Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Hosiya 12:1-14

12  “Efrayimi u dya mheho+ naswona u landzelela mheho ya le vuxeni siku hinkwaro.+ U andzisa ku hemba ni ku phanga.+ Va endla ntwanano swin’we na Asiriya,+ mafurha ma tisiwa aEgipta.  “Yehovha u n’wi vona nandzu Yuda,+ naswona u endla leswaku Yakobe a tihlamulela hi ku ya hi tindlela ta yena;+ u ta n’wi tlherisela hi ku ya hi swiendlo swa yena.+  Ekhwirini u khome makwavo hi xirhendze,+ u lwe ni Xikwembu hi matimba yakwe lamakulu.+  U hambete a lwa ni ntsumi kutani a hlula hakatsongo-tsongo.+ U ririle, leswaku a tikombelela tintswalo.”+ Xi n’wi kume eBethele,+ kutani xi sungula ku vulavula na hina.+  Yehovha Xikwembu xa mavuthu,+ Yehovha i xitsundzuxo xa yena.+  “Loko ku ri wena, u fanele u tlhelela eka Xikwembu xa wena,+ u hlayisa musa wa rirhandzu+ ni vululami;+ u tshemba Xikwembu xa wena nkarhi hinkwawo.+  Loko ku ri n’wamabindzu, u tamele swikalo swa vuxisi;+ u rhandze ku dyelela.+  Efrayimi u tshamela ku vula a ku, ‘Hakunene, ndzi fuwile;+ ndzi tikumele swilo swa nkoka.+ Loko ku ri ku tirha hi matimba ka mina hinkwako, eka mina va nga ka va nga xi kumi xihoxo lexi xi nga xidyoho.’+  “Kambe hi mina Yehovha Xikwembu xa wena ku suka etikweni ra Egipta.+ Kambe ndzi ta ku tshamisa emintsongeni ku fana ni le masikwini ya nkarhi lowu vekiweke. 10  Ndzi vulavule ni vaprofeta,+ kutani ndzi andzise swivono, ndzi hambeta ndzi endla swifananiso hi voko ra vaprofeta.+ 11  “EGiliyadi ku endleke swa masalamusi,+ ni leswi swi nga riki ntiyiso.+ EGiligala va endle xitlhavelo hi tinkunzi.+ Ku tlula kwalaho, tialitari ta vona ti fana ni tinhulu ta maribye emigerhweni ya le nhoveni.+ 12  Yakobe u balekile a ya enhoveni ya Siriya,+ Israyele+ a ya emahlweni a tirhela ku kuma nsati,+ u rise tinyimpfu leswaku a kuma nsati.+ 13  Yehovha u humese Israyele aEgipta+ hi muprofeta, a rindziwa hi muprofeta.+ 14  Efrayimi u ve xikhunguvanyiso hi mbitsi,+ swiendlo swa yena swa ku halata ngati u swi siya ehenhla ka yena n’wini,+ N’wini wakwe Lonkulu u ta tlherisela ndzhukano wa yena.”+

Tinhlamuselo ta le hansi