Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Genesa 46:1-34

46  Hikwalaho Israyele ni hinkwavo lava a va ri va yena va suka va ya eBera-xeba,+ kutani a humesela Xikwembu xa tata wakwe Isaka+ switlhavelo.  Hiloko Xikwembu xi vulavula na Israyele eswivonweni swa vusiku, xi ku:+ “Yakobe, Yakobe,” yena a ku: “Hi mina+ loyi!”  Xi ya emahlweni xi ku: “Ndzi Xikwembu xa ntiyiso,+ Xikwembu xa tata wa wena.+ U nga chavi ku rhelela aEgipta, hikuva ndzi ta ku endla tiko lerikulu kwalaho.+  Mina ndzi ta rhelela na wena aEgipta naswona ndzi ta ku fikisa kona hakunene;+ Yosefa u ta veka voko ra yena ematihlweni+ ya wena.”  Endzhaku ka sweswo Yakobe a suka eBera-xeba, kutani vana va Israyele va rhwala Yakobe tata wa vona ni vana va vona lavatsongo ni vasati va vona etigolonyini leti Faro a ti rhumeleke leswaku ti ta n’wi rhwala.+  Ku tlula kwalaho, va famba ni mintlhambi ya vona ni nhundzu ya vona leyi va yi hlengeleteke etikweni ra Kanana.+ Eku heteleleni va fika aEgipta, Yakobe ni vana va yena hinkwavo.  U te ni vana va yena ni vana va vana vakwe, ni vana vakwe va vanhwanyana ni vana va vana vakwe va vanhwanyana, ni vatukulu vakwe hinkwavo, u te na vona aEgipta.+  Mavito ya vana va Israyele lava va teke aEgipta+ hi lawa: Yakobe ni vana vakwe: Mativula ya Yakobe a ku ri Ruveni.+  Vana va Ruveni a ku ri Hanoko na Palu na Hezroni na Karimi.+ 10  Vana va Simiyoni+ a ku ri Yemuwele na Yamini na Ohadi na Yakini+ na Sohari na Xawulo+ n’wana wa wansati wa Mukanana. 11  Vana va Levhi+ a ku ri Gerixoni+ na Kohata+ na Merari.+ 12  Vana va Yuda+ a ku ri Ere+ na Onani+ na Xela+ na Faresi+ na Zara.+ Kambe, Ere na Onani va fele etikweni ra Kanana.+ Vana va Faresi a ku ri Hezroni+ na Hamula.+ 13  Vana va Isakara+ a ku ri Tola+ na Puvha+ na Ayobo na Ximroni.+ 14  Vana va Zebuloni+ a ku ri Seredi na Elone na Yahaliyele.+ 15  Lava i vana va Leya+ lava a nga va tswalela Yakobe ePadani-aramu, swin’we na Dina+ n’wana wakwe wa nhwanyana. Hinkwayo mimoya-xiviri ya vana vakwe va majaha ni va vanhwanyana a yi ri 33. 16  Vana va Gadi+ a ku ri Zifiyoni na Hagi, Xuni na Eziboni,  Eri na Arodi na Areli.+ 17  Vana va Axere+ a ku ri Imina, Ixivha, Ixivhi na Beriya,+ naswona a ku ri na Sera makwavo wa xisati. Vana va Beriya a ku ri Hevere na Malikiyele.+ 18  Lava i vana va Zilpa,+ loyi Labani a nga n’wi nyika n’wana wakwe Leya. Hi ku famba ka nkarhi a tswalela Yakobe vana lava: mimoya-xiviri ya 16. 19  Vana va Rahele+ nsati wa Yakobe a ku ri Yosefa+ na Benjamini.+ 20  Kutani Yosefa a velekeriwa Manase+ na Efrayimi+ etikweni ra Egipta, lava Asenati+ n’wana wa Potifera muprista wa le Oni a nga n’wi tswalela vona. 21  Vana va Benjamini a ku ri Bela+ na Bekere+ na Axabela, Gera+ na Namani,+ Ehi na Roxa, Mupimi+ na Hupimi+ na Aridi. 22  Lava i vana va Rahele lava nga velekeriwa Yakobe. Mimoya-xiviri hinkwayo a yi ri 14. 23  Vana va Dani+ a ku ri Huximu.+ 24  Vana va Neftali+ a ku ri Yahazili na Guni+ na Yezere na Xalemi.+ 25  Lava i vana va Biliha,+ loyi Labani a nga n’wi nyika Rahele n’wana wa yena. Hi ku famba ka nkarhi u tswalele Yakobe vana lava; mimoya-xiviri hinkwayo a yi ri nkombo. 26  Mimoya-xiviri hinkwayo leyi teke na Yakobe aEgipta a yi ri leyi humeke emasengeni+ yakwe, ku nga hlayiwi vasati va vana va Yakobe. Mimoya-xiviri hinkwayo a yi ri 66. 27  Vana va Yosefa lava a nga velekeriwa vona aEgipta a yi ri mimoya-xiviri yimbirhi. Mimoya-xiviri hinkwayo ya yindlu ya Yakobe leyi teke aEgipta a yi ri 70.+ 28  Kutani a rhumela Yuda+ eka Yosefa eGoxeni emahlweni kakwe leswaku a hundzisela rungula emahlweni kakwe. Endzhaku ka sweswo va fika etikweni ra Goxeni.+ 29  Kutani Yosefa a lunghisa kalichi ya yena a tlhandluka a ya hlangana na Israyele tata wakwe eGoxeni.+ Loko a humelela eka yena xikan’we-kan’we a wela enhan’wini ya yena, a rilela enhan’wini yakwe hi ku phindha-phindha.+ 30  Eku heteleleni Israyele a ku eka Yosefa: “Sweswi ndzi swi lunghekerile ku fa,+ leswi ndzi voneke xikandza xa wena, tanihi leswi wa ha hanyaka.” 31  Kutani Yosefa a byela vamakwavo ni vandyangu wa tata wakwe a ku: “Ndza ha tlhandluka ndzi ya vikela Faro ndzi ku eka yena,+ ‘Vamakwerhu ni vandyangu wa tatana lava a va ri etikweni ra Kanana va tile laha eka mina.+ 32  Vanhu lava i varisi va tinyimpfu,+ hikuva va ve vafuwi+ va swifuwo; naswona mintlhambi ya vona ya tinyimpfu ni mintlhambi ya vona ya tihomu ni hinkwaswo leswi va nga na swona va te na swona laha.’+ 33  Kutani loko Faro a mi vitana kunene a ku eka n’wina, ‘Ntirho wa n’wina i yini?’ 34  Mi ta ku, ‘Malandza ya wena ma hambete ma ri vafuwi va swifuwo ku sukela evuntshweni bya hina ku ta fikela sweswi, hina ni vatata+ wa hina,’ leswaku mi ta tshama etikweni ra Goxeni,+ hikuva murisi un’wana ni un’wana wa tinyimpfu i nchumu lowu nyenyetsaka aEgipta.”+

Tinhlamuselo ta le hansi