Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Genesa 28:1-22

28  Hikwalaho Isaka a vitana Yakobe a n’wi katekisa, a n’wi lerisa a ku: “U nga teki nsati eka vana va Kanana.+  Suka, famba u ya ePadani-aramu eka yindlu ya Bethuwele tata wa mana wa wena, u teka nsati kona eka vana va Labani makwenu wa mana+ wa wena.  Xikwembu xa Matimba Hinkwawo xi ta ku katekisa, xi ku andzisa u tala, kunene u ta va nhlengeletano ya vanhu.+  Xi ta ku nyika nkateko wa Abrahama,+  wena ni mbewu ya wena,+ leswaku u teka tiko leri u luveleke+ eka rona, leri Xikwembu xi ri nyikeke Abrahama.”+  Kutani Isaka a fambisa Yakobe, a suka a ya ePadani-aramu eka Labani n’wana wa Bethuwele wa Musiriya,+ makwavo wa Raveka,+ mana wa Yakobe na Esawu.+  Loko Esawu a vona leswaku Isaka u katekise Yakobe a tlhela a n’wi fambisa a n’wi rhumela ePadani-aramu leswaku a ya teka kona nsati, nileswaku loko a n’wi katekisa u n’wi lerise a ku: “U nga teki nsati eka vana va Kanana”;+  nileswaku Yakobe a a yingisa tata wakwe ni mana wakwe naswona a a ri endleleni a ya ePadani-aramu;+  Esawu a swi vona leswaku vana va Kanana va vanhwanyana a va nga tsakisi ematihlweni ya Isaka tata+ wakwe.  Hikwalaho Esawu a ya eka Iximayele a teka Mahalata n’wana wa Iximayele a va nsati wa yena, n’wana wa Abrahama, makwavo wa xisati wa Nebayoto, handle ka vasati+ lavan’wana va yena. 10  Yakobe a ya emahlweni ni ndlela yakwe a suka eBera-xeba a ya eHarani.+ 11  Hi ku famba ka nkarhi a fika endhawini yin’wana a tilunghiselela ku etlela kona vusiku byebyo hikuva dyambu a ri perile. Kutani a teka rin’wana ra maribye ya ndhawu yoleyo a ri veka ri va xikhegelo, a etlela endhawini+ yoleyo. 12  A lorha,+ kutani waswivo, a ku ri ni xitepisi xi yimisiwe emisaveni, makumu ya xona ma fika ematilweni; kutani waswivo, a ku ri ni tintsumi ta Xikwembu ti tlhandluka ni ku rhelela hi xona.+ 13  Kutani waswivo, Yehovha a a ri ehenhla ka xona, a ku:+ “Hi mina Yehovha Xikwembu xa Abrahama tata wa wena ni Xikwembu xa Isaka.+ Tiko leri u etleleke ehenhla ka rona, ndzi ta ri nyika wena ni mbewu+ ya wena. 14  Hakunene mbewu ya wena yi ta fana ni ntshuri wa misava,+ naswona u ta hangalaka kunene hinkwako-nkwako, evupela-dyambu, evuxeni, en’walungu ni le dzongeni,+ kunene mindyangu hinkwayo ya misava yi ta tikatekisa+ ha wena ni hi mbewu ya wena. 15  Sweswi ndzi na wena naswona ndzi ta ku hlayisa endleleni hinkwayo leyi u yi fambaka, kutani ndzi ta ku tlherisela eka misava+ leyi, hikuva a ndzi nge ku tshiki ku fikela loko entiyisweni ndzi endle leswi ndzi ku byeleke swona.”+ 16  Kutani Yakobe a xalamuka evurhongweni byakwe a ku: “Entiyisweni Yehovha u kona endhawini leyi, ntsena mina a ndzi swi tivanga.” 17  A chava kutani a engeta+ a ku: “Ndhawu leyi ya chavisa swinene!+ Lowu a hi nchumu wun’wana kambe i yindlu ya Xikwembu+ naswona leyi i nyangwa ya matilo.” 18  Kutani Yakobe a pfuka nimpundzu swinene a teka ribye leri a ri ri xikhegelo xakwe kwalaho, a ri yimisa ri va phuphu naswona a chela mafurha ehenhla ka rona.+ 19  Ku tlula kwalaho a thya ndhawu yoleyo vito ra Bethele;+ kambe entiyisweni, vito ra muti lowu a ku ri Luzi eku sunguleni.+ 20  Yakobe a hlambanya xitshembiso lexi hlambanyiweke+ a ku: “Loko Xikwembu xi ta hambeta xi va na mina, entiyisweni xi ndzi hlayisa endleleni leyi ndzi yi fambaka, kunene xi ndzi nyika xinkwa leswaku ndzi dya ni tinguvu leswaku ndzi ambala+ 21  kunene ndzi tlhelela hi ku rhula endlwini ya tatana, Yehovha u ta va a tikombise a ri Xikwembu xa mina.+ 22  Ribye leri ndzi ri yimiseke ri va phuphu ri ta va yindlu ya Xikwembu,+ kunene swilo hinkwaswo leswi u nga ta ndzi nyika swona ndzi ta nyikela hi vukhume bya swona eka wena.”+

Tinhlamuselo ta le hansi