Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Genesa 38:1-30

38  Hi nkarhi wolowo Yuda a rhelela a suka eka vamakwavo a ya dzima ntsonga wa yena ekusuhi ni munhu wa Muadulamu,+ vito ra yena a ku ri Hira.  Kwalaho Yuda a vona n’wana wa nhwanyana wa Mukanana+ un’wana, vito ra yena a ku ri Xuwa. Kutani a n’wi teka naswona a tivana na yena.  A tika. Endzhakunyana a tswala n’wana kutani a n’wi thya vito ra Ere.+  A tlhela a tika. Hi ku famba ka nkarhi a tswala n’wana a n’wi thya vito ra Onani.  Hi nkarhi wun’wana a tlhela a tswala n’wana a n’wi thya vito ra Xela. Kutani yena a a ri eAkizibi loko a n’wi tswala.+  Hi ku famba ka nkarhi Yuda a tekela Ere mativula yakwe nsati, vito ra yena a ku ri Tamari.+  Kambe Ere mativula ya Yuda a va lowo biha ematihlweni ya Yehovha;+ kutani Yehovha a n’wi dlaya.+  Hikwalaho ka sweswo Yuda a ku eka Onani: “Tivana ni nsati wa makwenu, u teka nsati wa makwenu a va nsati wa wena, u kurisela makwenu+ vana.”  Kambe Onani a a swi tiva leswaku vana a va nge vi va yena;+ kuteloko a tivana ni nsati wa makwavo a chululela mbewu ya yena ya vununa emisaveni leswaku a nga nyiki makwavo+ vana. 10  Leswi a swi endleke a swi bihile ematihlweni ya Yehovha;+ hikwalaho a n’wi dlaya+ na yena. 11  Kutani Yuda a ku eka Tamari nhlomi yakwe: “Tshama endlwini ya tata wa wena u ri noni kukondza Xela n’wana wa mina a kula.”+ Hikuva a a tibyele leswi: “Na yena a nga ha fa ku fana ni vamakwavo.”+ Hikwalaho Tamari a famba a ya tshama endlwini+ ya tata wakwe. 12  Hikwalaho masiku ma ya ma tala kutani n’wana wa Xuwa, nsati+ wa Yuda a fa; hiloko Yuda a n’wi rila+ hi nkarhi wa kona. Endzhaku ka sweswo a ya eka vatsemeti va tinyimpfu takwe eTimna,+ yena na Hira nakulobye wa Muadulamu.+ 13  Kutani va byela Tamari va ku: “Mukon’wana wa wena u tlhandlukela eTimna ku ya tsemeta tinyimpfu+ takwe.” 14  Hiloko a hluvula tinguvu ta vunoni byakwe a tifunengeta hi xoli naswona a tipfala hi nturhu, a tshama ehansi enyangweni ya Enayima, leyi nga egondzweni leri yaka eTimna. Hikuva a a swi vonile leswaku Xela u kurile kambe a va n’wi nyikanga leswaku a va nsati wakwe.+ 15  Loko Yuda a n’wi vona, xikan’we-kan’we a ehleketa le-swaku i nghwavava,+ hikuva a a tifunengete xikandza.+ 16  Kutani a hambukela eka yena etlhelo ka gondzo a ku: “Ndzi kombela u ndzi pfumelela leswaku ndzi tivana na wena.”+ Hikuva a a nga swi tivi leswaku i nhlomi+ ya n’wana wakwe. Kambe yena a ku: “Xana u ta ndzi nyika yini leswaku u tivana na mina?”+ 17  Hiloko a ku: “Mina ndzi ta rhumela ximbutana lexi humaka entlhambini.” Kambe yena a ku: “Xana u ta nyika xitiyisekiso u kala u xi rhumela?”+ 18  A ya emahlweni a ku: “Hi xihi xitiyisekiso lexi ndzi nga ta ku nyika xona?” yena a ku: “Xingwavila+ xa wena xa mfungho ni ntambhu ya wena ni nhonga ya wena leyi nga evokweni ra wena.” Kutani a n’wi nyika swona a tlhela a tivana na yena, kutani a n’wi tikisa. 19  Endzhaku ka sweswo a suka a famba a ya susa xoli ya yena a tiambexa tinguvu ta vunoni+ byakwe. 20  Kutani Yuda a rhumela ximbutana hi voko ra nakulobye wakwe wa Muadulamu+ leswaku a ta tlhela a kuma xitiyisekiso xakwe evokweni ra wansati loyi, kambe a nga n’wi kumanga. 21  A vutisa vanhu va ndhawu ya wansati loyi, a ku: “Yi kwihi nghwavava ya le tempeleni leyi tshamaka etlhelo ka gondzo aEnayima?” Kambe va hambeta va ku: “A ku si tshama ku va ni nghwavava+ ya le tempeleni endhawini leyi.” 22  Eku heteleleni a tlhelela eka Yuda, a ku: “A ndzi n’wi kumanga, kasi vanhu va ndhawu va te, ‘A ku si tshama ku va ni nghwavava ya le tempeleni endhawini leyi.’” 23  Kutani Yuda a ku: “A a titekele swona swi va swa yena, leswaku hi nga hlekuriwi.+ Naswona ndzi rhumele ximbutana lexi, kambe wena—a wu n’wi kumanga.” 24  Hambiswiritano, kwalomu ka tin’hweti tinharhu endzhaku va byela Yuda va ku: “Tamari nhlomi ya wena u tiendle nghwavava,+ naswona sweswi u tikile+ hikwalaho ka vunghwavava byakwe.” Hiloko Yuda a ku: “N’wi humeseni a ta hisiwa.”+ 25  Loko a ri karhi a humesiwa a rhumela rito eka mukon’wana wakwe a ku: “Ndzi tikise+ hi munhu loyi swilo leswi swi nga swa yena.” A engeta a ku: “Ndzi kombela u kambela+ leswaku swilo leswi i swa mani, xingwavila xa mfungho ni ntambhu ni nhonga.”+ 26  Kutani Yuda a swi kambela a ku:+ “U lulame ngopfu ku ndzi tlula,+ hikwalaho ka leswi ndzi nga n’wi nyikangiki n’wananga+ Xela.” A nga ha tlhelanga a tivana na yena endzhaku ka sweswo.+ 27  Kutani enkarhini wa ku veleka kakwe, phela, a ku ri ni mahahla ekhwirini rakwe. 28  Ku tlula kwalaho, loko a veleka, un’wana wa vana lava u tshambulute voko, xikan’we-kan’we sungukati yi ri khoma yi ri tsimba hi ngoti ya ribungu evokweni ra n’wana, yi ku: “Loyi hi yena a humeke ku sungula.” 29  Eku heteleleni loko n’wana a tlhentlhisele voko ra yena endzhaku, waswivo, makwavo a huma, kutani sungukati yi huwelela yi ku: “U vula yini hi leswi, u vula leswaku u handzule mbeleko?” Hikwalaho a thyiwa vito ra Faresi.+ 30  Kutani endzhaku ka sweswo makwavo loyi a nga tsimbiwa voko hi ngoti ya ribungu a huma, vito rakwe a thyiwa Zara.+

Tinhlamuselo ta le hansi