Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Hosiya 13:1-16

13  “Loko Efrayimi a vulavula, ku ve ni ku chava; yena a a ri ni ntikelo eIsrayele.+ Kambe u ve ni nandzu malunghana na Bali+ kutani a fa.+  Sweswi va endla xidyoho xin’wana, va tiendlela xifaniso lexi n’okisiweke hi silivhere ya vona,+ swifaniso swa hava hi ku twisisa ka vona,+ leswi endliweke hi lava tivaka ntirho wa mavoko, hinkwaswo ka swona.+ Eka vona va ri, ‘Vanhu lava va endlaka xitlhavelo a va ntswontswe marhole.’+  Hikokwalaho va ta fana ni mapapa ya nimixo,+ va fana ni mberha leyi sukaka ka ha ri mpundzu; va fana ni mungu lowu biwaka hi xidzedze exivuyeni,+ va fana ni musi embhoveni ya lwangu.  “Kambe hi mina Yehovha Xikwembu xa wena ku suka etikweni ra Egipta,+ ku hava Xikwembu xin’wana lexi a wu xi tiva handle ka mina; naswona a ku nga ri na muponisi un’wana handle ka mina.+  Mina ndzi ku tivile emananga,+ etikweni ra ku hisa ka miri.+  Va enerisekile hi ku ya hi madyelo ya vona.+ Va enerisekile kutani mbilu ya vona yi tsaka.+ Hi yona mhaka leyi va ndzi rivaleke.+  Eka vona ndzi ta fana ni xinghalana.+ Ku fana ni yingwe hi ndlela leyi ndzi nga ta languta ha yona.+  Ndzi ta va hlasela ku fana ni bere leyi lahlekeriweke hi vana va yona,+ ndzi ta handzula xisirhelelo xa mbilu ya vona. Ndzi ta va lovisa kukota nghala;+ xivandzana xa nhova xi ta va handzulela.+  Kunene xi ta ku lovisa,+ Wena Israyele, hikuva a xi lwa na mina, a xi lwa ni mupfuni wa wena.+ 10  “Kutani, yi kwihi hosi ya wena, leswaku yi ku ponisa emitini ya wena hinkwayo,+ ni vaavanyisi va wena, lava u vuleke ha vona u ku, ‘Ndzi nyike hosi ni tihosana’?+ 11  Ndzi hambete ndzi ku nyika hosi ndzi hlundzukile,+ naswona ndzi ta yi susa hi vukarhi bya mina.+ 12  “Xihoxo xa Efrayimi xi tsondzeriwile, xidyoho xa yena xi hlayisiwile.+ 13  U ta khomiwa hi ku lun’wa ka ku veleka ka wansati la velekaka.+ I n’wana la nga tlharihangiki,+ hikuva hi nguva ya kona a nge yimi loko vana va huma embelekweni.+ 14  “Ndzi ta va kutsula evokweni ra Sheol;+ ndzi ta va kutsula eku feni.+ Mindzhombo ya wena yi kwihi, Wena Rifu?+ Ku kwihi ku lovisa ka wena, Wena Sheol?+ Ntsetselelo wu ta tumbela ematihlweni ya mina.+ 15  “Leswi a nga n’wana wa swimila swa tinhlanga, loko o tshuka a kombisa mihandzu,+ mheho ya le vuxeni, mheho ya Yehovha yi ta ta.+ Yi ta yi huma emananga, yi ta omisa xihlovo xa yena, yi endla leswaku xinambyana xa yena xi phya.+ Yena u ta phanga xuma xa swilo hinkwaswo leswi navelekaka.+ 16  “Samariya u ta voniwa nandzu,+ hikuva u xandzukela Xikwembu xa yena.+ Va ta wisiwa hi banga.+ Vana va vona va ta fayeteriwa,+ vavasati lava tikeke eka vona va ta handzuriwa makhwiri.”+

Tinhlamuselo ta le hansi