Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Levhitika 12:1-8

12  Yehovha a ya emahlweni a byela Muxe a ku:  “‘Byela vana va Israyele u ku, ‘Loko wansati o tshuka a tika+ kutani a tswala n’wana waxinuna, u fanele a va la nga tengangiki masiku ya nkombo; ku fana ni masiku ya ku pfumala vutengi loko a ri ni switlhandla, u ta va la nga tengangiki.+  Kutani hi siku ra vunhungu nyama ya nsuvu wa n’wana yi ta yimbisiwa.+  U ta tshama engatini ya ku basisiwa ku ringana masiku ya 33 lama engetelekeke. A nga tshuki a khumba nchumu wihi ni wihi wo kwetsima naswona a nga tshuki a ta endhawini yo kwetsima ku fikela loko masiku ya ku basisiwa+ ma hetisekile.  “‘Kutani loko o tswala n’wana waxisati, u fanele a va la nga tengangiki masiku ya 14, ku fana ni le nkarhini wakwe wa switlhandla. U ta tshama engatini ya ku basisiwa ku ringana masiku ya 66 lama engetelekeke.  Kutani eku hetisekeni ka masiku ya ku basisiwa kakwe ya n’wana wa jaha kumbe wa nhwanyana, u ta tisa khuna leritsongo leri nga elembeni ra rona ro sungula ri va ra gandzelo ro hisiwa+ ni xituvana kumbe gugurhwana+ ri va ra gandzelo ra xidyoho, a ri tisa enyangweni ya ntsonga wa nhlangano eka muprista.  Yena u ta ri nyikela emahlweni ka Yehovha a n’wi kombelela ku rivaleriwa, u ta basa engatini+ yakwe leyi humaka. Lowu i nawu malunghana ni loyi a tswalaka waxinuna kumbe waxisati.  Kambe loko a nga swi koti ku humesa nyimpfu, u fanele a teka magugurhwana mambirhi kumbe swituvana+ swimbirhi, xin’we xi va xa gandzelo ro hisiwa lexin’wana xi va xa gandzelo ra xidyoho, muprista u fanele a n’wi kombelela ku rivaleriwa+ kutani u ta va a tengile.’”

Tinhlamuselo ta le hansi