Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Genesa 7:1-24

7  Endzhaku ka sweswo Yehovha a ku eka Nowa: “Nghena engalaveni, wena ni hinkwavo vandyangu+ wa wena, hikuva eka xitukulwana+ lexi, ndzi vone wena u lulamile emahlweni ka mina.  Eka xiharhi xin’wana ni xin’wana lexi tengeke u ta teka nkombo-nkombo, nkombo swa matsune na nkombo swa nkati;+ eka xiharhi xin’wana ni xin’wana lexi nga tengangiki u ta teka swimbirhi ntsena, xa matsune ni xa nkati;  nakambe eka swivumbiwa leswi hahaka swa matilo u teka nkombo-nkombo, nkombo wa minkuku na nkombo wa mimbhaha,+ leswaku u londzovota vana va swona va hanya ehenhla ka vuandlalo bya misava+ hinkwayo.  Hikuva emasikwini ya nkombo lama taka ndzi ta nisa mpfula+ ehenhla ka misava ku ringana masiku ya 40 ni vusiku+ bya 40; kutani ndzi ta herisa xilo xin’wana ni xin’wana lexi nga kona lexi ndzi xi endleke ehenhla ka vuandlalo bya misava.”+  Hiloko Nowa a endla hinkwaswo hilaha Yehovha a n’wi leriseke hakona.  Nowa a a ri ni malembe ya 600 hi vukhale loko ku va ni ndhambi ya mati emisaveni.+  Kutani Nowa a nghena engalaveni ni vana vakwe ni nsati wakwe ni vasati va vana vakwe, va nghena na yena mati ya ndhambi+ ma nga si fika.  Eka xiharhi xin’wana ni xin’wana lexi baseke ni le ka xiharhi xin’wana ni xin’wana lexi nga basangiki ni le ka swivumbiwa leswi hahaka ni hinkwaswo leswi famba-fambaka ehenhla ka misava,+  swi nghena haswimbirhi-mbirhi endzeni ka ngalava, eka Nowa, xa xinuna ni xa xisati, hilaha Xikwembu xi leriseke Nowa hakona. 10  Endzhaku ka masiku ya nkombo, mati ya ndhambi ma na ehenhla ka misava. 11  Elembeni ra vu-600 ra ku hanya ka Nowa, en’hwetini ya vumbirhi, hi siku ra vu-17 ra n’hweti, esikwini rero swihlovo hinkwaswo swa xidziva lexikulu xa mati swi boxeka swi pfuleka, kutani tinyangwa ta ndhambi ya matilo ti pfuleka.+ 12  Maboboma ya mpfula ma chululekela ehenhla ka misava, masiku ya 40 ni vusiku+ bya 40. 13  Hi siku rero, Nowa a nghena engalaveni+ na Xeme na Hamu na Yafeta, vana+ va Nowa, ni nsati wa Nowa ni vasati vanharhu va vana vakwe, va nghena na yena; 14  vona ni xivandzana xin’wana ni xin’wana hi ku ya hi muxaka+ wa xona, ni xifuwo xin’wana ni xin’wana hi ku ya hi muxaka wa xona, ni xiharhi xin’wana ni xin’wana lexi kokovaka ehenhla ka misava hi ku ya hi muxaka+ wa xona, ni xivumbiwa xin’wana ni xin’wana lexi hahaka hi ku ya hi muxaka+ wa xona, nyenyana yin’wana ni yin’wana ni xivumbiwa+ xin’wana ni xin’wana lexi nga ni timpiko. 15  Kutani swi ya haswimbirhi-mbirhi eka Nowa, endzeni ka ngalava, swa mixaka hinkwayo ya nyama leyi a yi ri ni matimba ya vutomi+ eka yona. 16  Kutani leswi nghenaka, swi nghena ku ri xa xinuna ni xa xisati xa muxaka wun’wana ni wun’wana wa nyama, hilaha Xikwembu xi n’wi leriseke hakona. Endzhaku ka sweswo Yehovha a n’wi pfalela nyangwa.+ 17  Ndhambi yi va kona masiku ya 40 ehenhla ka misava, naswona mati ma ya ma engeteleka, ma sungula ku tlakula ngalava kutani yi papama ehenhla ka misava. 18  Mati ma ya ma tala ngopfu kutani ma engeteleka swinene ehenhla ka misava, kambe ngalava yi famba ehenhla ka vuandlalo bya mati.+ 19  Mati ma funengeta misava swinene lerova tintshava hinkwato to leha leti a ti ri ehansi ka matilo hinkwawo ti funengetiwa.+ 20  Mati ma ti hundza hi swisungunu swa 15, kutani tintshava ti funengetiwa.+ 21  Hikwalaho nyama hinkwayo leyi a yi hanya emi-saveni yi lova,+ swivumbiwa leswi hahaka ni swifuwo ni swivandzana ni mintlhambi hinkwayo leyi a yi famba swin’we emisaveni ni vanhu+ hinkwavo. 22  Hinkwaswo leswi a swi ri ni ku hefemula ka matimba ya vutomi etinhompfini ta swona, ku nga hinkwaswo leswi a swi ri emisaveni, swi fa.+ 23  Kutani a herisa xilo xin’wana ni xin’wana lexi a xi ri kona ehenhla ka vuandlalo bya misava, ku sukela eka munhu ku ya eka xiharhi, ni swiharhi leswi famba-fambaka ni swivumbiwa leswi hahaka swa matilo, swi herisiwile emisaveni;+ ku lo pona+ Nowa ntsena ni lava a va ri na yena engalaveni. 24  Mati ma ya emahlweni ma funengeta misava masiku ya 150.

Tinhlamuselo ta le hansi