Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Levhitika 14:1-57

14  Yehovha a ya emahlweni a byela Muxe a ku:  “Lowu wu ta va nawu wa munhu la nga ni nhlokonho,+ esikwini ro tiyisekisa ku tenga kakwe, loko a fanele ku tisiwa eka muprista.+  Muprista u ta huma a ya ehandle ka nxaxa, muprista u fanele a kambela; loko vuvabyi bya nhlokonho byi horile+ eka loyi a vabyaka hi nhlokonho,  muprista u ta humesa xileriso; yena u ta tibasisa hi ku teka tinyenyana+ timbirhi leti hanyaka, leti baseke ni mukedari+ ni nguvu+ ya ribungwana ni hisopa.+  Muprista u ta humesa xileriso kutani nyenyana yin’we yi ta dlayeriwa exibyeni xa vumba ematini+ lama khulukaka.  Loko ku ri nyenyana leyi hanyaka u ta yi teka ni mukedari ni nguvu ya ribungwana ni hisopa, u fanele a swi peta swin’we ni nyenyana leyi hanyaka engatini ya nyenyana leyi nga dlayeriwa ematini lama khulukaka.  Kutani u ta yi xuva+ ka nkombo+ eka loyi a tibasisaka nhlokonho naswona u ta n’wi vula la baseke,+ u fanele a tshika nyenyana leyi hanyaka yi ya enhoveni.+  “Kutani loyi a tibasisaka u ta hlantswa tinguvu+ takwe, a byevula misisi yakwe hinkwayo naswona a hlamba+ ematini, u ta va a basile, endzhaku ka sweswo a nga nghena enxaxeni. U fanele a tshama ehandle ka ntsonga wakwe masiku+ ya nkombo.  Kutani hi siku ra vunkombo u fanele a byevula misisi ya nhloko+ ya yena hinkwayo ni xilepfu ni tinxiyi. Ina, u fanele a byevula misisi yakwe hinkwayo, u ta hlantswa tinguvu takwe a hlamba nyama yakwe ematini; kutani u ta va a basile. 10  “Kutani hi siku ra vunhungu+ u ta teka makhuna mambirhi lamatsongo lama hanyeke kahle, ni xinyimpfana xa ntswele lexi hanyeke kahle,+ xi ri elembeni ra xona ro sungula ni mimpimo yinharhu ya vukhume bya mpimo wa efa ya mapa lamanene swi va gandzelo ra mavele+ leri tsakamisiweke hi mafurha ni mpimo wun’we wa logo wa mafurha;+ 11  muprista la vulaka leswaku u basile u ta nyikela munhu loyi la tibasisaka ni swilo leswi emahlweni ka Yehovha enyangweni ya ntsonga wa nhlangano. 12  Kutani muprista u ta teka khuna rin’we a ri humesa ri va gandzelo ra nandzu+ swin’we ni mpimo wa logo+ wa mafurha, u ta swi ndziwita swi va gandzelo leri ndziwitiwaka+ emahlweni ka Yehovha. 13  Kutani u fanele a tlhava khuna leritsongo endhawini+ leyi gandzelo ra xidyoho ni gandzelo ro hisiwa swi tlhaveriwaka eka yona nkarhi ni nkarhi, endhawini yo kwetsima,+ hikuva ku fana ni gandzelo ra xidyoho, gandzelo ra nandzu i ra muprista.+ I nchumu wo kwetsima ngopfu. 14  “Muprista u fanele a teka ngati yin’wana ya gandzelo ra nandzu, kutani muprista u ta yi tota emakumu ka ndleve ya xinene ya loyi a tibasisaka ni le khudzwini ra voko rakwe ra xinene ni le khudzwini ra nenge+ wakwe wa xinene. 15  Kutani muprista u ta teka mpimo wun’wana wa logo+ wa mafurha a wu chela exandleni xa muprista xa ximatsi. 16  Muprista u fanele a peta ritiho ra yena ra xinene emafurheni lama nga exandleni xakwe xa ximatsi kutani u fanele a xuva mafurha man’wana ka nkombo+ hi ritiho rakwe emahlweni ka Yehovha. 17  Kutani hi mafurha laman’wana hinkwawo, lama nga exandleni xakwe, muprista u ta tota man’wana emakumu ka ndleve ya xinene ya loyi a tibasisaka ni le khudzwini ra voko rakwe ra xinene ni le khudzwini ra nenge wakwe wa xinene, ehenhla ka ngati ya gandzelo ra nandzu.