Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Levhitika 17:1-16

17  Yehovha a ya emahlweni a byela Muxe a ku:  “Byela Aroni ni vana vakwe ni vana va Israyele hinkwavo u ku eka vona, ‘Lowu i nchumu lowu Yehovha a wu leriseke a ku:  “‘“Loko ku ri munhu un’wana ni un’wana wa yindlu ya Israyele la tlhavaka nkunzi kumbe khuna leritsongo kumbe mbuti enxaxeni kumbe la swi tlhavelaka ehandle ka nxaxa  kunene a nga swi tisi enyangweni ya ntsonga wa nhlangano+ leswaku a ta swi nyikela swi va gandzelo eka Yehovha emahlweni ka tabernakela ya Yehovha, munhu yoloye u ta va ni nandzu wa ngati. Munhu yoloye u halate ngati, naswona u fanele a dlayiwa eka varikwavo,+  ku endlela leswaku vana va Israyele va tisa switlhavelo swa vona leswi va swi tlhavaka enhoveni,+ va fanele va swi tisa eka Yehovha enyangweni ya ntsonga wa nhlangano, eka muprista,+ kutani va fanele va endla switlhavelo leswi swi va switlhavelo swa xinakulobye eka Yehovha.+  Muprista u fanele a xuva ngati ealitarini+ ya Yehovha enyangweni ya ntsonga wa nhlangano, naswona u fanele a mbulukisa mafurha+ ma va nun’hwelo lowu phyuphyisaka eka Yehovha.+  Hikwalaho va nga ha tshuki va endlela madimona+ lama nga ni xivumbeko xa mbuti switlhavelo swa vona, lawa va endlaka na wona rimbewu+ leri nga amukelekiki. Lowu wu ta va nawu wa n’wina wa hilaha ku nga riki na makumu eswitukulwaneni swa n’wina.”’  “U ta va byela u ku, ‘Loko ku ri munhu un’wana ni un’wana wa yindlu ya Israyele kumbe muluveri la luveleke exikarhi ka n’wina la humesaka gandzelo ro hisiwa+ kumbe xitlhavelo  ivi a nga swi tisi enyangweni ya ntsonga wa nhlangano a ta swi nyikela eka Yehovha,+ munhu yoloye u fanele a dlayiwa eka varikwavo.+ 10  “‘Loko ku ri munhu un’wana ni un’wana wa yindlu ya Israyele kumbe muluveri la luveleke exikarhi ka n’wina la dyaka ngati+ ya muxaka wun’wana ni wun’wana, kunene xikandza xa mina xi ta lwa ni moya-xiviri+ wolowo lowu dyaka ngati, hakunene ndzi ta wu dlaya exikarhi ka varikwavo. 11  Hikuva moya-xiviri wa nyama wu le ngatini,+ kutani mina ndzi mi vekele yona ealitarini leswaku yi kombela ku rivaleriwa+ ka mimoya-xiviri ya n’wina, hikuva i ngati+ leyi kombelelaka ku rivaleriwa+ hi moya-xiviri lowu nga eka yona. 12  Hi yona mhaka leyi ndzi nga byela vana va Israyele ndzi ku: “Ku hava moya-xiviri wa n’wina lowu faneleke wu dya ngati naswona ku hava muluveri la luveleke exikarhi ka n’wina+ loyi a faneleke a dya ngati.”+ 13  “‘Loko ku ri munhu un’wana ni un’wana wa vana va Israyele kumbe muluveri la luveleke exikarhi ka n’wina, loyi loko a hlota a khoma xivandzana kumbe nyenyana leswaku yi dyiwa, u fanele a halata ngati+ ya kona kutani a yi seletela hi misava.+ 14  Hikuva moya-xiviri wa nyama ya muxaka wun’wana ni wun’wana i ngati ya yona hi moya-xiviri lowu nga eka yona. Hikwalaho ndzi byele vana va Israyele ndzi ku: “Mi nga tshuki mi dya ngati ya muxaka wihi ni wihi wa nyama, hikuva moya-xiviri wa nyama ya muxaka wun’wana ni wun’wana i ngati+ ya yona. Mani na mani la yi dyaka u ta dlayiwa.”+ 15  Loko ku ri moya-xiviri wun’wana ni wun’wana lowu dyaka ntsumbu kumbe nchumu wo karhi lowu handzuriweke hi xivandzana,+ hambi i munhu la tumbulukeke kwalaho kumbe i muluveri, wu fanele wu hlantswa tinguvu ta wona naswona wu hlamba hi mati, wu va lowu nga tengangiki ku fika nimadyambu;+ kutani wu ta va wu tengile. 16  Kambe loko wu nga ti hlantswi naswona wu nga yi hlambi nyama ya wona, wu fanele wu hlamula hikwalaho ka xihoxo+ xa wona.’”

Tinhlamuselo ta le hansi