Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Genesa 32:1-32

32  Loko ku ri Yakobe, a khoma ndlela kutani tintsumi ta Xikwembu ti n’wi hlanganisa.+  Hi ku hatlisa loko Yakobe a ti vona a ku: “Lowu+ i nxaxa wa Xikwembu!” Hikwalaho a thya ndhawu yoleyo vito ra Mahanayimi.+  Kutani Yakobe a rhumela varhumiwa+ emahlweni ka yena va ya eka Esawu makwavo etikweni ra Seyiri,+ endhawini ya Edomu,+  a va lerisa a ku: “Hosi+ ya mina Esawu mi ta yi byela mi ku, ‘Yakobe nandza wa wena u te: “Ndzi ve muluveri na Labani nkarhi wo leha ku ta fika sweswi.+  Ndzi kume tinkunzi ni timbhongolo, ni tinyimpfu, ni malandza ya xinuna ni ya xisati,+ ndzi rhandza ku ku tivisa hosi yanga, leswaku u ta ndzi tsakela ematihlweni ya wena.”’”+  Hi ku famba ka nkarhi varhumiwa va tlhelela eka Yakobe, va ku: “Hi fikile eka makwenu Esawu, naswona u le ndleleni ku ta hlangana na wena, u ni vavanuna va 400.”+  Yakobe a chava swinene naswona a vilela.+ Kutani a ava vanhu lava a va ri na yena, ni mintlhambi ni tihomu ni tikamela swi va mixaxa yimbirhi,+  a ku: “Loko Esawu o fika a hlasela nxaxa wun’we, kunene ku ta va ni nxaxa lowu nga ta sala wu baleka.”+  Endzhaku ka sweswo Yakobe a ku: “Oho Xikwembu xa tatana Abrahama ni Xikwembu xa tatana Isaka,+ Oho Yehovha, wena u vulaka eka mina u ku, ‘Tlhelela etikweni ra ka n’wina ni maxaka ya wena, ndzi ta tirhisana kahle na wena,’+ 10  a ndzi faneriwanga hi musa wa rirhandzu hinkwawo ni hi vutshembeki hinkwabyo lebyi u byi kombeke nandza+ wa wena, hikuva ndzi pele Yordani lowu ndzi ri ni nhonga ya mina ntsena kambe sweswi ndzi ni mixaxa yimbirhi.+ 11  Ndza ku khongela,+ ndzi kutsule evokweni ra makwerhu, evokweni ra Esawu, hikuva ndzi chava leswaku kunene u ta fika a ndzi hlasela,+ mina, manana swin’we ni vana. 12  Wena u te, ‘Handle ko kanakana ndzi ta tirhisana kahle na wena naswona ndzi ta endla leswaku mbewu ya wena yi fana ni swiribyana swa sava ra lwandle, leswi nga ta ka swi nga hlayeki hi vunyingi bya swona.’”+ 13  Kutani a tshama kwalaho vusiku byebyo. Eka leswi a a swi kuma evokweni rakwe a vekela Esawu makwavo+ nyiko: 14  timbuti ta matswele ta 200 ni swiphongo swa 20, tinyimpfu ta 200 ni makhuna ya 20, 15  tikamela leti an’wisaka ta 30 ni vana va tona, tihomu ta 40 ni tinkunzi ta khume, timbhongolo ta matswele ta 20 ni timbongolo+ leti kuleke ta khume. 16  Kutani a nyiketa malandza yakwe ntlhambi ha wun’we ivi hi ku phindha-phindha a ku eka malandza ya yena: “Pelani emahlweni ka mina, mi siya mpfhuka exikarhi ka ntlhambi ni ntlhambi.”+ 17  Ku tlula kwalaho a lerisa wo sungula a ku: “Loko Esawu makwerhu a hlangana na wena a ku vutisa, a ku, ‘Xana u wa mani, u ya kwihi naswona swilo leswi nga emahlweni ka wena i swa mani?’ 18  u ta ku, ‘Ndzi wa nandza wa wena, Yakobe. Leyi i nyiko+ leyi rhumeriwaka hosi yanga,+ Esawu, kutani waswivo, na yena wa ta hi le ndzhaku ka hina.’” 19  Kutani a tlhela a lerisa wa vumbirhi, ni wa vunharhu, ni hinkwavo lava landzelaka mintlhambi, a ku: “Mi ta vula marito lawa eka Esawu loko mi hlangana na yena.+ 20  Nakambe mi ta vula mi ku, ‘Nandza wa wena Yakobe u ta hi le ndzhaku ka hina.’”+ Hikuva u tibyele a ku: “Ndzi nga ha n’wi rhulisa hi nyiko leyi yi ndzi rhangeleke,+ kutani endzhaku ka sweswo ndzi vona xikandza xa yena. Kumbexana u ta ndzi amukela+ hi musa.” 21  Kutani nyiko yi pela yi famba emahlweni ka yena, kambe yena a etlela enxaxeni+ vusiku byebyo. 22  Endzhakunyana evusikwini byebyo a pfuka a teka vasati+ va yena vambirhi ni malandza+ ya yena mambirhi ya xisati ni majaha+ ya yena ya 11, a pela hlaluko ra Yaboko.+ 23  Kutani a va teka a va tsemakanyisa nkova,+ a tsemakanyisa ni leswi a a ri na swona. 24  Eku heteleleni Yakobe a sala a ri yexe. Kutani munhu a tshwimbirisana na yena ku fikela loko vurhonga byi tsuvuka.+ 25  Loko a vona leswaku a nga n’wi hlulanga,+ a n’wi khumba emahlanganweni ya nhlolo ya ndzhumbi wa yena; kutani mahlangano ya nhlolo ya ndzhumbi wa Yakobe ma suleka hi nkarhi lowu a a tshwimbirisana na yena.+ 26  Endzhaku ka sweswo a ku: “Ndzi tshike ndzi famba, hikuva vurhonga byi tsuvukile.” Yena a ku: “A ndzi nge ku tshiki loko u nga rhangi hi ku ndzi katekisa.”+ 27  Kutani a ku eka yena: “Hi wena mani vito ra wena?” yena a ku: “Hi mina Yakobe.” 28  Kutani a ku: “Vito ra wena u nge he vitaniwi Yakobe kambe u ta vitaniwa Israyele,+ hikuva u tshwimbirisane+ ni Xikwembu ni vanhu, kutani u hetelele hi ku hlula.” 29  Yakobe a vutisisa a ku: “Ndzi kombela u ndzi byela vito ra wena.” Kambe, yena a ku: “Hikwalaho ka yini u vutisa vito+ ra mina?” Hiloko a n’wi katekisa kwalaho. 30  Hikwalaho Yakobe a thya ndhawu yoleyo vito ra Peniyele,+ hikuva hi ku vula ka yena, u te, “Ndzi vone Xikwembu hi langutane hi swikandza kambe moya-xiviri wa mina wu kutsuriwile.”+ 31  Dyambu ri sungula ku n’wi voningela loko a hundza ePenuwele, kambe a a khuta hi ndzhumbi.+ 32  Hi yona mhaka leyi vana va Israyele va nga tolovelangiki ku dya nsiha wa ndzhumbi, lowu nga emahlanganweni ya nhlolo ya ndzhumbi ku ta fikela ni namuntlha, hikuva u khumbe mahlangano ya nhlolo ya ndzhumbi wa Yakobe hi le nsiheni.+

Tinhlamuselo ta le hansi