Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Levhitika 18:1-30

18  Yehovha a ya emahlweni a byela Muxe a ku:  “Byela vana va Israyele u ku eka vona, ‘Hi mina Yehovha Xikwembu xa n’wina.+  Mi nga tshuki mi endla hi ku landza ndlela leyi tiko ra Egipta, leri a mi tshama eka rona, ri endlaka ha yona;+ ni ndlela leyi tiko ra Kanana ri endlaka ha yona laha ndzi mi yisaka kona, mi nga tshuki mi endla ha yona;+ mi nga tshuki mi famba hi ku landza milawu ya vona.  Mi fanele mi hetisisa swiboho swa mina swa vuavanyisi+ naswona mi fanele mi hlayisa milawu+ ya mina leswaku mi famba eka yona.+ Hi mina Yehovha Xikwembu xa n’wina.  Mi fanele mi hlayisa milawu ya mina ni swiboho swa mina swa vuavanyisi, leswi loko munhu o swi endla, a faneleke a tlhela a hanya ha swona.+ Hi mina Yehovha.+  “‘Mi nga tshuki mi tshinela eka munhu wihi ni wihi warikwenu, exakeni rin’wana ni rin’wana rakwe leswaku mi funungula vuhava+ byakwe. Hi mina Yehovha.  U nga tshuki u funungula vuhava bya tata+ wa wena ni vuhava bya mana wa wena. I mana wa wena. U nga tshuki u funungula vuhava byakwe.  “‘U nga tshuki u funungula+ vuhava bya nsati wa tata wa wena. I vuhava bya tata wa wena.  “‘Loko ku ri vuhava bya makwenu wa xisati, n’wana wa tata wa wena wa nhwanyana kumbe n’wana wa mana wa wena wa nhwanyana, hambi a velekiwe endyangwini wa ka n’wina kumbe a velekiwe ehandle ka wona, u nga tshuki u funungula vuhava bya vona.+ 10  “‘Loko ku ri vuhava bya n’wana wa nhwanyana wa n’wana wa wena wa jaha kumbe n’wana wa nhwanyana wa n’wana wa wena wa xisati, u nga tshuki u funungula vuhava bya vona, hikuva i vuhava bya wena. 11  “‘Loko ku ri vuhava bya n’wana wa nhwanyana wa nsati wa tata wa wena, n’wana wa tata wa wena, yena a ri makwenu wa xisati, u nga tshuki u funungula vuhava byakwe. 12  “‘U nga tshuki u funungula vuhava bya makwavo wa xisati wa tata wa wena. I xaka lerikulu ra tata wa wena.+ 13  “‘U nga tshuki u funungula vuhava bya makwavo wa xisati wa mana wa wena, hikuva i xaka lerikulu ra mana wa wena. 14  “‘U nga tshuki u funungula vuhava bya makwavo wa tata wa wena. U nga tshuki u tshinela eka nsati wakwe. I hahani+ wa wena. 15  “‘U nga tshuki u funungula vuhava bya nhlomi+ ya n’wana wa wena. I nsati wa n’wana wa wena. U nga tshuki u funungula vuhava byakwe. 16  “‘U nga tshuki u funungula vuhava bya nsati wa makwenu.+ I vuhava bya makwenu. 17  “‘U nga tshuki u funungula+ vuhava bya wansati ni n’wana wakwe wa nhwanyana. U nga tshuki u teka n’wana wakwe wa nhwanyana loyi a beburiwaka hi n’wana wakwe waxinuna ni n’wana wakwe wa nhwanyana loyi a beburiwaka hi n’wana wakwe waxisati leswaku u funungula vuhava bya vona. I maxaka lamakulu. I ku tikhoma ko biha.+ 18  “‘U nga tshuki u teka wansati u engetela eka makwavo wa xisati ku ri ku phikizana+ hi ku funungula vuhava byakwe, hileswaku handle kakwe hi nkarhi wa ku hanya kakwe. 19  “‘U nga tshuki u tshinela eka wansati hi nkarhi wakwe wa switlhandla+ wa ku pfumala ku tenga leswaku u funungula+ vuhava byakwe. 20  “‘U nga tshuki u humesela mbewu ya wena ya vununa eka nsati wa nakuloni leswaku u va la nga tengangiki hi yona.+ 21  “‘U nga tshuki u pfumelela ku nyiketeriwa+ ka vana va wena eka Moleke.+ U nga tshuki u nyamisa+ vito ra Xikwembu xa wena hi ndlela yoleyo. Hi mina Yehovha.+ 22  “‘U nga tshuki u etlela ni waxinuna+ ku fana niloko u etlela ni wansati.+ I nchumu lowu nyenyetsaka. 23  “‘U nga tshuki u humesela mbewu ya wena eka xiharhi+ xihi ni xihi leswaku u va la nga tengangiki hi yona, naswona wansati a nga tshuki a yima emahlweni ka xiharhi leswaku a tivana na xona.+ I ku onha leswi nga swa ntumbuluko. 24  “‘U nga tshuki u tiendla la nga tengangiki hi xin’wana ni xin’wana xa swilo leswi, hikuva matiko lawa ndzi ma hlongolaka emahlweni ka n’wina ma tiendle lama nga tengangiki+ hi swilo leswi hinkwaswo. 25  Hikwalaho tiko a ri tenganga, kutani ndzi ta tisa nxupulo ehenhla ka rona hikwalaho ka xihoxo xa rona naswona tiko ri ta hlanta vaaki va rona.+ 26  N’wina mi fanele mi hlayisa milawu ya mina ni swiboho swa mina swa vuavanyisi,+ mi nga tshuki mi endla xihi ni xihi xa swilo leswi nyenyetsaka hinkwaswo, hambi i munhu la tumbulukeke kwalaho kumbe i muluveri la luveleke exikarhi ka n’wina.+ 27  Hikuva vanhu va tiko lava a va ri emahlweni ka n’wina va endle+ swilo leswi nyenyetsaka hinkwaswo lerova tiko a ri tenganga. 28  Kutani tiko a ri nge mi hlanti hikwalaho ka ku ri nyamisa ka n’wina hi ndlela leyi fanaka, hikuva kunene ri ta hlanta matiko lawa a ma ri emahlweni ka n’wina.+ 29  Loko mani na mani o tshuka a endla xin’wana xa swilo hinkwaswo leswi nyenyetsaka, moya-xiviri lowu swi endlaka wu fanele wu dlayiwa eka varikwavo.+ 30  Mi fanele mi hetisisa mfanelo ya n’wina eka mina leswaku mi nga hambeti mi endla hi ku ya hi mikhuva yihi ni yihi leyi nyenyetsaka, leyi endliweke emahlweni ka n’wina,+ leswaku mi nga tiendli lava nga tengangiki ha yona. Hi mina Yehovha Xikwembu xa n’wina.’”

Tinhlamuselo ta le hansi