I nawu wa hilaha ku nga riki na makumu etindhawini ta n’wina hinkwato leti mi tshamaka eka tona, eswitukulwaneni swa n’wina. 22  “‘Kutani loko mi tshovela ntshovelo wa tiko ra n’wina, mi nga tshuki mi tshovela matlhelo ya nsimu ya n’wina hi ku helela, naswona mi nga tshuki mi khwaja+ ntshovelo wa n’wina. Mi ta swi siyela la xanisekaka+ ni la nga muluveri.+ Hi mina Yehovha Xikwembu xa n’wina.’” 23  Yehovha a ya emahlweni a byela Muxe a ku: 24  “Byela vana va Israyele u ku, ‘Hi n’hweti+ ya vunkombo hi siku ro sungula ra n’hweti, mi ta wisa hilaha ku heleleke, ku va xitsundzuxo hi ku biwa ka mhalamhala,+ ku va ntsombano+ wo kwetsima. 25  Mi nga tshuki mi endla muxaka wihi ni wihi wa ntirho wo tika naswona mi fanele ku nyikela gandzelo ra Yehovha leri endliweke hi ndzilo.’” 26  Yehovha a ya emahlweni a byela Muxe a ku: 27  “Kambe, hi siku ra vukhume ra yona n’hweti leyi ya vunkombo i siku ra ku kombela ku rivaleriwa.+ Mi ta va ni ntsombano wo kwetsima naswona mi fanele mi xanisa mimoya-xiviri+ ya n’wina mi nyikela gandzelo+ leri endleriweke Yehovha hi ndzilo. 28  Mi nga tshuki mi endla ntirho wa muxaka wihi ni wihi hi siku leri, hikuva i siku ra ku kombela ku rivaleriwa leswaku mi rivaleriwa+ emahlweni ka Yehovha Xikwembu xa n’wina; 29  hikuva moya-xiviri wun’wana ni wun’wana lowu nga ta ka wu nga xaniseki esikwini leri wu fanele wu dlayiwa eka varikwavo.+ 30  Malunghana ni moya-xiviri wun’wana ni wun’wana lowu nga ta endla ntirho wa muxaka wihi ni wihi esikwini leri, ndzi fanele ndzi lovisa moya-xiviri wolowo eka varikwavo.+ 31  Mi nga tshuki mi endla ntirho+ wihi ni wihi. I nawu wa hilaha ku nga riki na makumu eswitukulwaneni swa n’wina, etindhawini hinkwato leti mi tshamaka eka tona. 32  I savata ya n’wina leyi mi nga ta wisa hilaha ku heleleke ha yona,+ kutani mi fanele mi xanisa+ mimoya-xiviri ya n’wina hi siku ra vukaye ra n’hweti nimadyambu. Mi ta hlayisa savata ya n’wina ku sukela nimadyambu ku ya fika nimadyambu.” 33  Yehovha a ya emahlweni a byela Muxe a ku: 34  “Byela vana va Israyele u ku, ‘Hi siku ra vu-15 ra yona n’hweti leyi ya vunkombo i nkhuvo wa mintsonga eka Yehovha+ ku ringana masiku ya nkombo. 35  Hi siku ro sungula i ntsombano wo kwetsima. Mi nga tshuki mi endla muxaka wihi ni wihi wa ntirho wo tika. 36  Mi ta nyikela gandzelo leri endleriwaka Yehovha hi ndzilo masiku ya nkombo. Hi siku ra vunhungu mi ta va ni ntsombano wo kwetsima,+ kutani mi fanele mi nyikela gandzelo leri endleriwaka Yehovha hi ndzilo. I ntshungu wo xiximeka. Mi nga tshuki mi endla muxaka wihi ni wihi wa ntirho wo tika. 37  “‘Leyi i minkhuvo+ leyi vekiweke ya Yehovha leyi mi nga ta yi huwelela yi ri mintsombano+ yo kwetsima leswaku mi nyikela gandzelo ra Yehovha leri endliwaka hi ndzilo:+ gandzelo ro hisiwa+ ni gandzelo ra mavele+ ra xitlhavelo ni gandzelo ra swakunwa+ hi ku ya hi xiyimiso xa siku ni siku, 38  handle ka tisavata ta Yehovha+ ni tinyiko+ ta n’wina ni magandzelo ya n’wina hinkwawo ya xitshembiso lexi hlambanyiweke+ ni magandzelo ya n’wina hinkwawo ya ku tirhandzela,+ lawa mi faneleke mi wa nyika Yehovha. 39  Hambiswiritano, hi siku ra vu-15 ra n’hweti ya vunkombo, loko mi hlengelete ntshovelo wa tiko, mi ta tlangela nkhuvo+ wa Yehovha masiku+ ya nkombo. Hi siku ro sungula i ku wisa loku heleleke ni hi siku ra vunhungu i ku wisa+ loku heleleke. 40  Kutani hi siku ro sungula mi fanele mi teka mihandzu ya mirhi ya risima, switluka leswikulu swa mirhi ya micindzu+ ni marhavi ya mirhi leyi taleriweke hi marhavi ni mirhi ya phopla ya le nkoveni, mi fanele mi tsaka+ emahlweni ka Yehovha Xikwembu xa n’wina masiku ya nkombo. 41  Mi fanele mi wu tlangela masiku ya nkombo wu ri nkhuvo wa Yehovha elembeni.+ Mi ta wu tlangela hi n’hweti ya vunkombo wu ri nawu wa hilaha ku nga riki na makumu eswitukulwaneni swa n’wina. 42  Mi ta tshama emintsongeni masiku ya nkombo.+ Vanhu hinkwavo lava tumbulukeke eIsrayele va fanele va tshama emintsongeni,+ 43  ku endlela leswaku switukulwana swa n’wina swi ta tiva+ leswaku ndzi tshamise vana va Israyele emintsongeni loko ndzi va humesa etikweni ra Egipta.+ Hi mina Yehovha Xikwembu xa n’wina.’” 44  Hikwalaho Muxe a vulavula hi minkhuvo+ leyi vekiweke ya Yehovha eka vana va Israyele.

Tinhlamuselo ta le hansi