Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Genesa 48:1-22

48  Endzhaku ka swilo leswi Yosefa a byeriwa leswi: “Waswivo, tata wa wena u sungula ku tsana.” Hiloko a teka vana va yena vambirhi Manase na Efrayimi.+  Kutani Yakobe a vikeriwa, va ku: “N’wana wa wena Yosefa hi loyi u tile eka wena.” Hikwalaho Israyele a tirhisa ntamu wakwe a pfuka a tshama esangwini rakwe.  Yakobe a ku eka Yosefa: “Xikwembu xa Matimba Hinkwawo xi humelele eka mi-na eLuzi+ etikweni ra Kanana leswaku xi ndzi katekisa.+  Kutani  xi ku eka mina, ‘Waswivo, ndzi endla leswaku u tswala,+ naswona ndzi ta ku andzisa ndzi ku hundzula nhlengeletano ya vanhu,+ mbewu ya wena leyi nga ta ta endzhaku ka wena ndzi ta yi nyika tiko leri leswaku ri va ra yona hilaha ku nga riki na makumu.’+  Sweswi vana va wena vambirhi lava u nga velekeriwa vona etikweni ra Egipta, ndzi nga si ta eka wena aEgipta i va mina.+ Efrayimi na Manase va ta va va mina ku fana na Ruveni na Simiyoni.+  Kambe rixaka ra wena leri u nga ta va tatana endzhaku ka vona ri ta va ra wena. Va ta vitaniwa hi vito ra vamakwavo endzhakeni+ ya vona.  Loko ku ri mina, Rahele u fele+ etlhelo ka mina endleleni etikweni ra Kanana loko ndzi ta ndzi huma ePadani,+ a ka ha ri mpfhuka wo leha ku ya fika etikweni ra Efurata,+ lerova ndzi n’wi lahla kwalaho endleleni leyi yaka aEfurata, leswi vulaka Betlehema.”+  Kutani Israyele a vona vana va Yosefa a ku: “Xana i vamani lava?”+  Hikwalaho Yosefa a ku eka tata wakwe: “I vana va mina lava Xikwembu xi nga ndzi nyika vona endhawini+ leyi.” Hiloko a ku: “Ndzi kombela u va tisa eka mina leswaku ndzi ta va katekisa.”+ 10  Sweswi mahlo ya Israyele a ma nga ha voni kahle hikwalaho ka vudyuhari.+ A a nga ha voni. Hikwalaho a va tisa ekusuhi na yena kutani a va ntswontswa a tlhela a va angarha.+ 11  Israyele a ya emahlweni a ku eka Yosefa: “A ndzi nga anakanyi leswaku ndzi ta vona xikandza+ xa wena, kambe sweswi Xikwembu xi ndzi pfumelele ku vona ni vana va wena.” 12  Endzhaku ka sweswo Yosefa a va susa ematsolweni ya yena, kutani a nkhinsama xikandza xakwe xi langute emisaveni.+ 13  Sweswi Yosefa a va teka havambirhi, Efrayimi hi voko rakwe ra xinene a n’wi yisa evokweni ra ximatsi+ ra Israyele, na Manase hi voko rakwe ra ximatsi a n’wi yisa evokweni ra xinene+ ra Israyele, a va tshineta ekusuhi na yena. 14  Kambe, Israyele a tshambuluta voko ra xinene a ri veka enhlokweni+ ya Efrayimi, hambileswi a a ri ntsongo,+ kutani voko rakwe ra ximatsi a ri veka enhlokweni+ ya Manase. U veke mavoko yakwe hi ndlela leyi hi xikongomelo, tanihi leswi Manase a a ri mativula.+ 15  Kutani a katekisa Yosefa a ku:+ “Xikwembu xa ntiyiso lexi vatatana Abrahama na Isaka va fambeke+ emahlweni ka xona, Xikwembu xa ntiyiso lexi a xi ndzi risa nkarhi hinkwawo wa vukona bya mina ku ta fikela esikwini+ leri, 16  Ntsumi leyi a yi ndzi ponisa emakhombyeni+ hinkwawo, a yi katekise vafana+ lava. Vito ra mina a ri vitaniwe ehenhla ka vona ni vito ra vatatana, Abrahama na Isaka,+ A va engeteleke va tala exikarhi ka misava.”+ 17  Loko Yosefa a vona leswaku tata wakwe a a hambeta a veka voko ra yena ra xinene enhlokweni ya Efrayimi, a swi n’wi tsakisanga,+ kutani a ringeta ku khoma voko ra tata wa yena a ri susa enhlokweni ya Efrayimi a ri veka enhlokweni+ ya Manase. 18  Hikwalaho Yosefa a ku eka tata wa yena: “A swi tano tatana, hikuva la nga mativula+ hi loyi. Veka voko ra wena ra xinene enhlokweni ya yena.” 19  Kambe tata wakwe a hambeta a ala a ku: “Ndza swi tiva n’wananga, ndza swi tiva. Na yena u ta va tiko, na yena u ta va lonkulu.+ Kambe, hilaha ku fanaka makwavo lontsongo u ta va lonkulu ku n’wi tlula,+ naswona vana va yena va ta tala ku fana ni matiko.”+ 20  A ya emahlweni a va katekisa esikwini rero,+ a ku: “Israyele a a twarise nkateko hi ku phindha-phindha ha n’wina a ku, ‘Onge Xikwembu xi nga mi endla mi fana na Efrayimi na Manase.’”+ Kutani a hambeta a veka Efrayimi emahlweni ka Manase.+ 21  Endzhaku ka sweswo Israyele a ku eka Yosefa: “Waswivo, ndza fa,+ kambe Xikwembu xi ta hambeta xi va na n’wina xi mi tlherisela etikweni ra vatata+ wa n’wina. 22  Loko ku ri mina, ndzi ku nyika xiphemu xa ndhawu ya tiko ku tlula vamakwenu,+ lexi ndzi xi tekeke evokweni ra Vaamori hi banga ra mina ni vurha bya mina.”

Tinhlamuselo ta le hansi