Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Hosiya 1:1-11

1  Rito ra Yehovha+ leri fikeke eka Hosiya+ n’wana wa Beri emasikwini+ ya Uzhiya,+ Yohatama,+ Akazi+ na Hezekiya,+ tihosi ta Yuda, ni le masikwini ya Yerobuwamu+ n’wana wa Yowasi,+ hosi ya Israyele.  Yehovha u sungule ku vula rito ra yena hi Hosiya, Yehovha u byele Hosiya a ku: “Famba,+ u ya teka nsati wa vumbhisa ni vana va vumbhisa, hikuva tiko ri tshike ku landzela Yehovha hikwalaho ka vumbhisa.”+  Hiloko a famba a ya teka Gomere n’wana wa Diblayimi, kutani a tika, hi ku famba ka nkarhi a n’wi velekela n’wana wa jaha.+  Yehovha a ya emahlweni a n’wi byela a ku: “N’wi thye vito ra Yizriyele,+ hikuva ka ha sele nkarhinyana kutani ndzi fanele ndzi endla leswaku yindlu ya Yehu yi tihlamulela hi swiendlo swo halata ngati eYizriyele,+ ndzi fanele ndzi herisa vuhosi bya yindlu ya Israyele.+  Kutani esikwini rero ndzi ta tshova vurha+ bya Israyele erivaleni ra le hansi ra Yizriyele.”  Hiloko a tlhela a tika enkarhini wun’wana kutani a veleka n’wana wa nhwanyana. Yena a n’wi byela a ku: “N’wi thye vito ra Lo-ruhama,+ hikuva a ndzi nge he tlheli ndzi yi kombisa tintswalo+ yindlu ya Israyele, kunene ndzi ta va susa.+  Kambe yindlu ya Yuda ndzi ta yi komba tintswalo,+ ndzi ta va ponisa hi Yehovha Xikwembu xa vona;+ a ndzi nge va ponisi hi vurha kumbe hi banga kumbe hi nyimpi, hi tihanci kumbe hi vagadi va tihanci.”+  Hiloko a lumula Lo-ruhama, kutani a tika, a veleka n’wana wa jaha.  Kutani Yena a ku: “N’wi thye vito ra Lo-ami, hikuva n’wina a mi vanhu va mina, mina a ndzi nge vi wa n’wina. 10  “Nhlayo ya vana va Israyele yi fanele yi kotisa swiribyana swa sava ra lwandle leswi nga pimekiki ni leswi nga hlayekiki.+ Kutaku loko va ri endhawini leyi a va hamba va byeriwa, va ku, ‘N’wina a mi vanhu va mina,’+ va ta byeriwa, va ku, ‘N’wina mi vana va Xikwembu lexi hanyaka.’+ 11  Kunene vana va Yuda ni vana va Israyele va ta hlengeletana hi vun’we,+ kutani va tivekela murhangeri un’we, va tlhandluka va huma etikweni,+ hikuva siku ra Yizriyele ri ta va rikulu.+

Tinhlamuselo ta le hansi