Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Hagayi 1:1-15

1  Elembeni ra vumbirhi ra Dariyosi lowa hosi,+ en’hwetini ya vutsevu, hi siku ro sungula ra n’hweti, rito ra Yehovha ri fike hi Hagayi+ eka Zerubabele+ n’wana wa Salatiyele,+ ndhuna-nkulu ya Yuda,+ ni le ka Yoxuwa+ n’wana wa Yohozadaki+ lowa muprista lonkulu, ri ku:  “Yehovha wa mavuthu+ u te, ‘Loko ku ri vanhu lava, va te: “Nkarhi a wu si fika, nkarhi wa leswaku yindlu ya Yehovha yi akiwa.”’”+  Rito ra Yehovha ri ya emahlweni ri fika hi Hagayi lowa muprofeta, ri ku:  “Xana i nkarhi wa leswaku n’wina mi tshama etindlwini ta mapulanga,+ kasi yindlu leyi yi onhakile?+  Kutani Yehovha wa mavuthu u te, ‘Vekani mbilu ya n’wina etindleleni ta n’wina.+  Mi byale mbewu yo tala, kambe mi tshovele leswitsongo.+ Ka dyiwa, kambe a ku xurhiwi.+ Ka nwiwa, kambe ku pyopyiwa a ku kona. Ku ambariwa tinguvu, kambe a nga kona loyi a kufumelaka; naswona loyi a vaka muthoriwa, u va muthoriwa wa nkwama lowu nga ni timbhovo.’”+  “Yehovha wa mavuthu u te, ‘Vekani mbilu ya n’wina etindleleni ta n’wina.’+  “‘Tlhandlukelani entshaveni, mi tisa timhandzi.+ Kutani mi aka yindlu,+ leswaku ndzi yi tsakela,+ nileswaku ndzi vangamisiwa,’+ Yehovha u vurile.”  “‘Ku ni swo tala leswi a swi laviwa, kambe ku kumeke leswitsongo ntsena;+ mi swi tise endlwini, kutani ndzi swi hunge hi moya+—hikwalaho ka yini?’+ ku vula Yehovha wa mavuthu. ‘Hikwalaho ka yindlu ya mina leyi yi nga rhumbi, kasi un’wana ni un’wana wa n’wina u tsutsumela endlwini yakwe.+ 10  Hikokwalaho matilo a ma yi humesanga mberha ya wona eka n’wina, ni misava a yi wu humesanga ntshovelo wa yona.+ 11  Ndzi hambeta ndzi vitana ku oma ehenhla ka misava, ni le henhla ka tintshava ni le henhla ka mavele, ni le henhla ka vhinyo leyintshwa,+ ni le henhla ka mafurha, ni le henhla ka leswi misava yi nga ta swi humesa, ni le henhla ka munhu wa la misaveni, ni le henhla ka xifuwo, ni le henhla ka ku tikarhata hinkwako ka mavoko.’”+ 12  Zerubabele+ n’wana wa Salatiyele na Yoxuwa n’wana wa Yohozadaki+ lowa muprista lonkulu, ni vanhu hinkwavo lava va seleke va sungula ku yingisa rito ra Yehovha Xikwembu xa vona,+ ni marito ya Hagayi+ lowa muprofeta, tanihi leswi Yehovha Xikwembu xa vona a a n’wi rhumile; kutani vanhu va sungula ku chava Yehovha.+ 13  Hagayi, murhumiwa+ wa Yehovha a byela vanhu hi ku landza ntirho lowu Yehovha+ a wu nyikeke murhumiwa, a ku: “‘Ndzi na n’wina,’+ ku vula Yehovha.” 14  Yehovha a ya emahlweni a pfuxa moya+ wa Zerubabele n’wana wa Salatiyele, ndhuna-nkulu ya Yuda, ni moya wa Yoxuwa+ n’wana wa Yohozadaki lowa muprista lonkulu, ni moya wa vanhu hinkwavo lava va seleke; kutani va sungula ku nghena, va endla ntirho endlwini ya Yehovha wa mavuthu, Xikwembu xa vona.+ 15  A ku ri esikwini ra vu-24 ra n’hweti ya vutsevu ya lembe ra vumbirhi ra Dariyosi+ lowa hosi.

Tinhlamuselo ta le hansi