Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Habakuku 2:1-20

2  Ndzi ta tshama ndzi yimile+ exivandleni xa mina xa ku rindza, ndzi ta tshama ndzi yime ekhokholweni; ndzi ta tshama ndzi rindzile,+ leswaku ndzi vona leswi a nga ta swi vula ha mina,+ ni leswi ndzi nga ta angula swona loko ndzi tshinyiwa.+  Yehovha a ya emahlweni a ndzi hlamula a ku: “Xi tsale ehansi xivono lexi, u xi andlala kahle eswiphepherheleni,+ leswaku loyi a xi hlayelaka ehenhla a hlaya hi ku olova.+  Hikuva xivono xa ha ri xa nkarhi lowu vekiweke,+ naswona xi hatlisela emakumu, a xi nge hembi. Hambiloko xo hlwela, tshama u xi languterile; hikuva xi ta hetiseka hakunene.+ A xi nge hlweli.  “Waswivo! Moya-xiviri wa yena wu talelanile;+ a wu nga lulamanga endzeni ka yena. Kambe loyi a lulameke, u ta hambeta a hanya hikwalaho ka vutshembeki byakwe.+  Hakunene, leswi vhinyo yi nga ni vuxengi,+ munhu la tiyeke emirini wa tikukumuxa;+ a nge yi fikeleli pakani yakwe,+ loyi a pfuleke moya-xiviri wakwe ku fana ni Sheol, ni loyi a fanaka ni rifu naswona a nga eneriseki.+ U tshamela ku tihlengeletela matiko hinkwawo, a tihlengeletela vanhu hinkwavo.+  Xana vanhu lava, hinkwavo ka vona, a va nge n’wi hlekuli+ ni ku n’wi vungunya, va n’wi lumbeta? Kutani munhu u ta ku, “‘Khombo eka loyi a andzisaka leswi nga riki swa yena+—ku fikela rini!+—loyi a endlaka xikweleti xakwe xi va xikulu!  Xana lava va lavaka ntswalo eka wena a va nge suki va yima hi xitshuketa, kutani ku pfuka lava va ku hlakahlaka hi matimba, kunene u va nchumu wo phangiwa eka vona?+  Hikuva wena u phangele matiko yo tala, hinkwavo lava seleke exikarhi ka vanhu va ta ku phangela,+ hikwalaho ka ku halatiwa ka ngati ya vanhu ni madzolonga emisaveni, muti ni lava va tshamaka eka wona.+  “‘Khombo eka loyi a endlaka mpindzulo wo biha wa yindlu yakwe,+ leswaku a veka xisaka xakwe laha ku tlakukeke, leswaku a kutsuriwa a nga kumiwi hi khombo!+ 10  Yindlu ya wena u yi bohele makungu lama nyumisaka, ku dlayiwa ka vanhu vo tala;+ moya-xiviri wa wena wa dyoha.+ 11  Hikuva ribye ri ta rila hi mbitsi ekhumbini, kutani mhandzi ya lwangu yi ta ri hlamula yi ri eka nchumu lowu endliweke hi ntsandza.+ 12  “‘Khombo eka loyi a akaka muti hi ku halata ngati, loyi a simekeke muti wu tiya hi leswi nga lulamangiki!+ 13  Waswivo! Xana a swi humi eka Yehovha wa mavuthu leswaku vanhu va tirhela ndzilo ntsena, nileswaku vanhu va karhalela swa hava ntsena?+ 14  Hikuva misava yi ta tala ku tiva ku vangama ka Yehovha hilaha mati ma funengetaka lwandle hakona.+ 15  “‘Khombo eka loyi a nyikaka vanakulobye swakunwa, a swi hlanganisa ni vukarhi ni ku hlundzuka ka wena, leswaku a va dakwisa,+ hi xikongomelo xo vona swirho swa vona swa tingana.+ 16  Kunene u ta xurha tingana ematshan’weni ya ku vangama.+ Nwana na wena+ kutani u tekiwa u ri la nga yimbangiki.+ Xinwelo xa voko ra xinene ra Yehovha xi ta fika eka wena,+ naswona ku vangamisiwa ka wena ku ta nyumisa; 17  hikuva u ta funengetiwa hi madzolonga lama endliweke eLebanoni,+ ni ku leva ka swivandzana leswi swi va chavisaka, hikwalaho ka ku halatiwa ka ngati ya vanhu ni madzolonga lama endliwaka emisaveni,+ muti ni hinkwavo lava va tshamaka eka wona.+ 18  Xana xifaniso lexi vatliweke xi pfune ha yini,+ loko muendli wa xona a xi vatlile, xifaniso lexi n’okisiweke, ni loyi a letelaka mavunwa?+ loko muendli wa xivumbeko xa xona a xi tshembile,+ lerova a endla swikwembu leswi nga pfuniki nchumu, leswi swi nga vulavuriki?+ 19  “‘Khombo eka loyi a byelaka ntsandza a ku: “Pfuka,” eka ribye leri nga mbheveve a ku: “Pfuka! Rona ri ta nyika xiletelo”!+ Waswivo! Ri funengetiwe hi nsuku ni silivhere,+ naswona ku hefemula a ku kona endzeni ka rona.+ 20  Kambe Yehovha u le tempeleni yakwe yo kwetsima.+ Miyela emahlweni ka yena, wena misava hinkwayo!’”+

Tinhlamuselo ta le hansi