Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Hosiya 14:1-9

14  “Vuya, Wena Israyele, eka Yehovha Xikwembu+ xa wena, hikuva u khunguvanyekile exihoxweni xa wena.+  Teka marito u vuya eka Yehovha.+ Hinkwenu vulani eka yena mi ku, ‘Onge u nga rivalela xihoxo;+ u amukela leswinene, kutani hina hi ta nyikela swinkunzana swa milomu ya hina.+  Asiriya a wu nge hi ponisi.+ A hi nge ti gadi tihanci.+ A hi nge he vuli hi ku: “Oho Xikwembu xa hina,” entirhweni wa mavoko ya hina, hikuva hi wena la n’wi kombaka tintswalo n’wana la nga riki na tatana.’+  “Ku pfumala vutshembeki ka vona ndzi ta ku herisa.+ Ndzi ta va rhandza hi ku swi tsakela,+ hikuva ku hlundzuka ka mina ku sukile eka yena.+  Ndzi ta fana ni mberha eka Israyele.+ U ta rhumbuka kukota khon’wa, u ta dzima timitsu ta yena kukota Lebanoni.  Swirhabyana swa yena swi ta huma, ni xindzhuti xa yena xi ta fana ni murhi wa mutlhwari,+ nun’hwelo wa yena wu ta fana ni wa Lebanoni.  Va ta tlhela va tshama endzhutini wa yena.+ Va ta byala mavele, va ta hluka kukota murhi wa vhinya.+ Xitsundzuxo xa yena xi ta fana ni vhinyo ya le Lebanoni.  “Efrayimi u ta vula a ku, ‘Xana ndza ha ta endla yini hi swifaniso swa hava?’+ “Kunene mina ndzi ta hlamula, ndzi tshama ndzi langute yena.+ Mina ndzi fana ni murhi lowukulu wa yunipa.+ Eka mina ku fanele ku kumeka mihandzu ya n’wina.”  I mani la tlhariheke leswaku a twisisa swilo leswi?+ La nga ni ku twisisa, leswaku a swi tiva?+ Hikuva tindlela ta Yehovha i tinene,+ naswona lavo lulama hi vona lava va nga ta famba eka tona;+ kambe lava va tlulaka nawu va ta khunguvanyeka eka tona.+

Tinhlamuselo ta le hansi