Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Hosiya 6:1-11

6  “Tanani, a hi tlheleleni eka Yehovha,+ hikuva u hi handzulerile,+ kambe u ta hi tshungula.+ U tshamela ku hi ba, kambe u ta hi bohelela.+  U ta hi hanyisa endzhaku ka masiku mambirhi.+ Hi siku ra vunharhu u ta hi pfuxa, hi ta hanya emahlweni ka yena.+  Kutani hi ta tiva, hi ta lava ku tiva Yehovha.+ Ku huma ka yena ku tiyile+ kukota vurhonga.+ U ta ta eka hina ku fana ni mpfula leyi naka hi matimba;+ ku fana ni mpfula ya ximun’wana leyi yi tsakamisaka misava.”+  “Xana ndzi fanele ndzi ku endla yini, Wena Efrayimi? Xana ndzi fanele ndzi ku endla yini, Wena Yuda,+ loko musa wa n’wina wa rirhandzu wu fana ni mapapa ya nimixo, wu fana ni mberha leyi sukaka ka ha ri mpundzu?  Hi yona mhaka leyi ndzi nga ta va lovisa hi vaprofeta;+ ndzi ta va dlaya hi marito ya nomu wa mina.+ Ku avanyisiwa ka wena ku ta fana ni ku vonakala loko ku huma.+  Hikuva ndzi tsakele musa wa rirhandzu,+ ku nga ri xitlhavelo;+ ni ku tiva Xikwembu ku nga ri magandzelo yo hisiwa lama heleleke.+  Kambe vona, ku fana ni munhu wa la misaveni, va tlule ntwanano.+ Hi kona laha va ndzi xengeke kona.+  Giliyadi+ i muti wa lava va hanyaka hi leswo biha; mikondzo ya vona i ngati.+  Ku fana ni ku tumbeleriwa ka munhu,+ vanakulobye va vaprista i vuthu ra vaphangi.+ Etlhelo ka ndlela va dlaya hi vomu eXikeme,+ hikuva lexi va hambeteke va xi endla i ku tikhoma ko biha.+ 10  Endlwini ya Israyele ndzi vone nchumu lowu chavisaka.+ Eka yona ku ni vumbhisa bya Efrayimi.+ Israyele wu tinyamisile.+ 11  Ku tlula kwalaho, Wena Yuda, u vekeriwe ntshovelo, loko ndzi vuyisa vanhu va mina lava va nga evukhumbini.”+

Tinhlamuselo ta le hansi