Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Hagayi 2:1-23

2  Hi n’hweti ya vunkombo,+ esikwini ra vu-21 ra n’hweti, rito ra Yehovha ri fika hi Hagayi+ lowa muprofeta, ri ku:  “Ndzi kombela u byela Zerubabele+ n’wana wa Salatiyele,+ ndhuna-nkulu ya Yuda,+ na Yoxuwa+ n’wana wa Yohozadaki+ lowa muprista lonkulu, ni vanhu lava va seleke, u ku,  ‘I mani loyi a seleke exikarhi ka n’wina, loyi a voneke yindlu leyi eku vangameni ka yona ko sungula?+ Xana mi yi vonisa ku yini sweswi? Loko yi ringanisiwa ni liyani, xana a yi vonaki yi nga ri nchumu ematihlweni ya n’wina?’+  “‘Kambe vana ni matimba sweswi, Wena Zerubabele,’ ku vula Yehovha, ‘u va ni matimba,+ Wena Yoxuwa n’wana wa Yohozadaki lowa muprista lonkulu.’ “‘Vanani ni matimba, n’wina hinkwenu vanhu va tiko,’ ku vula Yehovha, ‘mi tirha.’+ “‘Hikuva ndzi na n’wina,’+ ku vula Yehovha wa mavuthu.  ‘Tsundzukani nchumu lowu ndzi wu boheke swin’we na n’wina loko mi huma aEgipta,+ loko moya wa mina+ wu yime exikarhi ka n’wina. Mi nga chavi.’”+  “Hikuva Yehovha wa mavuthu u te, ‘Kan’we ntsena—hi nkarhinyana+—ndzi ta ninginisa matilo ni misava ni lwandle ni misava leyi omeke.’+  “‘Ndzi ta ninginisa matiko hinkwawo, kutani swilo leswi navelekaka swa matiko hinkwawo swi fanele swi nghena;+ ndzi ta tata yindlu leyi hi ku vangama,’+ Yehovha wa mavuthu u vurile.  “‘Silivhere i ya mina, ni nsuku i wa mina,’+ ku vula Yehovha wa mavuthu.  “‘Ku vangama ka yindlu leyi ya le ndzhaku ku ta va kukulu ku tlula ka leyo sungula,’+ Yehovha wa mavuthu u vurile. “‘Endhawini leyi ndzi ta tisa ku rhula,’+ ku vula Yehovha wa mavuthu.” 10  Esikwini ra vu-24 ra n’hweti ya vukaye, hi lembe ra vumbirhi ra Dariyosi, rito ra Yehovha ri fika eka Hagayi+ lowa muprofeta, ri ku: 11  “Yehovha wa mavuthu u te, ‘Ndzi kombela, u vutisa vaprista malunghana ni nawu,+ u ku: 12  “Loko munhu a rhwala nyama yo kwetsima hi fasikoti ya nguvu yakwe, kutani hi fasikoti ya yena a khumba xinkwa kumbe xiculu kumbe vhinyo kumbe mafurha kumbe muxaka wihi ni wihi wa swakudya, xana yi ta va yi kwetsimile?”’”+ Vaprista va hlamula va ku: “E-e!” 13  Hagayi a ya emahlweni a ku: “Loko munhu la nga tengangiki hikwalaho ka moya-xiviri lowu feke a khumba xin’wana ni xin’wana xa swilo leswi, xana xi ta va lexi nga tengangiki?”+ Hiloko vaprista va hlamula va ku: “Xi ta va lexi nga tengangiki.” 14  Hikwalaho Hagayi a hlamula a ku: “‘Vanhu lava va tano, ni tiko leri ri tano emahlweni ka mina,’+ ku vula Yehovha, ‘ntirho hinkwawo wa mavoko ya vona wu tano, ni xin’wana ni xin’wana lexi va xi nyikelaka kona. A xi tenganga.’+ 15  “‘Kambe sweswi, ndzi kombela mi veka mbilu ya n’wina+ eka leswi ku sukela esikwini leri ku ya emahlweni, ku nga si vekiwa ribye ehenhla ka ribye rin’wana etempeleni ya Yehovha,+ 16  ku sukela enkarhini lowu swilo sweswo swi endlekeke ha wona—ku ni munhu la fikeke enhulwini ya mimpimo ya 20, kutani a kuma yi ri khume; ku ni munhu la teke ekhuwaneni ra le xikamelweni a ta ka mimpimo ya 50 ya vhinyo, kutani a kuma yi ri 20;+ 17  ndzi mi be hi dyandza+ ni mfurho+ ni xihangu,+ ni ntirho hinkwawo wa mavoko ya n’wina,+ naswona a ku nga ri na munhu eka n’wina loyi a a hundzukela eka mina,’+ ku vula Yehovha— 18  “‘Ndzi kombela mi veka mbilu ya n’wina+ eka leswi, ku sukela esikwini leri ku ya emahlweni, ku sukela esikwini ra vu-24 ra n’hweti ya vukaye, ku sukela esikwini leri masungulo ya tempele ya Yehovha ma vekiweke ha rona;+ vekani mbilu ya n’wina eka leswi: 19  Xana se yi kona mbewu emugodini wa mavele?+ Kutani ku fikela sweswi, murhi wa vhinya ni nkuwa ni murhi wa grenada ni mutlhwari—a wu tswalanga, a swi tano ke? Ku sukela esikwini leri ndzi humesa mikateko.’”+ 20  Kutani rito ra Yehovha ri fika ra vumbirhi eka Hagayi+ esikwini ra vu-24 ra n’hweti,+ ri ku: 21  “Byela Zerubabele ndhuna-nkulu ya Yuda,+ u ku, ‘Ndzi ninginisa matilo ni misava.+ 22  Kunene ndzi ta hlula xiluvelo xa mimfumo, ndzi herisa ntamu wa mimfumo ya matiko;+ ndzi ta hlula kalichi ni vagadi va yona, ni tihanci ni vagadi va tona, kunene va ta wela ehansi,+ un’wana ni un’wana hi banga ra makwavo.’”+ 23  “‘Esikwini rero,’ ku vula Yehovha wa mavuthu, ‘ndzi ta ku teka, Wena Zerubabele+ n’wana wa Salatiyele,+ nandza wa mina,’ ku vula Yehovha; ‘kunene ndzi ta ku veka u va xingwavila xa mfungho,+ hikuva hi wena loyi ndzi ku hlawuleke,’+ ku vula Yehovha wa mavuthu.”+

Tinhlamuselo ta le hansi