Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Hosiya 5:1-15

5  “Yingisani leswi, N’wina vaprista,+ mi nyikela nyingiso, N’wina yindlu ya Israyele, na n’wina, N’wina yindlu ya hosi,+ rhiyani ndleve, hikuva vuavanyisi byi khumba n’wina; hikuva mi hundzuke xirimbana+ eka Mizpa ni rikoka leri andlariweke ehenhla ka Taboro.+  Lava va hambukaka va nghene hi nhloko eku dlayeni,+ mina a ndzi ri xikhongotelo eka vona hinkwavo.+  Mina hi ndzexe a ndzi n’wi tiva Efrayimi,+ Israyele a nga fihlekanga eka mina.+ Hikuva sweswi, Wena Efrayimi, u khome vavasati kukota tinghwavava;+ Israyele u tinyamisile.+  Ku tirhisana ka vona a ku va pfumeleli leswaku va tlhelela eka Xikwembu xa vona,+ hikuva ku ni moya wa vumbhisa+ exikarhi ka vona; naswona a va vanga na mhaka na Yehovha.+  Ku tinyungubyisa ka Israyele ku nyikele vumbhoni exikandzeni xa yena;+ Israyele na Efrayimi va ta khunguvanyeka exihoxweni xa vona.+ Yuda na yena u khunguvanyeke na vona.+  Va hambete va famba ni ntlhambi wa vona wa tinyimpfu ni ntlhambi wa vona wa tihomu, va lava Yehovha, kambe a va n’wi kumanga.+ U va siyile.  Va xenge Yehovha,+ hikuva va veleke vana lava va nga tiviwiki.+ Kutani n’hweti yin’we yi ta va lovisa ni swiphemu swa vona.+  “Yimbani nanga+ eGibiya,+ mhalamhala eRhama! Banani hungwe ra nyimpi eBeta-avheni+—endzhaku ka wena, Wena Benjamini!+  Wena Efrayimi, u ta va xihlamariso lexikulu esikwini ra ku tshinyiwa.+ Exikarhi ka tinyimba ta Israyele ndzi tivise marito yo tshembeka.+ 10  Tihosana ta Yuda ti fana ni lava va tlhentlhisaka ndzilakana.+ Ehenhla ka vona ndzi ta chululela ku hlundzuka ka mina ku fana ni mati. 11  Efrayimi u tshikileriwile, u pfotlosiwe hi vululami,+ hikuva u tiendlele xiboho xo landzelela xirha xakwe.+ 12  Mina a ndzi fana ni nsumba+ eka Efrayimi, ndzi fana ni ku bola endlwini ya Yuda. 13  “Efrayimi u vone ku vabya ka yena, na Yuda xilondza xakwe.+ Efrayimi u ye eAsiriya+ kutani a rhumela rito eka hosi leyikulu.+ Kambe yona a yi swi kotanga ku mi tshungula,+ yi tsandzekile ku mi hanyisa exilondzeni xa n’wina.+ 14  Hikuva ndzi ta kotisa xinghalana eka Efrayimi,+ ndzi kotisa xinghalana xa ntshiva endlwini ya Yuda. Mina, ndzi ta handzulela, ndzi famba ndzi ya teka, naswona a ku nge vi na mukutsuri.+ 15  Ndzi ta famba, ndzi ta tlhelela endhawini ya mina kukondza va byarha nandzu wa vona;+ kunene va ta lava xikandza xa mina.+ Va ta ndzi lava+ loko va ri enhlomulweni+ lowukulu.”

Tinhlamuselo ta le hansi