Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Hosiya 9:1-17

9  “U nga tsaki, Wena Israyele.+ U nga tsaki ku fana ni vanhu van’wana.+ Hikuva u hambukile eka Xikwembu xa wena hikwalaho ka vumbhisa.+ U rhandze tinyiko ta ku thoriwa eswivuyeni hinkwaswo swa mavele.+  Xivuya ni xikamelo xa vhinyo a swi va wundli,+ loko ku ri vhinyo yo tsokombela yi n’wi khomisa tingana.+  A va nge yi emahlweni va tshama etikweni ra Yehovha,+ Efrayimi u fanele a tlhelela aEgipta,+ eAsiriya va ta dya leswi nga tengangiki.+  A va nge hambeti va chulula vhinyo eka Yehovha.+ Switlhavelo swa vona a swi nge n’wi tsakisi;+ eka vona swi fana ni xinkwa xa nkarhi wa ku rila;+ hinkwavo lava va xi dyaka va ta tinyamisa. Hikuva xinkwa xa vona i xa moya-xiviri wa vona; a xi nge ngheni endlwini ya Yehovha.+  Xana n’wina mi ta endla yini esikwini ra ku hlangana ni le sikwini ra nkhuvo wa Yehovha?+  Hikuva maswivo, va ta boheka ku famba hikwalaho ka ku phanga.+ Egipta u ta va hlengeleta va hlangana;+ loko ku ri Memfisi,+ u ta va celela. Loko ku ri swilo swa vona leswi navelekaka swa silivhere, swi ta tekiwa hi swigatlu;+ emintsongeni ya vona ku ta va ni swihlahla leswi nga ni mitwa.+  “Masiku ya ku nyikiwa nyingiso ma fanele ma fika;+ masiku ya hakelo leyi faneleke ma fanele ma fika.+ Vanhu va Israyele va ta swi tiva.+ Muprofeta u ta va xiphukuphuku,+ munhu wa marito lama huhuteriweke u ta pengisiwa hi ku tala ka swihoxo swa wena,+ ni vulala byi ta tala.”  Murindzi+ wa Efrayimi a a ri ni Xikwembu xanga.+ Loko ku ri muprofeta,+ etindleleni ta yena hinkwato ku ni xirimbana xa muphasi wa tinyenyana;+ ku ni vulala endlwini ya Xikwembu xa yena.  Va nghene hi nhloko eku tiseni ka ndzoviso,+ ku fana ni le masikwini ya Gibiya.+ U ta tsundzuka xihoxo xa vona;+ u ta nyikela nyingiso eswidyohweni swa vona. 10  “Israyele ndzi n’wi kume kukota madiriva emananga.+ Vatata wa n’wina ndzi va vone kukota kuwa ro rhanga enkuweni loko wu sungula.+ Vona va ye eka Bali wa Peyori,+ va tinyiketela eka nchumu lowu nyumisaka,+ kutani va nyenyetsa kukota nchumu lowu va wu rhandzaka.+ 11  Loko ku ri Efrayimi, ku vangama ka vona ku haha ku fana ni xivumbiwa lexi hahaka,+ lerova ku hava ku veleka, ku hava khwiri ni ku tika.+ 12  Hikuva, hambileswi va kurisaka vana va vona, mina ndzi ta va pfumata vana lerova ku nga vi na munhu;+ hikuva—khombo eka vona loko ndzi va fularhela!+ 13  Efrayimi, loyi ndzi n’wi voneke ku fana na Tiri lowu byariweke emadyelweni,+ Efrayimi na yena u ta humesa vana vakwe a va nyika mudlayi.”+ 14  Oho Yehovha, va nyike leswi u faneleke u va nyika swona.+ Va nyike mbeleko lowu onhakeriwaka hi khwiri+ ni mavele lama khwanyanaka. 15  “Vubihi bya vona hinkwabyo a byi ri eGiligala,+ hikuva kwalaho ndzi boheke ku va venga.+ Ndzi ta va hlongola endlwini ya mina,+ hikwalaho ka ku biha ka swiendlo swa vona. A ndzi nge hambeti ndzi va rhandza.+ Tihosana ta vona hinkwato ta sihalala.+ 16  Efrayimi u fanele a dlayiwa.+ Rimitsu ra vona ri fanele ri oma.+ A va nge humesi mbhandzu.+ Naswona, loko vo tshuka va veleka, ndzi ta dlaya swilo leswi navelekaka swa khwiri ra vona.”+ 17  Xikwembu xanga+ xi ta va bakanya, hikuva a va xi yingisanga,+ kutani va ta va vabaleki exikarhi ka matiko.+

Tinhlamuselo ta le hansi