Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Genesa 35:1-29

35  Endzhaku ka sweswo Xikwembu xi ku eka Yakobe: “Suka u tlhandlukela eBethele u ya tshama kona,+ kutani u endlela Xikwembu xa ntiyiso alitari kwalaho, lexi nga humelela eka wena loko u baleka Esawu makwenu.”+  Kutani Yakobe a byela vandyangu wa yena ni hinkwavo lava a va ri na yena a ku: “Susani swikwembu swimbe leswi nga exikarhi ka n’wina+ mi tibasisa, mi cinca ni minkhancu+ ya n’wina,  a hi sukeni hi tlhandlukela eBethele. Ndzi ta endlela Xikwembu xa ntiyiso alitari kwalaho, lexi xi ndzi hlamuleke hi siku ra maxangu+ hikuva xi ve na mina endleleni leyi ndzi yi fambeke.”+  Kutani va nyika Yakobe hinkwaswo swikwembu+ swimbe leswi a swi ri emavokweni ya vona ni swingwavila leswi a swi ri etindleveni ta vona, Yakobe a swi fihla+ ehansi ka murhi lowukulu lowu a wu ri ekusuhi na Xikeme.  Endzhaku ka sweswo va suka va famba, ku chava loku humaka eka Xikwembu ku va ehenhla ka miti leyi a yi va rhendzerile,+ kutani a va va hlongorisanga vana va Yakobe.  Eku heteleleni Yakobe a fika eLuzi,+ lowu nga etikweni ra Kanana, leswi vulaka Bethele, yena ni vanhu hinkwavo lava a va ri na yena.  Kutani a aka alitari kwalaho naswona a thya ndhawu yoleyo Eli-bethele, hikuva kwalaho Xikwembu xa ntiyiso xi tikombise eka yena hi nkarhi lowu a a baleka makwavo.+  Endzhakunyana Debora+ xitirhi xa xisati xa Raveka, a fa kutani a lahliwa emakumu ka Bethele, ehansi ka murhi lowukulu ngopfu. Hikwalaho a thya ndhawu yoleyo vito ra Aloni-bakuti.  Kutani Xikwembu xi humelela eka Yakobe nakambe loko a vuya ePadani-aramu,+ xi n’wi katekisa.+ 10  Xikwembu xi ya emahlweni xi ku eka yena: “Vito ra wena u Yakobe.+ U nge he vitaniwi Yakobe, kambe vito ra wena u ta vitaniwa Israyele.” Kutani xi sungula ku n’wi vitana hi vito ra Israyele.+ 11  Ku tlula kwalaho, Xikwembu xi ku eka yena: “Ndzi Xikwembu xa Matimba Hinkwawo.+ Tswala u tala. Ku ta huma matiko ni nhlengeletano ya matiko eka wena, ni tihosi ti ta huma emasengeni ya+ wena. 12  Loko ku ri tiko leri ndzi nga ri nyika Abrahama na Isaka, ndzi ta ku nyika rona, ni mbewu+ ya wena leyi nga ta ta endzhaku ka wena ndzi ta yi nyika tiko+ leri.” 13  Endzhaku ka sweswo Xikwembu xi tlhandlukela ehenhla xi suka endhawini leyi xi vulavuleke na yena eka yona.+ 14  Hikwalaho Yakobe a yimisa phuphu endhawini leyi a vulavuleke na xona a ri eka yona,+ phuphu ya ribye, kutani a chela gandzelo ra swakunwa ehenhla ka yona a tlhela a chela mafurha+ ehenhla ka yona. 15  Yakobe a ya emahlweni a thya ndhawu leyi a vulavuleke ni Xikwembu a ri eka yona vito ra Bethele.+ 16  Kutani va suka eBethele. Loko va ha ri ekulenyana ni ku fika aEfurata,+ Rahele a veleka, naswona a swi n’wi nonon’hwela ku veleka.+ 17  Loko swa ha n’wi nonon’hwela ku veleka, sungukati yi ku eka yena: “U nga chavi hikuva ni loyi n’wana+ u ta va na yena.” 18  Vuyelo byi va leswaku loko moya-xiviri+ wa yena wu huma (hikuva u file)+ a n’wi thya vito ra Beni-oni, kambe tata wa yena a n’wi thya Benjamini.+ 19  Hiloko Rahele a fa kutani a lahliwa endleleni leyi yaka aEfurata, leswi vulaka, Betlehema.+ 20  Hikwalaho Yakobe a yimisa phuphu ehenhla ka sirha ra yena. Leyi i phuphu ya sirha ra Rahele ku ta fika esikwini leri.+  21  Endzhaku ka sweswo Israyele a suka a ya dzima ntsonga wa yena hi tlhelo rin’wana ra xihondzo xa Edere.+ 22  Loko Israyele a ake+ etikweni rero, Ruveni a etlela na Biliha nsati lontsongo wa tata wakwe, kutani Israyele a swi twa.+ Vana va Yakobe a va ri 12. 23  Vana va Leya a ku ri Ruveni+ mativula ya Yakobe, na Simiyoni na Levhi na Yuda na Isakara na Zebuloni. 24  Vana va Rahele a ku ri Yosefa na Benjamini. 25  Vana va Biliha nandza wa xisati wa Rahele a ku ri Dani na Neftali. 26  Vana va Zilpa nandza wa xisati wa Leya a ku ri Gadi na Axere. Lava i vana va Yakobe lava a nga velekeriwa vona ePadani-aramu. 27  Eku heteleleni Yakobe a fika eka Isaka tata wa yena eMamre,+ eKiriyati-aba,+ leswi vulaka Hebroni, laha Abrahama na yena Isaka va luveleke+ kona. 28  Masiku ya Isaka ma va malembe+ ya 180. 29  Endzhaku ka sweswo Isaka a timeka, a fa, kutani a vekiwa eka varikwavo, a dyuhele naswona a enerisekile hi masiku,+ Esawu na Yakobe vana vakwe va n’wi lahla.+

Tinhlamuselo ta le hansi