Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Habakuku 3:1-19

3  Xikhongelo xa Habakuku lowa muprofeta, hi tinsimu ta xirilo:  Oho Yehovha, ndzi xi twile xiviko malunghana na wena.+ Oho Yehovha, ndzi wu chavile ntirho wa wena.+ Onge u nga wu endla wu hanya exikarhi ka malembe! Onge u nga wu tivisa exikarhi ka malembe. Enkarhini wa ku pfilunganyeka, onge u nga tsundzuka ku kombisa tintswalo.+  Xikwembu xi hambete xi fika xi huma eTemani, ni Mukwetsimi la humaka eNtshaveni ya Parani.+ Seʹlah.+ Xindzhuti xa xona xi funengete matilo;+ naswona misava yi tele ku dzuneka ka xona.+  Loko ku ri ku hatima ka xona, ku fana ni ku vonakala.+ A xi ri ni miseve yimbirhi leyi humaka evokweni ra xona, matimba ya xona a ma fihliwe kona.+  Ntungu wu hambete wu huma emahlweni ka xona,+ ni ku hisa lokukulu ka miri a ku huma emilengeni ya xona.+  Xi yime xi nga fambi, leswaku xi ninginisa misava.+ Xi langutile, kutani xi endla leswaku matiko ma tlula.+ Hiloko tintshava leti tshamaka hi masiku ti hirimuxiwa;+ switsunga leswi tshamaka hilaha ku nga heriki swi nkhinsama.+ Mafambelo ya khale swinene i ya xona.  Ndzi vone mintsonga ya Kuxani ehansi ka leswo biha. Malapi ya ntsonga wa tiko ra Midiyani+ ma sungula ku pewuka-pewuka.+  Oho Yehovha, xana ku le henhla ka milambu, xana ku hlundzuka ka wena lokukulu ku le henhla ka milambu,+ kumbe, xana ku kariha ka wena ku le henhla ka lwandle?+ Hikuva u gade tihanci ta wena;+ makalichi ya wena a ma ri ku ponisa.+  Vurha bya wena byi fununguriwile.+ Ku vuriwe swihlambanyo leswi tiyisiweke swa tinyimba.+ Seʹlah. U pandze misava hi milambu.+ 10  Tintshava ti ku vonile; ti va ni switlhavi leswikulu.+ Ku hundze ndhambi ya mati. Xidziva xa mati xi humese mpfumawulo wa xona.+ Xi tlakusele mavoko ya xona ehenhla. 11  Dyambu—n’weti—swi yimile swi nga fambi,+ evutshan’weni bya swona bya le henhla.+ Miseve ya wena yi hambete yi huma kukota ku vonakala.+ Rihati ra fumu ra wena a ri ri ku vangama.+ 12  A wu famba-famba emisaveni u ri ni xigwevo. A wu kandziyela matiko hi vukarhi.+ 13  U humile leswaku u ponisa vanhu va wena,+ leswaku u ponisa mutotiwa wa wena. U tshovelele murhangeri endlwini ya lowo homboloka.+ Masungulo ma fununguriwile, ku ya fika enhan’wini.+ Seʹlah. 14  Hi tinhonga ta yena u tlhave+ nhloko ya valwi vakwe va nyimpi loko va famba hi vukarhi leswaku va ndzi hangalasa.+ Ntsako wa vona lowukulu a wu fana ni wa lava va tiyimiseleke ku lovisa loyi a xanisekaka evutumbelweni.+ 15  U pyanye lwandle hi tihanci ta wena, nhulu leyikulu ya mati.+ 16  Ndzi yingisile, kutani khwiri ra mina ri sungula ku pfilunganyeka; milomu ya mina yi rhurhumerile loko ku twakala mpfumawulo; ku bola ku sungule ku nghena emarhambyini ya mina;+ ndzi pfilunganyekile exiyin’weni xa mina, leswaku ndzi rindzela siku ra maxangu ndzi rhulile,+ leswaku a ta exikarhi ka vanhu,+ a va hlasela hi xitshuketa. 17  Hambiloko nkuwa wu nga rhumbuki,+ ni mirhi ya vhinya yi nga humesi mihandzu; entiyisweni ntirho wa mutlhwari wu nga va vuhava, ni masimu ma nga humesi swakudya;+ ntlhambi wa tinyimpfu wu nga herisiwa etshangeni, naswona ntlhambi wa tihomu wu nga vi kona endhawini leyi biyeriweke;+ 18  Kambe loko ku ri mina, ndzi ta khana eka Yehovha;+ ndzi ta tsakela Xikwembu xa ku ponisiwa ka mina.+ 19  Yehovha, Hosi leyi Lawulaka, i ntamu wa mina lowukulu;+ u ta endla milenge ya mina yi fana ni ya timbavala,+ naswona u ta ndzi endla ndzi famba etindhawini ta mina leti tlakukeke.+ Eka mufambisi wa swichayachayana swa mina swa switende.

Tinhlamuselo ta le hansi