Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Levhitika 21:1-24

21  Yehovha a ya emahlweni a byela Muxe a ku: “Vulavula ni vaprista, vana va Aroni, u ku eka vona, ‘A nga kona la nga ta tinyamisa hi moya-xiviri lowu feke eka varikwavo.+  Kambe hikwalaho ka xaka ra yena lerikulu, hikwalaho ka mana wakwe ni hikwalaho ka tata wakwe ni hikwalaho ka n’wana wakwe wa jaha ni hikwalaho ka n’wana wakwe wa nhwanyana ni hikwalaho ka makwavo  ni hikwalaho ka makwavo wa xisati, nhwana la nga xaka lerikulu rakwe, loyi a nga si tshamaka a va wa wanuna wo karhi, a nga ha tinyamisa hi yena.  A nge tinyamisi [hikwalaho ka wansati la nga ni n’wini] exikarhi ka vanhu varikwavo leswaku a tiendla la nyameke.  Va nga tshuki va tsemeta mpandla etinhlokweni+ naswona va nga tshuki va byevula+ makumu ya malepfu ya vona, va nga tshuki va tixeka nyama.+  Va fanele va tikombisa va kwetsima eka Xikwembu+ xa vona, va nga nyamisi vito ra Xikwembu+ xa vona, hikuva i vanhu lava va nyikelaka magandzelo lama endleriwaka Yehovha hi ndzilo, xinkwa xa Xikwembu+ xa vona; kutani va fanele va tikombisa va kwetsima.+  Va nga tshuki va teka nghwavava+ kumbe wansati la nyamisiweke; va nga tshuki va teka+ wansati la tshikiweke+ hi nuna, hikuva wa kwetsima eka Xikwembu xakwe.  Hikwalaho u fanele u n’wi hlawulekisa,+ hikuva hi yena loyi a nyikelaka xinkwa xa Xikwembu xa wena. U fanele a kwetsima eka wena,+ hikuva mina Yehovha la mi hlawulekisaka ndza kwetsima.+  “‘Kutani loko n’wana wa nhwanyana wa muprista o tshuka a tinyamisa hi ku endla vunghwavava, u nyamisa tata wakwe. U fanele a hisiwa endzilweni.+ 10  “‘Malunghana ni muprista lonkulu wa vamakwavo, loyi a nga ta cheriwa+ mafurha ya ku tota enhlokweni ni loyi voko rakwe ri nga ta tatiwa matimba leswaku a ambala tinguvu,+ a nga tshuki a tshika nhloko yakwe yi nga lunghisiwanga,+ naswona a nga tshuki a handzula tinguvu+ takwe. 11  Kutani a nga tshuki a ta eka moya-xiviri+ wun’wana ni wun’wana lowu feke. A nga tinyamisi hikwalaho ka tata wakwe ni mana wakwe. 12  Nakambe a nga tshuki a huma evukwetsimelweni a nyamisa vukwetsimelo bya Xikwembu+ xakwe, hikuva mfungho wa ku tinyiketela, mafurha ya ku tota ya Xikwembu+ xakwe swi le henhla ka yena. Hi mina Yehovha. 13  “‘Loko ku ri yena u fanele a teka wansati evunhwaneni+ byakwe. 14  Loko ku ri noni kumbe wansati la tshikiweke ni loyi a nyamisiweke, nghwavava, a nge teki ni un’we wa vona, kambe u fanele a teka nhwana eka varikwavo a va nsati wakwe. 15  A nga tshuki a nyamisa mbewu yakwe eka varikwavo,+ hikuva hi mina Yehovha la n’wi hlawulekisaka.’”+ 16  Yehovha a ya emahlweni a byela Muxe a ku: 17  “Byela Aroni u ku, ‘A ku na munhu ni un’we wa mbewu ya wena eswitukulwaneni swa vona loyi a nga ni vulema,+ loyi a nga tshinelaka a ta nyikela xinkwa xa Xikwembu+ xakwe. 18  Loko ko tshuka ku va ni munhu loyi a nga ni vulema, a nga tshuki a tshinela: munhu la feke mahlo kumbe la khutaka kumbe loyi nhompfu yakwe yi xekiweke kumbe a ri ni xirho xin’we xo leha ngopfu,+ 19  kumbe munhu loyi a tshovekeke nenge kumbe la tshovekeke voko, 20  kumbe a ri ni lundza kumbe a lale ngopfu kumbe a ri ni vuvabyi bya mahlo kumbe a ri ni rikhwekhwe kumbe a ri ni matshansi kumbe a fayiwe+ marhanga yakwe ya vununa. 21  Munhu un’wana ni un’wana wa mbewu ya Aroni lowa muprista loyi a nga ni vulema, a nga tshuki a tshinela leswaku a ta nyikela gandzelo ra Yehovha leri endliweke hi ndzilo.+ U ni vulema. A nge tshineli leswaku a ta nyikela xinkwa xa Xikwembu+ xakwe. 22  A nga dya xinkwa xa Xikwembu xakwe lexi humaka eka swilo swo kwetsima ngopfu+ ni le ka leswi humaka eka swilo swo kwetsima.+ 23  Kambe, a nge tshineli ekusuhi ni nguvu leyi sirhelelaka,+ naswona a nge tshineli ealitarini,+ hikuva u ni vulema;+ a nga tshuki a nyamisa vukwetsimelo+ bya mina, hikuva hi mina Yehovha loyi a va hlawulekisaka.’”+ 24  Hikwalaho Muxe a byela Aroni ni vana vakwe ni vana va Israyele hinkwavo.

Tinhlamuselo ta le hansi