+ 18  Mafurha lama seleke lama nga exandleni xa muprista u ta ma chela enhlokweni ya loyi a tibasisaka, muprista u ta n’wi kombelela ku rivaleriwa+ emahlweni ka Yehovha. 19  “Kutani muprista u ta endla gandzelo ra xidyoho+ a kombela ku rivaleriwa ka loyi a tibasisaka hikwalaho ka ku pfumala ku tenga ka yena, endzhaku ka sweswo u ta tlhava gandzelo ro hisiwa. 20  Muprista u ta humesa gandzelo ro hisiwa ni gandzelo ra mavele+ ealitarini, kutani muprista+ u fanele a n’wi kombelela ku rivaleriwa;+ u ta va a basile.+ 21  “Kambe, loko a ri xisiwana+ a nga ri na swona,+ u fanele a teka khuna rin’we leritsongo ri va gandzelo ra nandzu ra gandzelo leri ndziwitiwaka leswaku a ta kombela ku rivaleriwa ni vukhume bya mpimo wa efa ya mapa lamanene lama tsakamisiweke hi mafurha ma va gandzelo ra mavele ni mpimo wa logo wa mafurha 22  ni magugurhwana+ mambirhi kumbe swituvana swimbirhi, hi ku ya hi leswi a nga na swona, xin’wana xi ta va gandzelo ra xidyoho lexin’wana xi va gandzelo ro hisiwa. 23  Hi siku+ ra vunhungu u fanele a swi tisa leswaku ku ta tiyisekisiwa ku tenga+ kakwe eka muprista enyangweni ya ntsonga wa nhlangano+ emahlweni ka Yehovha. 24  “Kutani muprista u fanele a teka khuna leritsongo ra gandzelo ra nandzu+ ni mpimo wa logo wa mafurha, muprista u ta swi ndziwita swi va gandzelo leri ndziwitiwaka emahlweni ka Yehovha.+ 25  Kutani u ta tlhava khuna ra gandzelo ra nandzu, muprista u ta teka ngati yin’wana ya gandzelo ra nandzu a yi tota emakumu ka ndleve ya xinene ya loyi a tibasisaka ni le khudzwini ra voko rakwe ra xinene ni le khudzwini ra nenge+ wakwe wa xinene. 26  Kutani muprista u fanele a chela mafurha man’wana exandleni xa ximatsi+ xa muprista. 27  Muprista u fanele a xuva+ mafurha man’wana lama nga exandleni xakwe xa ximatsi ka nkombo hi ritiho ra xinene emahlweni ka Yehovha. 28  Kutani muprista u fanele a tota mafurha man’wana lama nga exandleni emakumu ka ndleve ya xinene ya loyi a tibasisaka ni le khudzwini ra voko rakwe ra xinene ni le khudzwini ra nenge wakwe wa xinene, ehenhla ka ndhawu ya ngati ya gandzelo ra nandzu.+ 29  Mafurha lama seleke lama nga exandleni xa muprista u ta ma chela enhlokweni+ ya loyi a tibasisaka, leswaku a ta n’wi kombelela ku rivaleriwa emahlweni ka Yehovha. 30  “U fanele a nyikela rin’we ra magugurhwana kumbe xin’we xa swituvana leswi a nga kotaka+ ku swi kuma, 31  xin’we xa leswi a nga kotaka ku swi kuma leswaku swi va gandzelo ra xidyoho+ naswona lexin’wana xi va gandzelo ro hisiwa+ swin’we ni gandzelo ra mavele; kutani muprista u fanele a kombela ku rivaleriwa ka loyi a tibasisaka+ emahlweni ka Yehovha. 32  “Lowu i nawu eka loyi a a ri ni vuvabyi bya nhlokonho, loyi a nga va ka a nga ri na nchumu loko a tiyisekisa ku tenga kakwe.” 33  Yehovha a ya emahlweni a byela Muxe na Aroni a ku: 34  “Loko mi fika etikweni ra Kanana+ leri ndzi mi nyikaka ri va ndzhaka+ ya n’wina, kutani ndzi tisa vuvabyi bya nhlokonho endlwini ya tiko ra ndzhaka+ ya n’wina, 35  loyi yindlu yi nga ya yena u fanele a ta byela muprista a ku, ‘Ku humelele nchumu lowu fanaka ni vuvabyi endlwini.’ 36  Muprista u ta humesa swileriso, kutani va fanele va humesa hinkwaswo endlwini muprista a nga si fika a ta kambela vuvabyi, leswaku a nga vuli leswaku swilo hinkwaswo leswi nga endlwini a swi tenganga; endzhaku ka sweswo muprista u ta fika a ta vona yindlu. 