Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Hosiya 11:1-12

11  “Loko Israyele a ha ri mufana, ndzi n’wi rhandzile,+ kutani ndzi vitane n’wana wa mina a huma aEgipta.+  “Va va vitanile.+ Hi ndlela yoleyo vona va suka emahlweni ka vona.+ Va endlele swifaniso swa Bali xitlhavelo,+ va mbulukisa xitlhavelo eswifanisweni leswi vatliweke.+  Loko ku ri mina, ndzi dyondzise Efrayimi ku famba,+ ndzi va khoma hi mavoko;+ kambe a va swi lemukanga leswaku ndzi va horisile.+  Ndzi hambeta ndzi va koka hi mapindza ya munhu wa la misaveni, hi tintambhu ta rirhandzu,+ lerova eka vona a ndzi fana ni loyi a susaka joko etinhlayeni ta vona,+ naswona un’wana ni un’wana ndzi n’wi tisela swakudya khwatsi.+  A nge tlheleli etikweni ra Egipta, kambe Asiriya u ta va hosi ya yena,+ hikuva va arile ku tlhela.+  Kunene banga ri ta ndzuluka-ndzuluka emitini ya yena,+ ri herisa swigogo+ swa yena kutani ri lovisa hikwalaho ka makungu ya vona.+  Vanhu va mina va voyamele eku pfumaleni ka vutshembeki eka mina.+ Va va vitanela eku tlakukeni; a nga kona ni un’we loyi a tlakukaka a yima.  “Xana ndzi nga ku tshikisa ku yini, Wena Efrayimi?+ Xana ndzi nga ku nyiketisa ku yini, Wena Israyele?+ Xana ndzi nga ku endla u fana na Adima hi ndlela yihi?+ Xana ndzi nga ku veka u fana na Seboyima hi ndlela yihi?+ Mbilu ya mina yi hundzukile endzeni ka mina;+ hi nkarhi lowu fanaka ntsetselelo wa mina wu pfurhile.  A ndzi nge ku kombisi ku hlundzuka ka mina lokukulu.+ A ndzi nge he n’wi lovisi Efrayimi,+ hikuva mina ndzi Xikwembu,+ a ndzi munhu, Mukwetsimi exikarhi ka wena;+ a ndzi nge chavi. 10  Va ta landzela Yehovha.+ U ta vomba kukota nghala;+ hikuva yena u ta vomba,+ kutani vana va ta ta va ri karhi va rhurhumela va huma evupela-dyambu.+ 11  Va ta huma aEgipta va rhurhumela ku fana ni nyenyana,+ va ta huma etikweni ra Asiriya+ ku fana ni tuva; kunene ndzi ta va tshamisisa etindlwini ta vona,” ku vula Yehovha.+ 12  “Efrayimi u ndzi rhendzerile hi ku hemba,+ yindlu ya Israyele yi ndzi rhendzerile hi vuxisi. Kambe Yuda wa ha famba-famba ni Xikwembu,+ naswona wa tshembeka eka La Kwetsimaka Ngopfu.”

Tinhlamuselo ta le hansi