Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Hosiya 2:1-23

2  “Byelani vamakwenu va xinuna mi ku, ‘Vanhu va mina,’+ ni vamakwenu va xisati mi ku, ‘Wena wansati la kombiweke tintswalo!’+  Tengani nandzu ni mana wa n’wina;+ tengani nandzu, hikuva a hi nsati wa mina+ naswona mina a ndzi nuna wa yena.+ U fanele a susa vumbhisa byakwe emahlweni ka yena ni swiendlo swakwe swa vuoswi exikarhi ka mavele ya yena,+  leswaku ndzi nga n’wi hluvuli a sala a nga ambalanga,+ ndzi n’wi endla a fana ni le sikwini ra ku velekiwa ka yena,+ ndzi n’wi endla a fana ni mananga,+ ndzi n’wi endla a fana ni tiko ro pfumala mati,+ ndzi n’wi dlaya hi torha.+  Vana va yena a ndzi nge va kombi tintswalo,+ hikuva i vana va vumbhisa.+  Hikuva mana wa vona u endle vumbhisa.+ Yena loyi a va tikeke u endle leswi nyumisaka,+ hikuva u te, ‘Ndzi lava ku landzelela lava va ndzi rhandzaka hi ku ndzi navela,+ lava va ndzi nyikaka xinkwa ni mati, voya bya mina ni ntsembyana wa mina, mafurha ya mina ni swakunwa swa mina.’+  “Hikokwalaho, waswivo, ndzi biyela ndlela ya wena hi mitwa; ndzi ta endla rirhangu ra maribye ku lwa na yena,+ lerova tindlela ta yena a nge ti kumi.+  Entiyisweni u ta hlongorisa lava va n’wi rhandzaka hi ku n’wi navela, kambe a nge va kumi;+ kunene u ta va lava, kambe a nge va kumi. Kutani u ta ku, ‘Ndzi lava ku famba ndzi tlhelela eka nuna wa mina,+ lowo sungula,+ hikuva a swi antswa enkarhini wolowo ku tlula sweswi.’+  Kambe yena a nga swi lemukanga+ leswaku hi mina loyi a n’wi nyikeke mavele+ ni vhinyo yo tsokombela ni mafurha, nileswaku ndzi n’wi andzisele silivhere, ni nsuku, leyi va yi tirhiseleke Bali.+  “‘Hikokwalaho ndzi ta tlhela, kunene ndzi ta teka mavele ya mina hi nkarhi wa wona ni vhinyo ya mina yo tsokombela hi nguva ya yona,+ kutani ndzi ta teka voya bya mina ni ntsembyana wa mina leswaku ndzi funengeta vuhava bya yena.+ 10  Sweswi ndzi ta funungula swirho swakwe swa le xihundleni ematihlweni ya lava va n’wi rhandzaka hi ku n’wi navela,+ a ku nge vi na munhu loyi a nga ta n’wi wutla evokweni ra mina.+ 11  Kunene ndzi ta herisa ku khana ka yena hinkwako,+ nkhuvo wa yena,+ ku thwasa ka n’weti wa yena+ ni savata ya yena ni nkarhi wun’wana ni wun’wana wa yena wa ntsako. 12  Ndzi ta herisa murhi wakwe wa vhinya+ ni nkuwa wakwe,+ leswi a vulavuleke ha swona a ku: “I nyiko ya mina, leyi ndzi yi nyikiweke hi lava va ndzi rhandzaka hi ku ndzi navela”; ndzi ta swi endla khwati,+ kunene swi ta dyiwa hi swivandzana swa nhova. 13  Ndzi ta endla leswaku a tihlamulela+ hi masiku ya swifaniso+ swa Bali leswi a a hamba a swi mbulukisela xitlhavelo,+ enkarhini lowu a a tshamela ku vehela xingwavila xakwe ni xin’wetsin’wetsi xakwe+ kutani a landzelela lava va n’wi rhandzaka hi ku n’wi navela,+ kambe mina u ndzi rivarile,’+ ku vula Yehovha. 14  “‘Hikokwalaho, waswivo, ndza n’wi hlula, ndzi ta n’wi yisa emananga,+ ndzi ta vulavula ni mbilu yakwe.+ 15  Ndzi ta n’wi nyika masimu yakwe ya vhinya ku sukela enkarhini wolowo ku ya emahlweni,+ ni rivala ra le hansi ra Akora+ ri va nyangwa ya ntshembo; kunene u ta hlamula kona kukota emasikwini ya vuntshwa byakwe+ ni kukota esikwini ra ku huma ka yena etikweni ra Egipta.+ 16  Kutani esikwini rero,’ ku vula Yehovha, ‘wena u ta ndzi vitana u ku, nuna Wanga, a wu nge he ndzi vitani u ku, n’wini Wanga.’+ 17  “‘Ndzi ta susa mavito ya swifaniso swa Bali enon’wini wa yena,+ a swi nge he tsundzukiwi hi vito ra swona.+ 18  Kunene ndzi ta swi endlela ntwanano esikwini rero malunghana ni xivandzana xa nhova+ ni xivumbiwa lexi hahaka xa matilo ni xilo lexi kokovaka xa misava, kutani vurha ni banga ni nyimpi ndzi ta swi herisa etikweni,+ ndzi ta va endla va etlela va sirhelelekile.+ 19  Ndzi ta ku teka u va wa mina hilaha ku nga riki na makumu,+ ndzi ta ku teka u va wa mina hi ku tshembeka ni hi vululami ni hi musa wa rirhandzu ni hi tintswalo.+ 20  Ndzi ta ku teka u va wa mina hi vutshembeki; kunene u ta tiva Yehovha.’+ 21  “‘Kutani esikwini rero ndzi ta angula,’ ku vula Yehovha, ‘ndzi ta angula matilo, loko ku ri wona ma ta angula misava;+ 22  loko ku ri misava, yi ta angula mavele+ ni vhinyo yo tsokombela ni mafurha; loko ku ri swona, swi ta angula Yizriyele [‘Xikwembu xi ta byala mbewu’].+ 23  Kunene ndzi ta n’wi byala kukota mbewu emisaveni,+ ndzi ta kombisa tintswalo eka loyi a nga kombiwangiki tintswalo,+ lava va nga riki vanhu va mina ndzi ta va byela ndzi ku: “N’wina mi vanhu+ va mina”; loko ku ri vona va ta ku: “Wena u Xikwembu xanga.”’”+

Tinhlamuselo ta le hansi