37  Loko a vone vuvabyi, loko vuvabyi byi ri emakhumbini ya yindlu, ma ri ni mimbhovo ya rihlaza ra xitshopana kumbe yo tshwuka, naswona yi languteka yi ente ku tlula khumbi ra yindlu, 38  muprista u fanele a huma endlwini a ya enyangweni ya yindlu, kutani u fanele a tshika+ yindlu masiku ya nkombo. 39  “Muprista u fanele a tlhelela hi siku ra vunkombo kutani a kambela;+ loko vuvabyi byi hangalake ni makhumbi ya yindlu, 40  muprista u fanele a humesa swileriso, kutani va fanele va xokola+ maribye lama nga ni vuvabyi, va fanele va ma lahlela ehandle ka muti endhawini leyi nga basangiki. 41  Kutani u ta lerisa leswaku yindlu yi khwayiwa hinkwayo endzeni yi rhendzeriwa, va fanele va lahla vumba byo aka lebyi va byi khwayeke ehandle ka muti endhawini leyi nga basangiki. 42  Va fanele va teka maribye man’wana va ma veka ematshan’weni ya maribye yo sungula; kutani yena u ta endla leswaku ku tekiwa ndzhope wun’wana wo aka, u ta lerisa leswaku yindlu yi phamiwa. 43  “Hambiswiritano, loko vuvabyi byo tlhela byi va kona, byi humelela endlwini endzhaku ka loko ku xokoriwe maribye ni le ndzhaku ka loko ku khwayiwe yindlu yi tlhela yi phamiwa, 44  muprista+ u fanele a fika a ta kambela; loko vuvabyi byi hangalake ni yindlu, i nhlokonho+ leyi dlayaka endlwini leyi. A yi basanga. 45  U fanele a lerisa leswaku yindlu yi hirimuxiwa ni maribye ya yona ni timandzi ta yona ni vumba hinkwabyo bya yindlu byo aka, u fanele a lerisa leswaku swi rhwariwa swi yisiwa ehandle ka muti endhawini leyi nga basangiki.+ 46  Kambe mani na mani la nghenaka endlwini emasikwini wahi ni wahi ya ku tshikiwa+ ka yona yi ri yoxe u ta va la nga basangiki ku fika nimadyambu;+ 47  naswona mani na mani la etlelaka endlwini yoleyo u fanele a hlantswa tinguvu+ takwe, kutani mani na mani la dyelaka endlwini yoleyo u fanele a hlantswa tinguvu takwe. 48  “Kambe, loko muprista a fika a languta, kutani waswivo, vuvabyi byi nga hangalakanga endlwini endzhaku ka loko yindlu yi phamiwile, muprista u fanele a vula leswaku yindlu yoleyo yi basile, hikuva vuvabyi byi herile.+ 49  Leswaku a tengisa yindlu exidyohweni, u fanele a teka tinyenyana+ timbirhi ni mukedari+ ni nguvu+ ya ribungwana ni hisopa. 50  U fanele a dlaya nyenyana yin’we exibyeni xa vumba ematini+ lama khulukaka. 51  Kutani u fanele a teka mukedari ni hisopa+ ni nguvu ya ribungwana ni nyenyana leyi hanyaka a swi peta engatini ya nyenyana leyi dlayiweke ni le matini lama khulukaka, naswona u fanele a yi xuva+ etlhelo leri langutaneke ni yindlu ka nkombo.+ 52  U fanele a tengisa yindlu exidyohweni hi ngati ya nyenyana ni mati lama khulukaka ni nyenyana leyi hanyaka ni mukedari ni hisopa ni nguvu ya ribungwana. 53  Kutani u fanele a tshika nyenyana leyi hanyaka yi ya ehandle ka muti enhoveni, naswona u fanele a kombela leswaku yindlu yi rivaleriwa;+ yi ta va yi basile. 54  “Lowu i nawu malunghana ni vuvabyi bya nhlokonho+ ni ku tsuvuka misisi+ loku nga tolovelekangiki 55  ni nhlokonho ya nguvu+ ni le ndlwini 56  ni swirhumbana ni rikhwekhwe ni ndzhosi,+ 57  ku endlela leswaku ku nyikiwa xiletelo+ loko nchumu wo karhi wu nga basanga niloko nchumu wo karhi wu basile. Lowu i nawu malunghana ni nhlokonho.”+

Tinhlamuselo ta le hansi