Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Genesa 4:1-26

4  Adamu a tivana ni nsati wakwe Evha kutani a tika.+ Hi ku famba ka nkarhi a veleka Kayini,+ kutani a ku: “Ndzi tswale munhu hi ku pfuniwa hi Yehovha.”+  Endzhakunyana a tlhela a veleka Avele+ makwavo. Avele a va murisi wa tinyimpfu,+ kambe Kayini a va murimi wa misava.+  Endzhaku ka nkarhi wo karhi, Kayini a tisela Yehovha+ mihandzu ya misava+ leswaku yi ta va gandzelo.  Kambe loko ku ri Avele, na yena a tisa mativula+ ya ntlhambi wakwe ni mafurha ya swona.+ Hambileswi Yehovha a amukeleke Avele ni gandzelo+ rakwe,  a nga n’wi amukelanga nikatsongo Kayini ni gandzelo+ rakwe. Kutani Kayini a hlundzuka+ ngopfu, naswona nghohe yakwe yi hlunama.  Hiloko Yehovha a ku eka Kayini: “Hikwalaho ka yini u hlundzuke ngopfu, naswona hikwalaho ka yini nghohe ya wena yi hlunamile?  Loko u hundzuka u endla leswinene, xana u nge tlakusiwi?+ Kambe loko u nga hundzuki leswaku u endla leswinene, ku ni xidyoho lexi tumbeleke enyangweni naswona xa ku navela;+ kambe loko ku ri wena, xana u nge xi hluli?”+  Endzhaku ka sweswo Kayini a ku eka Avele makwavo: [“A hi ye enhoveni.”] Kutani loko va ri enhoveni Kayini a hlasela Avele makwavo a n’wi dlaya.+  Endzhaku Yehovha a ku eka Kayini: “Avele makwenu u kwihi?”+ kutani yena a ku: “A ndzi tivi. Xana ndzi murindzi+ wa makwerhu?” 10  Hiloko a ku: “Xana u endle yini? Yingisa! Ngati ya makwenu yi huwelela eka mina yi ri emisaveni.+ 11  Kutani sweswi u rhukaniwe hi ku hlongoriwa emisaveni+ leyi ahlamiseke nomu yi amukela ngati ya makwenu evokweni+ ra wena. 12  Loko u rima misava, a yi nge ku tlheriseli hi ku ya hi matimba+ ya yona. U ta va mutsendzeleki ni mubaleki emisaveni.”+ 13  Hiloko Kayini a ku eka Yehovha: “Ku xupuriwa ka mina hikwalaho ka xihoxo i kukulu leswaku ndzi nga ku rhwala. 14  Waswivo, namuntlha wa ndzi hlongola kunene ehenhla ka vuandlalo bya misava, naswona xikandza xa wena a ndzi nge he xi voni;+ ndzi ta va mutsendzeleki+ ni mubaleki emisaveni, kunene mani na mani la nga ta ndzi kuma u ta ndzi dlaya.”+ 15  Hiloko Yehovha a ku eka yena: “Hikwalaho ka sweswo un’wana ni un’wana la nga ta dlaya Kayini u fanele ku rihisiwa ka nkombo.”+ Kutani Yehovha a endlela Kayini mfungho leswaku ku nga vi na munhu ni un’we la n’wi dlayaka+ loko a n’wi kuma. 16  Hiloko Kayini a suka emahlweni ka xikandza xa Yehovha+ a ya tshama etikweni ra Vubalekelo hi tlhelo ra vuxa bya Edeni. 17  Endzhaku Kayini a tivana ni nsati+ wakwe kutani a tika, a veleka Enoko. Hiloko a  aka muti a wu thya vito ra Enoko+ n’wana wakwe. 18  Endzhaku Enoko a velekeriwa Irada. Irada a va tata wa Mehuyayele, Mehuyayele a va tata wa Metuxayele, Metuxayele a va tata wa Lameke. 19  Kutani Lameke a teka vasati vambirhi. Vito ra lowo sungula a a ri Ada kasi vito ra lowa vumbirhi a a ri Zila. 20  Kutani Ada a veleka Yabali. Hi yena wo sungula eka lava tshamaka emintsongeni+ ni lava nga ni swifuwo.+ 21  Vito ra makwavo a a ri Yubala. Hi yena wo sungula eka hinkwavo lava tamelaka haripa+ ni nanga.+ 22  Loko ku ri Zila, na yena a veleka Tubala-kayini, mufuri wa switirho hinkwaswo swa koporo ni swa nsimbhi.+ Makwavo wa xisati wa Tubala-kayini a a ri Nayama. 23  Kutani Lameke a tsalela vasati vakwe, Ada na Zila marito lawa: “Twanani rito ra mina n’wina vasati va Lameke; Yingisani leswi ndzi swi vulaka: Ndzi dlaye munhu hikwalaho ka leswi a ndzi vaviseke, Ina, jaha hikwalaho ka leswi ri nga ndzi ba hi xibakele. 24  Loko Kayini a ta rihiwa+ ka nkombo, Kutani Lameke u ta rihiwa ka 77.” 25  Adamu a tlhela a tivana ni nsati wakwe kutani a veleka n’wana a n’wi thya vito ra Seta,+ hikuva, hilaha a vuleke hakona a ku: “Xikwembu xi ndzi hlawulele mbewu yin’wana ematshan’weni ya Avele, hikuva Kayini u n’wi dlele.”+ 26  Seta na yena a velekeriwa n’wana kutani a n’wi thya vito ra Enosi.+ Ku sukela enkarhini wolowo ku sungule ku vitaniwa ka vito ra Yehovha.+

Tinhlamuselo ta le hansi