Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Hosiya 4:1-19

4  Twanani rito ra Yehovha, N’wina vana va Israyele, hikuva Yehovha u tenga nandzu ni vaaki va tiko,+ hikuva ku hava ntiyiso+ ni musa wa rirhandzu ni ku tiva Xikwembu etikweni.+  Ku ni ku twarisiwa ka mindzhukano+ ni ku hanya hi vuxisi+ ni ku dlaya hi vomu+ ni ku yiva+ ni vuoswi+ lebyi hangalakeke, kutani swiendlo swo halata ngati swi khumbe swiendlo swin’wana swo halata ngati.+  Hi yona mhaka leyi tiko ri nga ta rila+ naswona muaki un’wana ni un’wana loyi a nga eka rona u ta hela matimba ni xivandzana xa nhova ni xivumbiwa lexi hahaka xa matilo, hambi ku ri tinhlampfi ta le lwandle ti ta hlengeletiwa eku feni.+  “Hambiswiritano, ku nga tshuki ku va ni munhu la kanetaka,+ naswona munhu a nga tshuka a tshinya, tanihi leswi vanhu varikwenu va kotisaka lava va kanetaka muprista.+  Kunene u ta khunguvanyeka ninhlikanhi,+ hambi ku ri muprofeta u fanele ku khunguvanyeka na wena, ku fana ni nivusiku.+ Ndzi ta miyeta mana wa wena.+  Kunene vanhu va mina va ta miyetiwa, hikuva vutivi a byi kona.+ Hikuva wena u bakanye vutivi,+ na mina ndzi ta ku bakanya u nga ha vi muprista wa mina;+ naswona hikwalaho ka leswi u tshamelaka ku rivala nawu wa Xikwembu xa wena,+ mina ndzi ta rivala vana va wena.+  Hi ku ya hi vunyingi bya vona, va ndzi dyoherile hi ndlela yoleyo.+ Ku vangama ka mina va ku hundzule ku va tingana letikulu.+  Va tshamela ku dya xidyoho xa vanhu va mina, exihoxweni xa vona va tshamela ku tlakusa moya-xiviri wa vona.+  “Kutani leswi swi nga ta humelela evanhwini swi ta humelela ni le ka muprista;+ kunene ndzi ta endla leswaku va tihlamulela hikwalaho ka tindlela ta vona;+ ku tirhisana ka vona ndzi ta ku tlherisela eka vona.+ 10  Va ta dya, kambe a va nge xurhi.+ Va ta khoma vavasati kukota tinghwavava; kambe a va nge andzi,+ hikuva a va ha ri na mhaka na Yehovha.+ 11  Vumbhisa ni vhinyo ni vhinyo yo tsokombela hi swona leswi swi susaka miehleketo leyinene.+ 12  Vanhu va mina va tshamela ku vutisa+ xifaniso xa vona xa hava xa ntsandza,+ kutani nhonga ya vona yi tshamela ku va byela; hikuva moya wa vumbhisa wu va tsendzelekisile,+ naswona va suka ehansi ka Xikwembu+ xa vona hikwalaho ka vumbhisa. 13  Va endla xitlhavelo ehenhla ka tintshava,+ va mbulukisa xitlhavelo eswitsungeni,+ ehansi ka murhi wo anama ni murhi wa nsihani ni murhi lowukulu, hikuva ndzhuti wa kona i wunene.+ Hi yona mhaka leyi vana va n’wina va vanhwanyana va endlaka vumbhisa ni tinhlomi ta n’wina ti endlaka vuoswi. 14  “A ndzi nge endli leswaku vana va n’wina va vanhwanyana va tihlamulela hikwalaho ka leswi va endlaka vumbhisa, ni tinhlomi ta n’wina hikwalaho ka leswi ti endlaka vuoswi. Hikuva, loko ku ri vavanuna, va tihlanganisa ni tinghwavava,+ naswona va endla xitlhavelo swin’we ni tinghwavava ta xisati ta le tempeleni;+ kutani vanhu lava va nga twisisiki+ va ta kandziyeriwa. 15  Hambileswi u endlaka vumbhisa, Wena Israyele,+ kambe Yuda a nga vi na nandzu,+ naswona n’wina mi nga ti eGiligala,+ mi nga tlhandluki mi ya eBeta-avheni+ kumbe mi hlambanya mi ku, ‘Loko ntsena Yehovha a ha hanya!’+ 16  Hikuva Israyele u sihalarile, kukota homu yo sihalala.+ Xana sweswi Yehovha u ta va risa kukota khuna leritsongo endhawini leyi pfulekeke? 17  Efrayimi u hlangane ni swifaniso swa hava.+ N’wi tshikeni!+ 18  Leswi byala bya vona bya mavele byi heleke,+ kunene va khome wansati kukota nghwavava.+ Kunene lava va nga xitlhangu xa yena+ va rhandze tingana.+ 19  Mheho yi n’wi tsondzerile hi timpapa ta yona.+ Va ta khomiwa hi tingana hikwalaho ka switlhavelo swa vona.”+

Tinhlamuselo ta le hansi